കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മണിക്കൂറില്‍ 2926 പുഷ് അപ്പ്; കോട്ടയം സ്വദേശിക്ക് ഗിന്നസ് റെക്കോര്‍ഡ്

  • By Gokul
Google Oneindia Malayalam News

കോട്ടയം: ഒരു മണിക്കൂറിനുള്ളില്‍ എടുക്കാവുന്ന പുഷ് അപ്പില്‍ കോട്ടയം സ്വദേശിക്ക് ഗിന്നസ് ലോക റെക്കോര്‍ഡ്. വില്ലൂന്നി പാണംപറമ്പില്‍ ജോണി പി. ജെയിംസാ(32)ണ് ഒരു മണിക്കൂറില്‍ 2926 പുഷ് അപ്പുമായി പുതിയ ലോക റെക്കോര്‍ഡ് തീര്‍ത്തത്. ഇംഗ്ലണ്ടുകാരന്‍ കാള്‍ട്ടര്‍ വില്യംസ് ജനുവരിയില്‍ ഓസ്‌ട്രേലിയയില്‍ തീര്‍ത്ത 1874 എന്ന പുഷ് അപ് ഇതോടെ പഴങ്കതയായി.

കഴിഞ്ഞദിവസം മാന്നാനം കെ.ഇ. സ്‌കൂളില്‍ നടന്ന പരിപാടിയില്‍, ഗിന്നസ് അധികൃതര്‍ അംഗീകരിച്ച കോട്ടയം പബ്ലിക് പ്രോസിക്യൂട്ടര്‍ റോയ്‌സ് ചിറയില്‍, കോട്ടയം ഡിവൈ.എസ്.പി. വി. അജിത് എന്നിവരടങ്ങുന്ന ജഡ്ജിംഗ് പാനലിന് മുന്നിലായിരുന്നു ജോണിയുടെ പ്രകടനം. ഗിന്നസ് അധികൃതരുടെ നിയമാവലിക്കനുസരിച്ച് കൃത്യമായ ഇടവേളകളിട്ടായിരുന്നു പുഷ് അപ്പ്.

guinness-logo

കൈകള്‍ 90 ഡിഗ്രില്‍ നിര്‍ത്തി കാല്‍വിരലുകള്‍ മാത്രം നിലത്തുന്നിയാണ് പുഷ്അപ്പ് എടുക്കേണ്ടിയിരുന്നത്. പരിപാടി കാണാനായി തടിച്ചുകൂടിയ കാണികളുടെ ആര്‍പ്പുവിളിക്കിടയില്‍ ഓരോ ഇടവേളകള്‍ക്ക് ശേഷവും ജോണി അത്യുഗ്രന്‍ പ്രകടനമാണ് കാഴ്ചവെച്ചത്. ഒരുവേള, 3,000 പുഷ് അപ്പ് എന്ന നിലയിലേക്ക് പോകുമെന്ന് തോന്നിച്ചെങ്കിലും 2926 പുഷ് എടുക്കാനേ ജോണിക്ക് സാധിച്ചുള്ളു.

എല്ലാദിവസം 2 മണിക്കൂര്‍ വീതം പരിശീലിക്കുന്ന ജോണി പരിശീലന സമയത്ത് 3400 ഓളം പുഷ് അപ്പ് എടുക്കാറുണ്ടെന്ന് പറഞ്ഞു. ജഡ്ജിംഗ് പാനല്‍ നിരീക്ഷിച്ച മത്സരത്തിന്റെ കൗണ്ടിംഗ് മെഷീന്‍, സിഡി, മറ്റു പേപ്പറുകള്‍ തുടങ്ങിയവ ഗിന്നസ് അധികൃതര്‍ക്ക് അടുത്ത ദിവസം തന്നെ അയച്ചുകൊടുക്കും.

English summary
Most push ups in one hour; John P James form Kottayam gets new Guinness World Record
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X