കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

"പിണറായി എന്താ പിറവം പള്ളി വിധി നടപ്പാക്കാത്തത്? ക്രിസ്ത്യാനികളെ പേടിയായിട്ടല്ലേ?" മറുപടി കുറിപ്പ്

  • By Aami Madhu
Google Oneindia Malayalam News

ശബരിമല സ്ത്രീപ്രവേശനത്തെ എതിര്‍ക്കുന്നവര്‍ തുടക്കം മുതലേ ഉയര്‍ത്തുന്ന ചോദ്യമുണ്ട്. എന്തുകൊണ്ടാണ് ഹിന്ദുക്കളുടെ വിശ്വാസത്തില്‍ മാത്രം സര്‍ക്കാര്‍ ഇടപെടുന്നത്. ഹിന്ദുക്കളില്‍ മാത്രം വിശ്വാസങ്ങള്‍ അടിച്ചേല്‍പ്പിക്കാന്‍ ശ്രമിക്കുന്നത്, മുസ്ലീം പള്ളികളിലും ക്രിസ്ത്യന്‍ പള്ളികളിലും സര്‍ക്കാര്‍ ഇടപെടാത്തത് എന്തേ എന്നൊക്കെ. ഇക്കൂട്ടര്‍ തന്നെയാണ് പിറവം പള്ളി വിധി എന്തുകൊണ്ടാണ് സര്‍ക്കാര്‍ നടപ്പാക്കാത്തത് എന്ന ചോദ്യവും ഉയര്‍ത്തുന്നത്.

എന്നാല്‍ പിണറായി വിജയനെന്താ പിറവം പള്ളി വിധി നടപ്പാക്കാത്തത് എന്ന ചോദ്യത്തിന് മറുപടിയുമായി എത്തിയിരിക്കുകയാണ് ജോസ് ജോസഫ് കൊച്ചുപറമ്പില്‍. തന്‍റെ ഫേസ്ബുക്കിലൂടെയാണ് അദ്ദേഹം ഇക്കൂട്ടര്‍ക്ക് മറുപടി നല്‍കുന്നത്.

 എന്താണ് പള്ളി വിധി

എന്താണ് പള്ളി വിധി

കഴിഞ്ഞ 7-8 ദിവസമായി കണ്ടുതുടങ്ങിയ ഒരു ചോദ്യമാണ്. ഒറ്റനോട്ടത്തിൽ നല്ല ചോദ്യവുമാണ് - നടപ്പാക്കാത്ത ഒരു സുപ്രീം കോടതി വിധി, അതും ഒരു പള്ളി വിഷയം : സംഘിസ്ഥാൻ റ്റീംസിൻ്റെ ഉദ്ദേശങ്ങൾ പലതും നടക്കും.
ഈ ചോദ്യം എന്നോട് നേരിട്ട് ചോദിച്ച മൂന്ന് പേരോട് ഞാൻ ഉടൻ തിരിച്ച് ചോദിച്ചത് "എന്താണ് പിറവം പള്ളി വിധി?" എന്നാണ്.

 കമന്‍റ് കണ്ടപ്പോള്‍

കമന്‍റ് കണ്ടപ്പോള്‍

അതിശയോക്തി പറയുവല്ല, ചർച്ച അവിടെത്തീർന്നു. കാരണം, അവർക്കാർക്കും അത് എന്താണെന്ന് പോലും അറിയില്ലായിരുന്നു.പക്ഷേ എൻ്റെ പിടിവിട്ടുപോയത് ഇന്നലെ എതോ ഒരു വാർത്താചാനലിൻ്റെ ഫേസ്ബുക്ക് പേജിൽ ഒരു കമൻ്റ് കണ്ടപ്പോഴാണ് :" പിറവം പള്ളി പൊളിക്കാനുള്ള വിധി പിണറായി എന്താ നടപ്പാക്കത്തത് ?" എന്ന് !!
കാര്യത്തിലേയ്ക്ക് വരാം :

 ക്രമസമാധാന പ്രശ്നം

ക്രമസമാധാന പ്രശ്നം

1. എന്താണ് പിറവം പള്ളി വിധി?
മലങ്കരക്കേസ്, ഓർത്തഡോക്സ്-യാക്കോബായ തർക്കം എന്നൊക്കെ പേരിലുള്ള ഒരു കേസുകെട്ട് കേരളസമൂഹത്തിനു മുന്നിൽ കുറേ വർഷങ്ങളായി നടക്കുന്നുണ്ട്. സത്യം പറഞ്ഞാൽ മൊത്തം മലയാളികളിൽ ഒരു ചെറിയ വിഭാഗത്തെ മാത്രം ബാധിക്കുന്ന ഒരു വിഷയമാണെങ്കിലും, ന്യായമായ ഒരു ക്രമസമാധാനപ്രശ്നം ഉണ്ടാക്കാനുള്ള മരുന്നൊക്കെ അതിലുണ്ട്.

 ശരിക്കും മുതലാളി

ശരിക്കും മുതലാളി

ഒരേ ചരിത്രവും പാരമ്പര്യവുമുള്ള, ഇടക്കാലത്ത് പല കാരണങ്ങളാൽ രണ്ടായി പിരിഞ്ഞ ഈ വിഭാഗങ്ങളിൽ ആരാണു 'ശരിക്കും മുതലാളി' എന്നതാണു തർക്കം. വിശദവിവരങ്ങളടങ്ങിയ ഒരു പോസ്റ്റിൻ്റെ ലിങ്ക് കമൻ്റിൽ കൊടുത്തിട്ടുണ്ട്.

അംഗീകരിച്ചു

അംഗീകരിച്ചു

എന്തായാലും, നൂറ് വർഷത്തോളം നീണ്ട കേസുകളികൾക്കൊടുവിൽ ഓർത്തഡോക്സ് പക്ഷമാണു യഥാർത്ഥ മലങ്കരവിഭാഗം എന്നാണ് സുപ്രീം കോടതി വിധിച്ചത്. അതിൻപ്രകാരം ആ പക്ഷത്തിൻ്റെ പ്രതിനിധിസഭയേയും , കാതോലിക്കാ ബാവായെ മലങ്കരസഭയുടെ അധിപനായും കോടതി അംഗീകരിച്ചു.

 ബാധകമായി

ബാധകമായി

1934ൽ രൂപീകൃതമായ അവരുടെ ഭരണഘടനയനുസരിച്ച് പള്ളികൾ ഭരിക്കപ്പെടണമെന്നും പറഞ്ഞു.
ഓരോ പള്ളി തിരിച്ചും സമാനമായ കേസുകൾ നടന്നെങ്കിലും, പള്ളികളും 1934ലെ ഭരണഘടനയനുസരിച്ചോളാൻ കോടതി പറഞ്ഞു. അത് പിറവം പള്ളിക്കും ബാധകമായി.

 തലപ്പള്ളിയാണ്

തലപ്പള്ളിയാണ്

2. എന്താണവിടുത്തെ പ്രശ്നം?
പിറവം വലിയപള്ളി എന്നത് യാക്കോബായസഭക്കാരുടെ ഒരു തലപ്പള്ളിയാണ്. ആ ഇടവകയിലെ അംഗങ്ങളിൽ ബഹുഭൂരിപക്ഷം യാക്കോബായസഭയുടെ പരമാദ്ധ്യക്ഷനായ പാത്രിയാർക്കീസിനെയും ആ പക്ഷത്തെ മെത്രാന്മാരെയും അംഗീകരിക്കുന്നു; ഓർത്തഡോക്സ് സഭാദ്ധ്യക്ഷനെ അംഗീകരിക്കുന്നില്ല. അതുകൊണ്ട് ഈ വിധി അവർക്ക് സ്വീകാര്യമല്ല.

 ഓർത്തഡോക്സ് സഭ

ഓർത്തഡോക്സ് സഭ

3. അപ്പോ അവരെ ഇറക്കണോ?
പള്ളിയിൽ നിന്നും ആരെയും ഇറക്കലോ പുറത്താക്കലോ ഒന്നും വിധിയുടെ ഭാഗമല്ല. പള്ളിയും പള്ളിഭരണവും ഇപ്പോഴുള്ള ഇടവകക്കാർക്ക് തന്നെ നടത്താം. പക്ഷേ പള്ളിയുടെ വികാരിയായി ഒരു വൈദികനെ നിയമിക്കാനുള്ള അധികാരം നിയമപരമായി ഇപ്പോൾ ഓർത്തഡോക്സ് സഭയ്ക്കാണ്.

 സമ്മതിക്കുന്നില്ല

സമ്മതിക്കുന്നില്ല

ഒന്നൂടി പരത്തിപ്പറഞ്ഞാൽ , ആ പള്ളിയുടെ വികാരി, അയാൾക്ക് മുകളിലുള്ള മെത്രാൻ, അതിനും മുകളിലുള്ള മെത്രാപ്പോലീത്താ എന്നിവർ ഇപ്പോൾ ഓർത്തഡോക്സുകാരായി നിൽക്കുന്നവരാകും. അത് ഇടവകാംഗങ്ങൾ സമ്മതിക്കുന്നില്ല. ഇത് പിറവം പള്ളീൽ മാത്രമല്ല, തർക്കമുള്ള എല്ലാ പള്ളിയിലും പ്രശ്നം ഇത് തന്നെ.

ഒന്നുമല്ല

ഒന്നുമല്ല

4. അപ്പോ പള്ളി പൊളിക്കാൻ വിധിയിലില്ല?
ഇല്ലാന്ന് !! 5. പിന്നെയെന്താ പിണറായി ഇത് ചെയ്യാത്തേ?ഈ കേസിൽ കേരളസർക്കാർ ഒരു കക്ഷിയോ സാക്ഷിയോ ഇടപെടൽ കക്ഷിയോ ഒന്നുമല്ല. രണ്ട് സാമുദായിക വിഭാഗങ്ങൾ തമ്മിലുള്ള സിവിൽ കേസിൽ സർക്കാരിന് ഒരു റോളുമില്ല.

 ആവശ്യപ്പെടാം

ആവശ്യപ്പെടാം

പക്ഷേ വിധി നടപ്പാക്കാൻ കേസ് ജയിച്ചവർക്ക് സ്വയം കഴിയാതെ വരുമ്പോൾ അവർക്ക് സർക്കാർ സഹായം ആവശ്യപ്പെടാം. ആ സഹായം സർക്കാർ നൽകുന്നില്ലയെങ്കിൽ അവർക്ക് സർക്കാരിനെതിരായി കോടതിയലക്ഷ്യം ഫയൽ ചെയ്യാം. പിറവം പള്ളിയുടെ കാര്യത്തിൽ വിധി വന്ന് വളരെ നാളുകൾ ആയിക്കഴിഞ്ഞിട്ടും, അങ്ങനെയൊരു ഹർജി സുപ്രീം കോടതിയിലേയ്ക്ക് പോയത് ഈ കഴിഞ്ഞ ദിവസം , ശബരിമല വിഷയുമായി ബന്ധപ്പെട്ട് ഈ കേസ് ചർച്ചയായപ്പോഴാണ്. ഇതുവരെ അങ്ങനെയൊരു ഹർജി പോകാതിരുന്നത് എന്ത് എന്നാലോചിച്ചു നോക്കൂ.

 സര്‍ക്കാരിന്‍റെ ചുമതല

സര്‍ക്കാരിന്‍റെ ചുമതല

വിധി നടപ്പാക്കണമെന്ന് ആദ്യം ആവശ്യപ്പെട്ടപ്പോൾ ഒരു സമവായ മാർഗ്ഗമൊക്കെ സർക്കാർ നോക്കിയത് ശരിയാണ്. ഇത് ഒന്നോ രണ്ടോ പള്ളിയിൽ ഒതുങ്ങുന്ന വിഷയമല്ല, കേസുകൾ പലതും നടക്കുമ്പോഴും സമാന്തരമായി സമവായചർച്ചകളും നടക്കുന്നുണ്ട്.ഇനിയിപ്പോ എന്തായാലും കോടതി നിർദ്ദേശം ഉടൻ വരും. സ്വാഭാവികമായും വിധി നടപ്പാക്കൽ സർക്കാരിൻ്റെ ചുമതലായി മാറും

 രണ്ട് വിധികള്‍

രണ്ട് വിധികള്‍

6. എന്നാൽ അത് പോലെ ഇവിടെയും അനങ്ങാതെ ഇരുന്നാപ്പോരേ? ഇവിടെ അത് കഴിയില്ല. കാരണം, മൗലികാവകാശം വിഷയമായ ഒരു റിട്ട് ഹർജിയിൽ വിധിയുണ്ടായാൽ സർക്കാരിനാണു പ്രാഥമിക ഉത്തരവാദിത്തം. ഹർജിക്കാരൻ്റെ മൗലികാശകാശം സംരക്ഷിക്കാൻ തത്ക്കാലം കഴിയില്ല എന്നൊക്കെ കോടതിയിൽ പോയി പറഞ്ഞാൽ ചിലപ്പോ പിറ്റേന്ന് രാജിവെക്കേണ്ടിവരും.ചുരുക്കിപ്പറഞ്ഞാൽ - താരതമ്യം ചെയ്യാനേ കഴിയാത്ത രണ്ട് വിധികളാണ് ഇവ.

 ചതിയായി പോയി കേട്ടോ

ചതിയായി പോയി കേട്ടോ

ഇനി ഒരു തമാശ പറയാം:
ശബരിമല വിഷയത്തിൽ സമരത്തിനിറങ്ങിയ ദിവസം മുതൽ യാക്കോബായ സഭക്കാർ അതിനു കട്ട സപ്പോർട്ടായിരുന്നു. നാമജപയാത്രകൾക്ക് പലയിടത്തും സ്വീകരണം നൽകി എന്ന് മാത്രമല്ല, പൊതുയോഗങ്ങളിൽ മെത്രാന്മാർ സംബന്ധിക്കുകയും ചെയ്തു. 'വിശ്വാസത്തിൽ സുപ്രീം കോടതി ഇടപെടരുത്' എന്ന വാദം അവർക്കും ആകർഷകമായിരുന്നു.
പക്ഷേ ഇപ്പോൾ സംഘികളെല്ലാം പിറവം പള്ളി വിധി നടപ്പാക്കണം എന്ന ലൈനിലാണ്. അതായത് യാക്കോബയക്കാർക്കിട്ട് പണി കിട്ടിയെന്ന്.
അത് ഒരു ചതിയായിപ്പോയി കേട്ടോ. :) :)

ഫേസ്ബുക്ക് പോസ്റ്റ്

ഫേസ്ബുക്ക് പോസ്റ്റിന്‍റെ പൂര്‍ണരൂപം

English summary
jose joseph about piravam church verdict
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X