ഇസ്രായേലിലേക്ക് ഇപ്പോള് പോകേണ്ടെന്ന് മുഖ്യമന്ത്രി; കൃഷിമന്ത്രിയുടെ യാത്ര മാറ്റി
ഇസ്രായേലില് പോയി അവിടത്തെ കൃഷിരീതികള് പഠിക്കാനായിരുന്നു യാത്ര
തിരുവനന്തപുരം: കൃഷി മന്ത്രി പി പ്രസാദിന്റേയും സംഘത്തിന്റേയും വിദേശയാത്ര മാറ്റി. മുഖ്യമന്ത്രി പിണറായി വിജയന്റെ നിര്ദേശത്തെ തുടര്ന്നാണ് യാത്ര മാറ്റിയത് എന്നാണ് റിപ്പോര്ട്ട്. കൃഷി മന്ത്രി പി പ്രസാദും സംഘവും ഇസ്രായേലിലേക്കായിരുന്നു യാത്ര നിശ്ചയിച്ചിരുന്നത്. എന്നാല് ഇസ്രായേല് സന്ദര്ശനം സംബന്ധിച്ച് രണ്ട് മാസം കഴിഞ്ഞ് ആലോചിക്കാം എന്ന് മുഖ്യമന്ത്രി പറഞ്ഞതായാണ് വിവരം.
ആധുനിക കൃഷി രീതികള് പഠിക്കാന് കൃഷി മന്ത്രിയെ കൂടാതെ ഉദ്യോഗസ്ഥരും കര്ഷകരും ആയിരുന്നു ഇസ്രായേലിലേക്ക് പോകാനിരുന്നത്. എന്നാല് സാമ്പത്തിക പ്രതിസന്ധിക്കിടെ രണ്ട് കോടി ചെലവാക്കിയുള്ള യാത്ര വിവാദമായിരുന്നു. ഇതിന്റെ പശ്ചാത്തലത്തിലാണ് മുഖ്യമന്ത്രി അനുമതി നിഷേധിച്ചത് എന്നാണ് റിപ്പോര്ട്ട്. ഇസ്രായേലിലെ കാര്ഷിക പഠന കേന്ദ്രങ്ങള്, കൃഷിഫാമുകള് എന്നിവിടങ്ങളിലെ കൃഷി രീതികള് കണ്ട് മനസിലാക്കാനായിരുന്നു യാത്ര.
കര്ഷകരും സംഘത്തില്
ഇസ്രായേലില് ഒരാഴ്ചയില് അധികം നീണ്ടുനില്ക്കുന്ന സന്ദര്ശന പരിപാടി ആയിരുന്നു ആസൂത്രണം ചെയ്തിരുന്നത്. ഫെബ്രുവരി 12 മുതല് 19 വരെ നീണ്ട് നില്ക്കുന്നതായിരുന്നു ഇസ്രായേല് പര്യടനം. മന്ത്രിയേയും ഉദ്യോഗസ്ഥരേയും കൂടാതെ തെരഞ്ഞൈടുത്ത 20 കര്ഷകരും സംഘത്തിലുണ്ടായിരുന്നു.
കൃഷി പഠിക്കാന് ആന്ധ്രയിലും
ഇതോടൊപ്പം കാര്ഷിക മേഖലയിലെ മികച്ച റിപ്പോര്ട്ടിംഗിനുള്ള പുരസ്കാരം ലഭിച്ച രണ്ട് മാധ്യമപ്രവര്ത്തകരേയും സംഘത്തില് ഉള്പ്പെടുത്തും എന്ന് റിപ്പോര്ട്ടുണ്ടായിരുന്നു. കഴിഞ്ഞ വര്ഷം നവംബറില് ആന്ധ്രപ്രദേശിലെ കൃഷിയുമായി ബന്ധപ്പെട്ട സംവിധാനങ്ങള് പഠിക്കാന് മന്ത്രിയുടെ നേതൃത്വത്തില് ആന്ധ്ര സന്ദര്ശിച്ചിരുന്നു.
ഇസ്രായേലില് കൃഷി മെച്ചത്തില്
ഇസ്രായേലില് കാര്ഷിക മേഖലയിലെ അതിനൂതന സാങ്കേതികവിദ്യകളുടെ സഹായത്തോടെ കൃഷിചെലവ് കുറയ്ക്കുകയും ഉയര്ന്ന ഉത്പാദനക്ഷമത കൈവരിക്കുകയും ചെയ്യുന്ന പദ്ധതികളുണ്ട്. കൂടാതെ ഇസ്രായേലിലെ വാട്ടര് മാനേജ്മെന്റ്, റീസൈക്ലിങ് ടെക്നിക്കുകള്, മൈക്രോ ഇറിഗേഷന് സിസ്റ്റം, കാലാവസ്ഥ അനുരൂപ കൃഷി മാതൃകകള്, ഹൈടെക് കൃഷി രീതികള്, പോളി ഹൗസ് എന്നീ സാങ്കേതികവിദ്യകളും ലോകപ്രശസ്തമാണ്.
മുഖ്യമന്ത്രിയുടെ വിദേശയാത്രയുണ്ടാക്കിയ പൊല്ലാപ്പ്
ഇതെല്ലാം കണ്ട് മനസിലാക്കുന്നതിനും കേരളത്തിലെ സാഹചര്യത്തിന് അനുസരിച്ച് പരീക്ഷിക്കാനുമായിരുന്നു യാത്ര ആസൂത്രണം ചെയ്തത്. എന്നാല് കഴിഞ്ഞ വര്ഷത്തെ മുഖ്യമന്ത്രിയുടെ വിദേശ യാത്ര തന്നെ വലിയ വിവാദം വരുത്തി വെച്ച സാഹചര്യത്തില് ആണ് പുതിയ തീരുമാനം എന്നാണ് അറിയുന്നത്. മാത്രമല്ല സംസ്ഥാന ബജറ്റിന് മുന്പ് യു ഡി എഫ് ധവള പത്രം പുറത്തിറക്കി സംസ്ഥാനം കടക്കെണിയില് ആണ് എന്ന് ആരോപിക്കുകയും ചെയ്തിരുന്നു.
-
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ
Click it and Unblock the Notifications
Sign in with Google