നിലപാടില് ഉറച്ച് ശക്തിവേല്, ജിഷ്ണു കോപ്പിയടിച്ചെന്ന്!! അന്നു ജിഷ്ണുവിനോട് പറഞ്ഞത്...
ശക്തിവേലിനെ റിമാന്ഡ് ചെയ്തു
തൃശൂര്: ജിഷ്ണു പ്രണോയ് പരീക്ഷയ്ക്കു കോപ്പിയടിച്ചെന്ന നിലപാടില് ഉറച്ചുനില്ക്കുകയാണ് അറസ്റ്റിലായ മൂന്നാം പ്രതി എന്കെ ശക്തിവേല്. ഞായറാഴ്ച കോയമ്പത്തൂരില് വച്ചാണ് ഇയാള് പിടിയിലായത്. ഇവിടെയൊരു വാടകവീട്ടില് ഒളിച്ചു താമസിക്കുകയായിരുന്നു ശക്തിവേല്.
ജിഷ്ണുവിന്റെ ഭാവിയെ കരുതിയാണ് പരീക്ഷയ്ക്ക് കോപ്പിയടിച്ച കാര്യം റിപ്പോര്ട്ട് ചെയ്യാതിരുന്നത്. റിപ്പോര്ട്ട് ചെയ്താല് ഉണ്ടാവുന്ന പ്രത്യാഘാതങ്ങളെക്കുറിച്ച് ജിഷ്ണുവിനോടു പറഞ്ഞിരുന്നു. ഇതു മൂലമുണ്ടായ മാനസികസംഘര്ഷമാവാം ജിഷ്ണുവിന്റെ മരണകാരണം. ജിഷ്ണുവിനെ മര്ദ്ദിക്കുകയോ ഭീഷണിപ്പെടുത്തുകയോ ചെയ്തിട്ടില്ലെന്നും ശക്തിവേല് ചോദ്യം ചെയ്യലില് വെളിപ്പെടുത്തി.
ഞായറാഴ്ച രാത്രി അഞ്ചു മണിക്കൂറിലധികം സമയം ശക്തിവേലിനെ പോലീസ് ചോദ്യം ചെയ്തു. പുലര്ച്ചെ മജിസ്ട്രേറ്റിനു മുന്നില് ഹാജരാക്കിയ ശേഷം ഇയാളെ 14 ദിവസത്തേക്കു റിമാന്ഡ് ചെയ്യുകയായിരുന്നു.
കേസിലെ നാലാം പ്രതിയായ പ്രവീണിനുവേണ്ടിയുള്ള തിരച്ചില് അന്വേഷണസംഘം ഊര്ജിതമാക്കിയിട്ടുണ്ട്. ഇയാള് മഹാരാഷ്ട്രയിലെ നാസിക്കില് ഉണ്ടെന്നു സൂചന ലഭിച്ചതിനെ തുടര്ന്ന് അന്വേഷണസംഘം ഇവിടെയെത്തിയാണ് റിപ്പോര്ട്ടുകള്.
Click it and Unblock the Notifications
Sign in with Google