കേരള കോണ്ഗ്രസ് എം ചെയര്മാന് സ്ഥാനത്ത് വിണ്ടും ജോസ് കെ മാണി
കോട്ടയം: കേരള കോണ്ഗ്രസ് (എം) ചെയര്മാനായും പാര്ലമെന്ററി പാര്ട്ടി നേതാവായും ജോസ് കെ മാണിയെ ഔദ്യോഗികമായി തിരഞ്ഞെടുത്തു. സംസ്ഥാന കമ്മിറ്റി യോഗം ചേര്ന്ന് തിരഞ്ഞെടുപ്പിലൂടൊണ് ജോസ് കെ മാണിയെ ചെയര്മാന് സ്ഥാനത്തേക്ക് തിരഞ്ഞെടുത്തത്.
നേരത്തെ ജോസ് കെ മാണിയെ പാര്ട്ടി ചെയര്മാനായി തിരഞ്ഞെടുത്ത നടപടി കോടതി സ്റ്റേ ചെയ്തിരുന്നു. സ്റ്റേ നിലനില്ക്കുന്ന സമയത്ത് തന്നെ ജോസ് വിഭാഗത്തെ കേരള കോണ്ഗ്രസ് (എം) ഔദ്യോഗിക വിഭാഗമായി അംഗീകരിച്ചു കേന്ദ്ര തിരഞ്ഞെടുപ്പ് കമ്മിഷന് ഉത്തരവിറക്കി . ഈ വിധിയില് പറയുന്നതനുസരിച്ച് സംസ്ഥാന കമ്മിറ്റി യോഗം ചേര്ന്നാണ് തിരഞ്ഞെടുപ്പ് നടത്തിയത്. കമ്മിഷന് അംഗീകാരം നല്കിയ 148 സംസ്ഥാന കമ്മിറ്റി അംഗങ്ങളില് 98 പേര് യോഗത്തില് പങ്കെടുത്തു.
കെഎം മാണിയുടെ നിര്യാണത്തിന് ശേഷം പാര്ട്ടി ചെയര്മാനെ നിശ്ചയിക്കാന് സംസ്ഥാന കമ്മിറ്റി യോഗം പിജെ ജോസഫ് വിളിച്ച് ചേര്ത്തിരുന്നില്ല. തുടര്ന്നാണ് ജോസ് വിഭാഗം യോഗം ചേര്ന്ന് ജോസ് കെ മാണിയെ ചെയര്മാനായി തിരഞ്ഞെടുത്തത്. ഇതിനെതിരെ പിന്നീട് ജോസഫ് പക്ഷം സ്റ്റേ വാങ്ങുകയായിരുന്നു.
Recommended Video