Click it and Unblock the Notifications
Just In
Don't Miss
-
T20 World Cup 2024: കീപ്പിങ്ങില് മിന്നിച്ച് രാഹുല്‍, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു -
പഴ്സിന് നിറം ഇതെങ്കില് പണം വന്ന് നിറയും, സമൃദ്ധി ആകര്ഷിക്കുന്ന വാസ്തു ഉപദേശം -
സാമ്പത്തിക സ്വാതന്ത്ര്യം നേടാം 30 വയസിൽ; ചെയ്യേണ്ടതും ചെയ്യരുതാത്തതും… -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി -
കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര
പേരിട്ടു, ആസിഫ എസ് രാജ്. എന്റെ മോളാണവള്‍!! സമൂഹ മാധ്യമങ്ങളില്‍ വൈറലായി ഒരു കുറിപ്പ്
Recommended Video
കോഴിക്കോട്: മനുഷ്യ മനസാക്ഷിയില്‍ ഞെട്ടലുണ്ടാക്കിയ കത്വ കൂട്ട ബലാല്‍സംഗം വന്‍ ചര്‍ച്ചയായിരിക്കെ വ്യത്യസ്തമായ ഒരു നടപടി. മകള്‍ക്ക് ആസിഫ എന്ന പേരിട്ടിരിക്കുകയാണ് മാധ്യമപ്രവര്‍ത്തകന്‍ രജിത് റാം. മകളുടെ പേര് ആസിഫ എസ് രാജ് എന്നാണിട്ടിരിക്കുന്നത്.
ആഴ്ചകള്‍ക്ക് മുമ്പാണ് രജിത് റാമിന് രണ്ടാമത്തെ മകള്‍ പിറന്നത്. ആകര്‍ഷകമായ പേര് അന്വേഷിച്ചുവരികയായിരുന്നു. ഈ വേളയിലാണ് കശ്മീരിലെ കത്വയില്‍ എട്ട് വയസുകാരിക്ക് നേരെ ക്രൂര ആക്രമണം നടന്നതും സംഭവം ദേശീയ തലത്തില്‍ വിവാദമായതും.
മിക്ക രാഷ്ട്രീയ കക്ഷികളും സമൂഹിക പ്രവര്‍ത്തകരും സിനിമാ മേഖലയിലുള്ളവരും അക്രമികള്‍ക്കെതിരെ രംഗത്തുവന്നു. പ്രതികള്‍ക്ക് കടുത്ത ശിക്ഷ നല്‍കണമെന്ന് എല്ലാവരും ഒരേ സ്വരത്തില്‍ ആവശ്യപ്പെട്ടു. കശ്മീരിലെ സംഭവമാണ് മകള്‍ക്ക് ആസിഫ എസ് രാജ് പേരിടാന്‍ കാരണമെന്ന് രജിത് റാം പറയുന്നു.
മനുഷ്യത്വമുള്ള ആര്‍ക്കും തോന്നാവുന്ന കാര്യമാണ് താന്‍ ചെയ്തത്. മതവും രാഷ്ട്രീയവും ഒന്നും നോക്കിയില്ല. ഈ തീരുമാനത്തിന് തന്റെ കുടുംബത്തിന് യാതൊന്നും തടസമായില്ല. ആശയം ഭാര്യയുമായി പങ്കുവച്ചു. ഭാര്യയ്ക്കും സന്തോഷമായിരുന്നു. തുടര്‍ന്നാണ് ആസിഫ എസ് രാജ് എന്ന പേരിട്ടതെന്നും രജിത് റാം വിശദീകരിച്ചു.
ഫേസ്ബുക്ക് പേജിലൂടെയാണ് രജിത് റാം ഇക്കാര്യം പങ്കുവച്ചത്. പേരിട്ടു, അതെ, അതുതന്നെ. ആസിഫ എസ് രാജ്. എന്റെ മോളാണവള്‍ എന്നാണ് പോസ്റ്റിലെ വാചകം. മകളുടെ ഫോട്ടോയും ഫേസ്ബുക്ക് പേജിലുണ്ട്.
രജിത് റാമിന്റെ പോസ്റ്റിന് സമൂഹ മാധ്യമങ്ങളില്‍ വന്‍ പ്രതികരണമാണ് ലഭിച്ചത്. മണിക്കൂറുകള്‍ക്കകം തന്നെ 24000 ത്തിലധികം ലൈക്ക് കിട്ടി. അത്രത്തോളം തന്നെ ആളുകള്‍ ഷെയര്‍ ചെയ്തു. മാതൃഭൂമി കണ്ണൂര്‍ യൂണിറ്റിലെ മാധ്യമപ്രവര്‍ത്തകനാണ് രജിത് റാം.
