Click it and Unblock the Notifications
Just In
Don't Miss
-
വ്ലോഗിംഗും തുണിക്കടയും ഹിറ്റ്, 48 ലക്ഷത്തിന്റെ പുത്തൻ ഇലക്ട്രിക് കാർ സ്വന്തമാക്കി പ്രിയയും ഭർത്താവും -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ഹീറോയിന് ആവാന് കാത്തിരുന്ന് സമയം പോയി; ഇല്ലെങ്കില് ഇത്ര സങ്കടം വരില്ലായിരുന്നു: ശരണ്യ പറയുന്നു -
IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ് -
ദാമ്പത്യത്തില് എന്നും കളിയും ചിരിയും ഉണ്ടാകാന് പങ്കാളികള് ശ്രദ്ധിക്കേണ്ട കാര്യങ്ങള് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും! -
ഈ സെറ്റപ്പൊന്നും ഐഫോണിൽ പോലും ഇല്ലകേട്ടോ! PolarAce ഇമേജിംഗ് സിസ്റ്റവുമായി ടെക്നോ 5G ഫോൺ എത്തി
സ്വാശ്രയ എംബിബിഎസ്; ജസ്റ്റിസ് രാജേന്ദ്രബാബുവിന്റെ പുതിയ നിർദേശം, വിദ്യാർത്ഥികൾക്ക് ആശ്വാസം...
വിദ്യാർത്ഥികളിൽ നിന്ന് ഒരു കാരണവശാലും ബ്ലാങ്ക് ചെക്കുകൾ വാങ്ങരുതെന്നും ജസ്റ്റിസ് രാജേന്ദ്രബാബു കമ്മീഷൻ നിർദേശം നൽകിയിട്ടുണ്ട്.
തിരുവനന്തപുരം: സ്വാശ്രയ മെഡിക്കല്‍ കോളേജുകളില്‍ പ്രവേശനം നേടിയ വിദ്യാര്‍ത്ഥികളില്‍ നിന്നും ഒരു വര്‍ഷത്തെ ബാങ്ക് ഗ്യാരന്റി മാത്രമേ വാങ്ങാവൂയെന്ന് ഫീസ് നിര്‍ണയ സമിതി അധ്യക്ഷന്‍ ജസ്റ്റിസ് രാജേന്ദ്ര ബാബു നിര്‍ദ്ദേശിച്ചു. പല സ്വാശ്രയ കോളേജുകളും വിദ്യാർത്ഥികളിൽ നിന്ന് മൂന്ന് വർഷത്തെ ബാങ്ക് ഗ്യാരന്റി വാങ്ങുന്നത് ശ്രദ്ധയിൽപ്പെട്ടതിനെ തുടർന്നാണ് പുതിയ നിർദേശം പുറപ്പെടുവിച്ചിരിക്കുന്നത്.
വിദ്യാർത്ഥികളിൽ നിന്ന് ഒരു കാരണവശാലും ബ്ലാങ്ക് ചെക്കുകൾ വാങ്ങരുതെന്നും ജസ്റ്റിസ് രാജേന്ദ്രബാബു കമ്മീഷൻ നിർദേശം നൽകിയിട്ടുണ്ട്. ഉയർന്ന ഫീസും ബാങ്ക് ഗ്യാരന്റിയും നൽകി സ്വാശ്രയ മെഡിക്കൽ കോളേജുകളിൽ പ്രവേശനം നേടിയ വിദ്യാർത്ഥികൾക്ക് ആശ്വാസം നൽകുന്നതാണ് ഈ തീരുമാനങ്ങൾ.
ബ്ലാങ്ക് ചെക്കുകൾ വാങ്ങുന്നത് തലവരിപ്പണമായി കണക്കാക്കി നിയമനടപടികൾ സ്വീകരിക്കുമെന്നും കമ്മീഷൻ മുന്നറിയിപ്പ് നൽകിയിട്ടുണ്ട്. പല സ്വാശ്രയ മെഡിക്കൽ കോളേജുകളും ബ്ലാങ്ക് ചെക്ക് ആവശ്യപ്പെടുന്നതായി വിദ്യാർത്ഥികളും പരാതിപ്പെട്ടിരുന്നു. ഇതുകൂടാതെ ഒരു വർഷത്തെ ബാങ്ക് ഗ്യാരന്റി മാത്രമേ വിദ്യാർത്ഥികളിൽ നിന്ന് ഇപ്പോൾ വാങ്ങിക്കാവൂയെന്നും കമ്മീഷൻ നിർദേശം നൽകിയിട്ടുണ്ട്.
നിർദേശങ്ങൾ ലംഘിക്കുന്ന സ്വാശ്രയ മെഡിക്കൽ കോളേജുകൾക്കെതിരെ കർശന നിയമനടപടികൾ സ്വീകരിക്കുമെന്നും ജസ്റ്റിസ് രാജേന്ദ്രബാബു അറിയിച്ചു. സുപ്രീംകോടതി ഉത്തരവ് പ്രകാരം സ്വാശ്രയ മെഡിക്കല്‍ കോളേജുകളില്‍ ഈ വര്‍ഷം 11 ലക്ഷം രൂപയാണ് വാര്‍ഷിക ഫീസ്. ഇതില്‍ അഞ്ച് ലക്ഷം പണമായി നല്‍കണം. ബാക്കി തുകയ്ക്കാണ് ബാങ്ക് ഗ്യാരന്റി നല്‍കേണ്ടത്. ബാങ്ക് ഗ്യാരന്റി ഈ മാസം 15 ന് മുന്‍പായി നല്‍കണമെന്നാണ് സുപ്രീംകോടതിയുടെ ഉത്തരവ്.
