കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ജോലി കൊടുത്തില്ല, മാനേജരെ വേശ്യയാക്കി

  • By Soorya Chandran
Google Oneindia Malayalam News

കൊച്ചി: ജോലി കിട്ടാത്തതിന്റെ പേരില്‍ ആത്മഹത്യ ചെയ്ത ഒരുപാട് യുവാക്കളുടെ നാടാണ് ഇന്ത്യ. എന്നാല്‍ ജോലി കൊടുക്കാത്തതിന്റെ പേരില്‍ അത്രവലിയ പ്രതികാര കഥകളൊന്നും നമ്മള്‍ കേട്ടിട്ടില്ല. എന്നാല്‍ ജോലി കൊടുക്കാത്തതിന്റെ പേരില്‍ വനിത എച്ച് ആര്‍ മാനേജര്‍ക്ക് മുട്ടന്‍ പണികൊടുത്ത കഥയാണ് കൊച്ചിയില്‍ നിന്നുള്ളത്.

അഭിമുഖത്തില്‍ പങ്കെടുത്ത് ജോലി കിട്ടാതെ വന്നപ്പോള്‍ ഐടി എന്‍ജിനീയര്‍ എച്ച് ആര്‍ മാനേജരെ വേശ്യയാക്കി. ഫേസ്ബുക്കും സോഷ്യല്‍ മീഡിയയും ഉപയോഗിച്ചായിരുന്നു ഈ പീഡനം.

Interview

തമിഴ്‌നാട് നീലഗിരി സ്വദേശി കാര്‍ത്തിക്ക് ആണ് ഇങ്ങനെ ഒരു പണി ഒപ്പിച്ചത്. അഭിമുഖത്തിനിടെ എച്ച് ആര്‍ മാനേജരുടെ പേരും ഫോണ്‍ നമ്പറും നെയിം ബോര്‍ഡില്‍ നിന്ന് മനസ്സിലാക്കിയ കാര്‍ത്തിക് ഫോണ്‍ നമ്പര്‍ ഫേസ്ബുക്കിലും മറ്റും പോസ്റ്റ് ചെയ്യുകയായിരുന്നു. ഒരു ലൈംഗിക തൊഴിലാളിയുടെ നമ്പര്‍ എന്ന രീതിയിലായിരുന്നു നമ്പര്‍ പോസ്റ്റ് ചെയ്തത്.

ഇതോടെ യുവതിയായ എച്ച് ആര്‍ മാനേജര്‍ക്ക് ഇരിക്കപ്പൊറുതിയില്ലാതായി. ഏത് സമയത്തും ഫോണ്‍കോളുകളുടെ ബഹളം. പലതും തനി അശ്ലീല ഭാഷയില്‍ തന്നെ.

ഒടുവില്‍ പോലീസില്‍ പരാതി നല്‍കിയപ്പോഴാണ് സംഭവത്തിന്റെ യഥാര്‍ത്ഥ വശം പുറത്ത് വന്നത്. പോലീസ് നടത്തിയ അന്വേഷണത്തില്‍ കാര്‍ത്തിക് കുടുങ്ങുകയും ചെയ്തു. ബാംഗ്ലൂരിലെ ഒരു ഐടി കമ്പനിയില്‍ ജോലി നോക്കുകയായിരുന്നു കാര്‍ത്തിക്. ജോലിക്കായി തന്നെ തിരഞ്ഞെടുക്കാതിരുന്നതിന്റെ ദേഷ്യം തീര്‍ത്തതാണെന്ന് കാര്‍ത്തിക് പോലീസിനോട് സമ്മതിച്ചു.

English summary
IT engineer arrested for uploading woman HR Manager's phone number
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X