കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ജിഷ്ണുവിന്റെ മരണം; വീണ്ടും പോലീസിന്റെ അറസ്റ്റ് നാടകം! രണ്ടാം പ്രതി സഞ്ജിത്ത് വിശ്വനാഥന്‍ അറസ്റ്റില്‍

കേസിലെ രണ്ടാം പ്രതിയായ സഞ്ജിത്ത് വിശ്വനാഥന് കേസില്‍ മുന്‍കൂര്‍ ജാമ്യമുള്ളതിനാല്‍ ഉടന്‍ വിട്ടയച്ചേക്കുമെന്നാണ് സൂചന.

Google Oneindia Malayalam News

തൃശൂര്‍: ജിഷ്ണുവിന്റെ മരണവുമായി ബന്ധപ്പെട്ട കേസില്‍ വീണ്ടും പോലീസിന്റെ അറസ്റ്റ്. രണ്ടാം പ്രതിയും പാമ്പാടി നെഹ്‌റു കോളേജ് പിആര്‍ഒയുമായ സഞ്ജിത്ത് വിശ്വനാഥനെയാണ് ബുധനാഴ്ച രാത്രിയോടെ പോലീസ് അറസ്റ്റ് ചെയ്തത്. ഇരിങ്ങാലക്കുട ഡിവൈഎസ്പി ഓഫീസിലെത്തിച്ച ഇദ്ദേഹത്തെ ചോദ്യം ചെയ്യുകയാണ്.

ഡിവൈഎസ്പി കിരണ്‍ നാരായണന്റെ നേതൃത്വത്തിലുള്ള അന്വേഷണ സംഘമാണ് സഞ്ജിത്ത് വിശ്വനാഥനെ ചോദ്യം ചെയ്യുന്നത്. എന്നാല്‍ കേസിലെ രണ്ടാം പ്രതിയായ സഞ്ജിത്ത് വിശ്വനാഥന് കേസില്‍ മുന്‍കൂര്‍ ജാമ്യമുള്ളതിനാല്‍ ഉടന്‍ വിട്ടയച്ചേക്കുമെന്നാണ് സൂചന. കേസിലെ മുഖ്യപ്രതിയായ നെഹ്‌റു ഗ്രൂപ്പ് ചെയര്‍മാന്‍ പി കൃഷ്ണദാസിനെ കഴിഞ്ഞ ദിവസം വൈകീട്ട് അറസ്റ്റ് ചെയ്ത് വിട്ടയച്ചിരുന്നു.

jishnu

കേസില്‍ മുന്‍കൂര്‍ ജാമ്യമുള്ളതിനാല്‍ പി കൃഷ്ണദാസിനെ നാല് മണിക്കൂറോളം ചോദ്യം ചെയ്ത ശേഷം വിട്ടയച്ചിരുന്നു. പിആര്‍ഒ സഞ്ജിത്ത് വിശ്വനാഥനെയും ഇതുപോലെ ചോദ്യം ചെയ്ത് വിട്ടയക്കുമെന്നാണ് സൂചന. കൃഷ്ണദാസിനെ അറസ്റ്റ് ചെയ്തത് നാടകമാണെന്ന് പറഞ്ഞതിന് ശേഷമായിരുന്നു ജിഷ്ണുവിന്റെ അമ്മ തിരുവനന്തപുരത്തെ പോലീസ് ആസ്ഥാനത്ത് സമരത്തിനെത്തിയത്. സമരം ചെയ്യാനെത്തിയ ജിഷ്ണുവിന്റെ അമ്മയെയും ബന്ധുക്കളെയും പോലീസ് വലിച്ചിഴച്ച് മര്‍ദ്ദിച്ചത് വിവാദമായിരിക്കുന്നതിനിടെയാണ് കേസിലെ രണ്ടാം പ്രതിയെ പോലീസ് അറസ്റ്റ് ചെയ്തിരിക്കുന്നത്.

English summary
Police arrested nehru college pro sanjith viswanathan.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X