ഐസിസ് ബന്ധം;വയനാട് സ്വദേശി കണ്ണൂരില് പിടിയില് !
കണ്ണൂര്: ഭീകര സംഘടനയായ ഐസിസുമായി ബന്ധമുണ്ടെന്നു സംശയിക്കുന്ന ഒരാളെ കണ്ണൂരില് നിന്നു കസ്റ്റഡിയിലെടുത്തു. വയനാട് കമ്പളക്കാട് സ്വദേശി മുഹമ്മദ് ഹനീഫാണ് പിടിയിലായത്. മുംബൈ പോലീസ് രജിസ്ട്രര് ചെയ്ത കേസിലാണ് ഹനീഫീനെ അറസ്റ്റു ചെയ്തിരിക്കുന്നത്.
കേരളത്തില് നിന്ന് ഐസിസിലേയ്ക്ക് റിക്രൂട്ടു ചെയ്തവര്ക്ക് ക്ലാസ് എടുത്തുവെന്നാണ് ഇയാള്ക്കെതിരായ ആരോപണം. മത തീവ്രവാദം പ്രചരിപ്പിക്കുന്നതിനും പരിശീലനം നല്കുന്നതിനും ഇയാള് ശ്രമിച്ചുവെന്നും പോലീസ് സംശയിക്കുന്നുണ്ട്. കഴിഞ്ഞ ദിവസം കണ്ണൂരിലെത്തിയ സംഘം ഇയാളെ രഹസ്യകേന്ദ്രത്തില് ചോദ്യം ചെയതു വരികയാണ്.
കാസര്കോടുനിന്നും ഐസിസില് ചേര്ന്നെന്നു കരുതുന്ന സംഘത്തെ സഹായിച്ച ദില്ലി സ്വദേശിയായ യുവതി ആഗസ്ത് രണ്ടിന് കേരള പോലീസിന്റെ പിടിയിലായിരുന്നു. രാജ്യം വിടാന് ശ്രമിക്കവെ വിമാനത്താവളത്തില് വെച്ചാണ് ഇവരെ കസ്റ്റഡിയിലെടുത്തത്.
ഇവരെ ചോദ്യം ചെയ്തുവരികയാണ്. ജൂലായ് മാസത്തില് കാസര്ക്കോടുനിന്നുള്പ്പെടെ ഇരുപതിലധികം പേരെ കാണാതായിരുന്നു. ഇവര് ഇറാന് വഴി ഐസിസില് ചേര്ന്നതായാണ് അന്വേഷണ സംഘം സംശയിക്കുന്നത്.