ജിഷ്ണു കേസില് സിബിഐ; മഹിജ സുപ്രീംകോടതിയില്, ജാമ്യം റദ്ദാക്കുമോ?
ദില്ലി: ജിഷ്ണു കേസില് സിബിഐ അന്വേഷണം ആവശ്യപ്പെട്ട് അമ്മ മഹിജ തിങ്കളാഴ്ച സുപ്രീംകോടതിയെ സമീപിക്കും. പോലീസ് അന്വേഷണത്തില് വിശ്വാസ്യത നഷ്ടപ്പെട്ടുവെന്ന വാദം ഉന്നയിച്ചാണ് കേസില് മഹിജ കക്ഷി ചേരുക. പ്രതിസ്ഥാനത്തുള്ള കൃഷ്ണദാസ് ഉള്പ്പെടെയുള്ളവരെ സംരക്ഷിക്കാനാണ് പോലീസ് നീക്കമെന്ന് സുപ്രീംകോടതിയില് ബോധിപ്പിക്കും.
പോലീസ് അന്വേഷണത്തില് തുടക്കം മുതല് സംഭവിച്ച വീഴ്ചകള് തുറന്നുകാട്ടിയാകും മഹിജയുടെ ഹര്ജി. ജിഷ്ണു പ്രണോയ്, ഷഹീര് ഷൗക്കത്തലി കേസുകളില് കൃഷ്ണദാസ് ഉള്പ്പെടെയുള്ള പ്രതികളുടെ ജാമ്യം റദ്ദാക്കണമെന്നാവശ്യപ്പെട്ടുള്ള ഹര്ജി സുപ്രീംകോടതി തിങ്കളാഴ്ച പരിഗണിക്കുന്നുണ്ട്.
പത്തുമാസത്തെ അന്വേഷണത്തില് കാര്യമായി ഒന്നും കണ്ടെത്താന് പോലീസിന് സാധിക്കാത്തത് വീഴ്ചയാണ്. മാനേജ്മെന്റിലെ ഉന്നതര് അന്വേഷണത്തെ സ്വാധീനിക്കാന് സാധ്യതയുണ്ട്. അതുകൊണ്ട് സിബിഐ അന്വേഷണം ആവശ്യമാണ് എന്നതാകും മഹിജയുടെ ആവശ്യം.
ജാമ്യത്തില് ഇറങ്ങിയവര് തെളിവ് നശിപ്പിക്കാന് സാധ്യതയുണ്ട്്. ജിഷ്ണുവിന്റെ രക്തപാടുള്ള ഹോസ്റ്റല് മുറി സീല് ചെയ്യാന് പോലീസ് തയ്യാറായിരുന്നില്ല. തൂങ്ങിക്കിടന്ന കൊളുത്തും തുണിയും ഫോറന്സിക് പരിശോധനകള്ക്ക് അയച്ചില്ല തുടങ്ങിയ കാര്യങ്ങളും മഹിജ ഉന്നയിക്കും.
കേസ് അന്വേഷണത്തിന് ചുക്കാന് പിടിച്ച ഡിവൈഎസ്പിയും സിഐയും സംഭവ സ്ഥലം സന്ദര്ശിക്കാന് തയ്യാറായിരുന്നില്ല. കൊലപാതക സാധ്യതയെ പറ്റി അന്വേഷിച്ചില്ല. ജിഷ്ണുവിനെ ഇടിമുറിയില് കയറ്റി മര്ദ്ദിക്കണമെന്ന് കൃഷ്ണദാസ് നിര്ദേശം നല്കിയിരുന്നുവെന്ന വിവരം പരസ്യമായിരുന്നുവെന്നും മഹിജ കോടതി മുമ്പാകെ ബോധിപ്പിക്കും.