• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

തെറ്റയിലിന്റെ കിടപ്പറ ദൃശ്യങ്ങള്‍ പുറത്ത് വിട്ടതിന് പിന്നില്‍ മുഖ്യമന്ത്രിയോ...?

  • By Soorya Chandran

കൊച്ചി:ജനത ദള്‍ നേതാവ് ജോസ് തെറ്റയിലിനെതിരായ ലൈംഗികാരോപണ കേസില്‍ മുഖ്യമന്ത്രി ഉള്‍പ്പെടെയുള്ളവര്‍ ഗൂഢാലോചന നടത്തിയതായി ആരോപണം. തെറ്റയിലെതിരെ പരാതി കൊടുത്ത യുവതി തന്നെയാണ് ഇപ്പോള്‍ ഇങ്ങനെ ഒരു ആരോപണവുമായി രംഗത്തെത്തിയിരിക്കുന്നത്.

സോളാര്‍ തട്ടിപ്പ് കേസില്‍ നിന്ന് ശ്രദ്ധ തിരിച്ചുവിടാന്‍ വേണ്ടിയായിരുന്നു ഇതെന്നും യുവതി ആരോപിക്കുന്നു. തന്റെ സമ്മതമില്ലാതെയാണ് കിടപ്പറ ദൃശ്യങ്ങള്‍ മാധ്യമങ്ങള്‍ക്ക് നല്‍കിയതെന്നും ഇവര്‍ കൊച്ചി സിറ്റി പോലീസ് കമ്മീഷണര്‍ക്ക് നല്‍കിയ പരാതിയില്‍ ആരോപിക്കുന്നുണ്ട്.

ഉമ്മന്‍ ചാണ്ടിയുടെ അറിവോടെയാണ് കിടപ്പറ ദൃശ്യങ്ങള്‍ മാധ്യമങ്ങള്‍ക്ക് നല്‍കിയതെന്നാണ് യുവതിയുടെ ആരോപണം. ഇക്കാര്യം ബെന്നി ബെഹ്നാന്‍ എംഎല്‍എയും സിപി മുഹമ്മദ് എംഎല്‍എയും തന്നോട് പറഞ്ഞിട്ടുണ്ടെന്നാണ് യുവതി പറയുന്നത്. ഇതിലെ ഗൂഢാലോചന അന്വേഷിക്കണം എന്നാണ് ആവശ്യം.

ജോസ് തെറ്റയിലിന്റെ മകനെ കൊണ്ട് വിവാഹം കഴിപ്പിക്കാമെന്ന് പറഞ്ഞ് സുഹൃത്തായ റസീനയും ഭര്‍ത്താവും 10 ലക്ഷം രൂപ തന്റെ കയ്യില്‍ നിന്ന് തട്ടിയെടുത്തതായും യുവതി പരാതിയില്‍ പറയുന്നുണ്ട്.

റസീനക്കും ഭര്‍ത്താവിനും ഒപ്പം ബെന്നി ബെഹ്നാനെ വീട്ടില്‍ പോയി കണ്ടു. സോളാര്‍ തട്ടിപ്പ് കേസ് കത്തി നിന്നിരുന്ന സമയമായതിനാല്‍ മുഖ്യമന്ത്രിയെ സഹായിക്കണം എന്നാണത്രെ ബെന്നി ബെഹ്നാന്‍ പറഞ്ഞത്. എന്നാല്‍ മുഖ്യമന്ത്രിയുടേയോ തന്റേയോ പേര് ഈ സംഭവത്തില്‍ എവിടേയും പറയരുതെന്നും ബെന്നി ബെഹ്നാന്‍ ആവശ്യപ്പെട്ടിരുന്നത്രെ.

വിഷയത്തില്‍ സിറ്റി പോലീസ് കമ്മീഷണര്‍ക്ക് കൂടാതെ ആഭ്യന്തര മന്ത്രി രമേശ് ചെന്നിത്തലക്കും യുവതി പരാതി നല്‍കിയിട്ടുണ്ട്. മുഖ്യമന്ത്രിക്കെതിരെയുള്ള ആരോപണം ആരന്വേഷിച്ചാലാണ് പുറത്തുവരിക എന്നായിരിക്കും ഇനി പൊതു ജനത്തിന്റെ സംശയം.

English summary
Jose Thettayil case: Complainer woman accuse involvement of CM
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more