അരി മോഷ്ടിക്കേണ്ട ഗതി എങ്ങനെയുണ്ടായി, മധുവിന്റെ മരണത്തില് പൊട്ടിത്തെറിച്ച് ജേക്കബ് തോമസ്
പട്ടിണിക്കാരന് കൊല്ലപ്പെടേണ്ടവനാണ് എന്ന തലത്തിലേക്ക് നമ്മുടെ സാമൂഹ്യബോധം തരംതാണിരിക്കുന്നുവെന്ന് അദ്ദേഹം വ്യക്തമാക്കി
തിരുവനന്തപുരം: അട്ടപ്പാടിയില് ആദിവാസി യുവാവ് ആള്ക്കൂട്ടത്തിന്റെ അക്രമത്തില് മരിച്ച സംഭവത്തില് രൂക്ഷപ്രതികരണവുമായി ജേക്കബ് തോമസ്. വിശപ്പടക്കാന് അരി മോഷ്ടിക്കേണ്ട സ്ഥിതിയിലേക്ക് മധു എങ്ങനെയെത്തി എന്ന് ജേക്കബ് തോമസ് ഫേസ്ബുക്ക് പോസ്റ്റില് ചോദിച്ചു. പോളണ്ടിനെയും നികരാഗ്വയെയും പറ്റി പറയുന്ന ബുദ്ധിജീവികള്ക്ക് എന്ത്കൊണ്ട് അട്ടപ്പാടിയെ കുറിച്ച് മിണ്ടുന്നില്ലെന്ന് ജേക്കബ് തോമസ് ചോദിച്ചു.
പാറ്റൂരിലെ തിരിച്ചടിയില് വിമര്ശനം വിജിലന്സിന്, അടവ് മാറ്റി ജേക്കബ് തോമസ്, അച്ചടക്ക നടപടി ഉറപ്പായി
വിശപ്പടക്കാന് അപ്പകഷ്ണം മോഷ്ടിച്ചതിന് ഫ്രഞ്ച് മുതലാളിത്ത സമൂഹം ശിക്ഷിച്ച ജീന് വാള് ജീന്റെ കഥ വിക്ടര് ഹ്യൂഗോ എഴുതിയിട്ട് ഒരുപാട് കാലമായി. എന്നാല് ഇന്നും അതേ പോലുള്ള അവസ്ഥ സമൂഹത്തില് ഉണ്ടെന്നും ജേക്കബ് തോമസ് പറഞ്ഞു. പട്ടിണിക്കാരന് കൊല്ലപ്പെടേണ്ടവനാണ് എന്ന തലത്തിലേക്ക് നമ്മുടെ സാമൂഹ്യബോധം തരംതാണിരിക്കുന്നുവെന്ന് അദ്ദേഹം വ്യക്തമാക്കി.
വന്കിട മുതലാളിമാര്ക്കും അഴിമതിക്കാരായ ഉദ്യോഗസ്ഥര്ക്കും വേണ്ടി വാചാലരാകുന്നവര് ഭക്ഷണം വാങ്ങാന് നിവൃത്തിയില്ലാത്തവനെ തല്ലിക്കൊല്ലുന്ന ജനത്തെ ഭരിക്കുകയാണെന്നും ജേക്കബ് തോമസ് കുറ്റപ്പെടുത്തി. ഇവിടത്തെ ഭരണകൂടങ്ങളാണ് മധുവിനെ പോലുള്ള പട്ടിണി പാവങ്ങളെ ഉണ്ടാക്കുന്നത്. ധനികന് ഭരണത്തിന്റെ ഗുണഫലങ്ങള് പിടിച്ചെടുക്കുമ്പോള് ഉള്ളവനും ഇല്ലാത്തവനും തമ്മിലുള്ള അന്തരം വര്ധിച്ച് വരുമെന്നും അദ്ദേഹം കൂട്ടിച്ചേര്ത്തു.
കള്ളനെന്ന് വിളിച്ചു, ഏഴ് പേര് ചേര്ന്ന് തല്ലിചതച്ചു, മരിക്കുന്നതിന് മുമ്പ് മധുവിന്റെ മൊഴി ഇങ്ങനെ
മധുവിന്റെ ഘാതകര് പോലീസ് കസ്റ്റഡിയില്, കൊലക്കുറ്റം ചുമത്തി, പ്രതികളിലൊരാള്ക്ക് രാഷ്ട്രീയ ബന്ധം!!