ആനക്കൊമ്പ് സൂക്ഷിക്കാൻ തനിക്ക് അനുമതിയുണ്ടെന്ന് മോഹൻലാൽ; തന്റെ പ്രതിച്ഛായ നശിപ്പിച്ചെന്ന് കോടതിയിൽ!
കൊച്ചി: ആനക്കൊമ്പ് കേസിൽ തന്റെ പ്രതിച്ഛായ നശിപ്പിച്ചെന്ന് നടൻ മോഹൻലാൽ കോടതിയിൽ. ആനക്കൊമ്പ് കൈവശം സൂക്ഷിക്കുന്നതിന് മുന്കാല പ്രാബല്യത്തോടെ അനുമതിയുണ്ടെന്നും ആ സാഹചര്യത്തില് വനംവകുപ്പ് തനിക്കെതിരേ സമര്പ്പിച്ച കുറ്റപത്രം നിലനിൽക്കില്ലെന്നും മോഹൻലാൽ കോടതിയിൽ സമർപ്പിച്ച സത്യവാങ്മൂലതതിൽ പറയുന്നു.
കൂടത്തായി കൊലപാതകം; സയനൈഡ് കിട്ടാൻ പ്രജികുമാറിന് കൊടുത്തത് 2 കുപ്പി മദ്യം, 5000 രൂപയും!!
ആനക്കൊമ്പ് സൂക്ഷിക്കുന്നതിന് തനിക്ക് അനുമതിയുണ്ട്. ലൈസന്സിന് മുന്കാല പ്രാബല്യമുണ്ട്. അതുകൊണ്ട് തന്നെ ആനക്കൊമ്പ് സൂക്ഷിക്കുന്നതില് നിയമ തടസമില്ല. ആനക്കൊമ്പ് സൂക്ഷിക്കുന്നതുമായി ബന്ധപ്പെട്ട് തനിക്കെതിരേ നല്കിയ കുറ്റപത്രം നിയമപരമായി നിലനില്ക്കുന്നതല്ലെന്നും മോഹന്ലാല് കോടതിയില് വ്യക്തമാക്കി. പൊതുജനമധ്യത്തില് തന്റെ പ്രതിച്ഛായ മോശമാക്കാന് ശ്രമിക്കുന്നു എന്നും മോഹന്ലാല് കോടതിയിൽ വ്യക്തമാക്കി.
2012 ല് മോഹന്ലാലിന്റെ തേവരയിലുള്ള വീട്ടില് നിന്നും ആദായനികുതി വകുപ്പ് നാല് ആനക്കൊമ്പുകള് കണ്ടെത്തുകയായിരുന്നു. തുടര്ന്ന് കേസ് രജിസ്റ്റര് ചെയ്ത് ഏഴ് വർഷത്തിന് ശേഷമായിരുന്നു കേസിൽ മോഹൻലാലിനെ പ്രതിചേർത്ത് പോലീസ് കുറ്റപത്രം സമർപ്പിച്ചത്. മുന്പ് മൂന്ന് പ്രാവശ്യം മോഹന്ലാലിന് അനുകൂലമായി നിലപാട് സ്വീകരിച്ചതിന് ശേഷമാണ് വനം വകുപ്പ് മോഹൻലാലിനെ പ്രതി ചേർത്ത് കുറ്റപത്രം സമർപ്പിച്ചത്.