കോളിളക്കം സൃഷ്ടിച്ച ജിഷ കേസില് വിധി ഇന്ന്
Recommended Video
കൊച്ചി: കോളിളക്കം സൃഷ്ടിച്ച പെരുമ്പാവൂര് ജിഷ വധക്കേസില് വിധി ഇന്ന്. എറണാകുളം പ്രിന്സിപ്പല് സെഷന്സ് കോടതിയാണ് വിധി പറയുന്നത്. അസം സ്വദേശിയായ അമീറുള് ഇസ്ലാമാണ് കേസിലെ ഏക പ്രതി. ജിഷയുടെ ഒറ്റമുറി വീട്ടിലേക്ക് അതിക്രമിച്ച് കയറിയ പ്രതി ബലാല്സംഗം ചെയ്ത ശേഷം കൊലപ്പെടുത്തിയെന്നാണ് കേസ്.
2016 ഏപ്രില് 28നാണ് ജിഷ കൊല്ലപ്പെട്ടത്. മനുഷ്യ മനസാക്ഷിയെ ഞെട്ടിക്കുന്ന വിധം അതിക്രൂരമായ കൊലപാതകമായിരുന്നു ജിഷയുടേത്.
ആന്തരിക അവയവങ്ങള് വരെ കൊലയാളിയുടെ മര്ദ്ദനത്തില് പുറത്തുവന്നിരുന്നു. ഏറെ ഒച്ചപ്പാടുകള്ക്ക് ഇടയാക്കിയ കേസില് പ്രതി അമീറുല് ഇസ്ലാമിനെ തമിഴ്നാടില് നിന്നാണ് പിടികൂടിയത.
പെരുമ്പാവൂര് കുറുംപ്പംപടി വട്ടോളിപ്പടി കനാല്ബണ്ട് പുറമ്പോക്കിലെ താമസക്കാരിയായ ജിഷ അന്നേ ദിവസം വൈകീട്ട് 5.30നും ആറിനുമിടയിലാണ് കൊല്ലപ്പെട്ടതെന്ന് പോലീസ് റിപ്പോര്ട്ടില് പറയുന്നു. ജൂണ് 10നാണ് പ്രതി പിടിയിലായത്. എട്ട് ദിവസമായിരുന്നു അന്തിമവാദം. കേസില് 36 രേഖകള് പോലീസ് കോടതിയില് ഹാജരാക്കിയിരുന്നു. 100 സാക്ഷികളെയും വിസ്തരിച്ചു.
അന്വേഷണ ഉദ്യോഗസ്ഥര്ക്ക് വീഴ്ച സംഭവിച്ചുവെന്ന് തുടക്കത്തില് ആരോപണം ഉയര്ന്നിരുന്നു. പിന്നീട് അന്വേഷണ സംഘത്തെ മാറ്റിയ ശേഷമാണ് പ്രതിയെ പിടികൂടിയത്.
ഇന്ത്യന് ശിക്ഷാനിയമത്തിലെ 302, 201, 449, 342, 376, 376 എ എന്നീ വകുപ്പുകള് പ്രകാരമുള്ള തെളിവു നശിപ്പിക്കല്, അതിക്രമിച്ചുകടന്ന് കൊലപാതകം ചെയ്യല്, ബലാത്സംഗം, വീടിനുള്ളില് അന്യായമായി തടഞ്ഞുവയ്ക്കല് എന്നിവയും ദലിത് പീഡന നിരോധന നിയമത്തിലെ വിവിധ വകുപ്പുകള് പ്രകാരമുള്ള കുറ്റങ്ങളുമാണ് പ്രതിക്കെതിരേ ചുമത്തിയിട്ടുണ്ട്.
Click it and Unblock the Notifications
Sign in with Google