എന്റെ മകളെ ആര് പറഞ്ഞിട്ട് കൊന്നു... രാജേശ്വരി അമീറുള്ളിനോട് ചോദിച്ചു

കൊച്ചി: അമീറുള്‍ ഇസ്ലാം എന്ന അസംകാരനെ രാജേശ്വരിയ്‌ക്കോ ദീപയ്‌ക്കോ അറിയില്ല. എന്നാല്‍ തങ്ങളുടെ മകള്‍ അതി ക്രൂരമായി കൊലചെയ്യപ്പെട്ടത് അയാളാല്‍ ആണെന്ന് മാധ്യമ വാര്‍ത്തകളിലൂടെ അവര്‍ അറിഞ്ഞിട്ടുണ്ട്.

അമീറുള്‍ ഇസ്ലാമിനെ കാണുമ്പോള്‍ എന്തായിരിക്കും ജിഷയുടെ അമ്മ രാജേശ്വരിയ്ക്ക് ചോദിയ്ക്കാനുണ്ടാവുക? ആ ചോദ്യം മറ്റ് ചില സംശയങ്ങളിലേയ്ക്ക് തന്നെയാണ് ഇപ്പോഴും നയിക്കുന്നത്.

തന്റെ മകളെ കൊല്ലാന്‍ ആരാണ് പറഞ്ഞുവിട്ടത് എന്നാണ് രാജേശ്വരി അമീറുള്ളിനോട് ചോദിച്ചത്. മകളെ കൊല്ലാന്‍ ആരോ അമീറിനെ പറഞ്ഞുവിട്ടതാണെന്ന് രാജേശ്വരി വിശ്വസിയ്ക്കുന്നുണ്ടോ...?

പോലീസ് ക്ലബ്ബില്‍

ആലുവ പോലീസ് ക്ലബ്ബില്‍ വച്ചായിരുന്നു തിരിച്ചറില്‍ പരേഡ്. എന്നാല്‍ ജിഷയുടെ മാതാവ് രാജേശ്വരിയും സഹോദരി ദീപയും അമീറുളളിനെ ആദ്യമായിട്ട് കാണുകയായിരുന്നു.

കൊല്ലിച്ചതാര്?

തന്റെ മകളെ കൊല്ലാന്‍ വേണ്ടി പറഞ്ഞയച്ചത് ആരാണ് എന്നായിരുന്നു രാജേശ്വരി അമീറുള്ളിനോട് ചോദിച്ചത്. ആ ചോദ്യം വളരെ നിര്‍ണായകവും ആണ്.

ഭാഷയറിയില്ല

രാജേശ്വരിയ്ക്ക് ഹിന്ദിയറിയില്ല. പോലീസുകാര്‍ ആണ് രാജേശ്വരിയുടെ ചോദ്യം അമീറുളളിന് പരിഭാഷ ചെയ്ത് കൊടുത്തത്.

അച്ഛനും ചോദിച്ചു

നേരത്തെ ജിഷയുടെ പിതാവ് പാപ്പുവും സമാനമായ ചോദ്യം ഉന്നയിച്ചിരുന്നു. കൊന്നത് ആരെന്നല്ല, കൊല്ലിച്ചത് ആരെന്ന് കണ്ടെത്തം എന്നതായിരുന്നു അത്.

ദുരൂഹത കൂട്ടുന്നു

ജിഷയുടെ അമ്മയുടെ ഈ ചോദ്യം കൂടുതല്‍ ദുരൂഹത ഉണര്‍ത്തുന്നതാണ്. മറ്റാരെങ്കിലും ജിഷയെ കൊല്ലിക്കുമെന്ന് രാജേശ്വരി സംശയിക്കുന്നുണ്ടോ?

അമീറുള്ളിന്റെ നുണകള്‍

തുടര്‍ച്ചയായി അമീറുള്‍ മൊഴിമാറ്റിപ്പറയുമ്പോള്‍ ഈ സംശയം കൂടുതല്‍ ബലപ്പെടുകയാണ്. കുറ്റസമ്മതം നടത്തിയതിന് ശേഷം നടത്തുന്ന മൊഴിമാറ്റം മറ്റാരെയെങ്കിലും രക്ഷിയ്ക്കാനാണോ?

പോലീസിനും സംശയം

കൊലനടത്താനുള്ള കാരണമായി അമീറുള്‍ പറയുന്നത് ഇപ്പോഴും പോലീസ് മുഖവിലയ്‌ക്കെടുത്തിട്ടില്ലെന്നാണ് റിപ്പോര്‍ട്ട്. അങ്ങനെയെങ്കില്‍ അന്വേഷണം കൂടുതല്‍ ശക്തമാക്കേണ്ടിവരും.

അനാറുള്‍ ഇസ്ലാം

അമീറുള്‍ ഇസ്ലാമിന്റെ സുഹൃത്തായ അനാറുള്‍ ഇസ്ലാമിനെ കണ്ടെത്താന്‍ പോലും പോലീസിന് ഇതുവരെ കഴിഞ്ഞിട്ടില്ല.

English summary

Jisha's mother asks Ameerul Islam that whos asked hjim to kill Jisha. The question raises new controversies.