മാധ്യമ പ്രവര്ത്തകന് ഡോ ഐവി ബാബു അന്തരിച്ചു
കോഴിക്കോട്: മുതിർന്ന മാധ്യമപ്രവർത്തകനും എഴുത്തുകാരനും പ്രഭാഷകനുമായ ഇല്ലത്ത് വയലക്കര ഡോ ഐവി ബാബു (54) അന്തരിച്ചു.വെള്ളിയാഴ്ച പുലർച്ചെ കോഴിക്കോട്ടെ സ്വാകാര്യ ആശുപത്രിയില് വെച്ചായിരുന്നു അന്ത്യം. മഞ്ഞപ്പിത്തം ബാധിച്ച് ചികിത്സയിലായിരുന്നു.തത്സമയം ദിനപത്രത്തിന്റെ ഡെപ്യൂട്ടി എഡിറ്ററായി ജോലി ചെയ്തുവരികയായിരുന്നു.
നേരത്തേ ദേശാഭിമാനി ദിനപത്രം വാരികയില് സഹപത്രാധിപരായും, സമകാലിക മലയാളം വാരിക അസി.എഡിറ്ററായും മംഗളം ദിനപത്രം ഡെപ്യൂട്ടി എഡിറ്ററായും പ്രവര്ത്തിച്ചിട്ടുണ്ട്. സായാഹ്നം, രണഗാഥ, പടഹം എന്നീ സായാഹ്ന പത്രങ്ങളിലും പ്രവർത്തിച്ചിട്ടുണ്ട്.
കാലിക്കറ്റ് സര്വ്വകലാശാലയില് നിന്ന് മലയാളത്തില് പിഎച്ച്ഡി നേടി. കേരളീയ നവോത്ഥാനവും നമ്പൂതിരിമാരും എന്ന പുസ്തകം രചിച്ചു. വന്ദന ശിവയുടെ വാട്ടർ വാർസ് എന്ന പുസ്തകം ജലയുദ്ധങ്ങൾ എന്ന പേരിൽ വിവർത്തനം ചെയ്തു.
ഗ്രന്ഥശാലാ
സംഘം
മുൻ
സംസ്ഥാന
സെക്രട്ടറിയും
ദേശാഭിമാനി
വാരിക
പത്രാധിപരുമായിരുന്ന
പരേതനായ
ഐവി
ദാസിന്റെ
മകനാണ്.അമ്മ:
സുശീല.
ഭാര്യ:
ലത.
മക്കൾ:
അക്ഷയ്(സിവിൽ
സർവീസ്
കോച്ചിങ്
വിദ്യാർഥി),
നിരഞ്ജന
(പ്ലസ്വൺ
വിദ്യാർഥിനി).
കണ്ണൂർ
പാനൂർ
മൊകേരി
സ്വദേശിയായ
ബാബു
വടകരയിലായിരുന്നു
താമസം.