ജ്യോതിയ്ക്കും വരനെ നൽകി ഫേസ്ബുക്ക്! മലപ്പുറംകാരിയെ താലിച്ചാർത്തിയത് തമിഴ്നാട് സ്വദേശി രാജ്കുമാർ...

  • Written By: Desk
Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts

    മലപ്പുറം: ഒടുവിൽ രഞ്ജിഷ് മ‍ഞ്ചേരിക്ക് പിന്നാലെ ഫേസ്ബുക്ക് മാട്രിമോണി ജ്യോതിക്കും തുണയായി. ഫേസ്ബുക്കിലൂടെ വരനെ തേടിയ മലപ്പുറം സ്വദേശിനി ജ്യോതിയെ താലിച്ചാർത്തിയത് തമിഴ്നാട് സ്വദേശി രാജ്കുമാർ. കഴിഞ്ഞദിവസം രാവിലെ കൽകിപുരി ശിവക്ഷേത്രത്തിൽ വച്ചായിരുന്നു വിവാഹം.

    മലപ്പുറം എലവണ്ണപ്പാറ സ്വദേശിനിയും ഫാഷൻ ഡിസൈനിങ് ബിരുദധാരിയുമായ ജ്യോതി ഒന്നര മാസം മുമ്പാണ് വരനെ തേടി ഫേസ്ബുക്ക് പോസ്റ്റിട്ടത്. വിവാഹം കഴിക്കാത്ത 28 വയസുകാരിയായ തനിക്ക് ജാതി, ജാതകം എന്നിവ വിഷയമല്ലെന്നും സുഹൃത്തുക്കളുടെ അറിവിൽ ആരെങ്കിലുമുണ്ടെങ്കിൽ അറിയിക്കണമെന്നും ആവശ്യപ്പെട്ടായിരുന്നു ഫേസ്ബുക്ക് പോസ്റ്റ്. വരനെ തേടിയുള്ള ജ്യോതിയുടെ ഫേസ്ബുക്ക് പോസ്റ്റ് സോഷ്യൽ മീഡിയയിൽ വൈറലായതോടെ ദേശീയ മാധ്യമങ്ങളിലടക്കം വാർത്തയായി. ഇതിനുപിന്നാലെയാണ് തമിഴ്നാട്ടിൽ നിന്നും രാജ്കുമാറിന്റെ വിവാഹാലോചന എത്തിയത്.

     വിവാഹം...

    വിവാഹം...

    വരനെ തേടിയുള്ള ജ്യോതിയുടെ ഫേസ്ബുക്ക് പോസ്റ്റിന് മികച്ച സ്വീകാര്യതയായിരുന്നു ലഭിച്ചത്. വിവാഹം ആലോചിച്ചുള്ള നൂറുകണക്കിന് ഫോൺകോളുകൾ ജ്യോതിയെ തേടിയെത്തി. ഇതിൽ നിന്നാണ് തനിക്ക് യോജിച്ച വരനെ ജ്യോതി കണ്ടെത്തിയത്. തമിഴ്നാട് ബർഗൂർ സ്വദേശിയായ രാജ്കുമാറിനായിരുന്നു ആ ഭാഗ്യം. തുടർന്ന് ഇരു കുടുംബങ്ങളും തമ്മിൽ സംസാരിച്ച് കാര്യങ്ങൾ ഉറപ്പിച്ചു. ഒടുവിൽ കഴിഞ്ഞദിവസം ഇവരുടെ വിവാഹവും കഴിഞ്ഞു.

    രാജ്കുമാർ...

    രാജ്കുമാർ...

    ജ്യോതിയെ താലിച്ചാർത്തിയ തമിഴ്നാട് ബർഗൂർ സ്വദേശിയായ രാജ്കുമാർ പോലീസ് ഉദ്യോഗസ്ഥനാണ്. കഴിഞ്ഞദിവസം രാവിലെ കൽകിപുരി ശിവക്ഷേത്രത്തിലായിരുന്നു ഇവരുടെ വിവാഹം. ബന്ധുക്കളും അടുത്ത സുഹൃത്തുക്കളും മാത്രം പങ്കെടുത്ത ലളിതമായ ചടങ്ങ്. ഫേസ്ബുക്ക് മാട്രിമോണിയിലൂടെ വരനെ കണ്ടെത്തിയ മലപ്പുറം എലവണ്ണപ്പാറ സ്വദേശിനിയായ ജ്യോതി ഫാഷൻ ഡിസൈനിങ് ബിരുദധാരിയാണ്. അച്ഛനും അമ്മയും ജീവിപ്പിച്ചിരില്ല. ഏകസഹോദരൻ മുംബൈയിൽ ആർട്ട് ഡയറക്ടർ. അനിയത്തി സിവിൽ എൻജിനീയറിങ് വിദ്യാർത്ഥി.

    നന്ദി...

    നന്ദി...

    ഫേസ്ബുക്കിനും സുഹൃത്തുക്കൾക്കും നന്ദി അറിയിച്ചുകൊണ്ടാണ് തന്റെ വിവാഹവാർത്ത ജ്യോതി ഫേസ്ബുക്കിൽ പങ്കുവെച്ചത്. മാധ്യമങ്ങൾക്കും ബന്ധുക്കൾക്കും നന്ദി അറിയിച്ചതിനോടൊപ്പം വിവാഹ ചിത്രങ്ങളും ഫേസ്ബുക്കിലൂടെ പങ്കുവെച്ചിരുന്നു. ജ്യോതിയുടെ കല്ല്യാണ ചിത്രങ്ങളെടുത്തത് ഫേസ്ബുക്ക് മാട്രിമോണിയെന്ന ആശയം പടച്ചുവിട്ട രഞ്ജിഷ് മഞ്ചേരിയാണെന്നതും കൗതുകമുണ്ടാക്കുന്നതാണ്. പ്രൊഫഷണൽ ഫോട്ടോഗ്രാഫറായ രഞ്ജിഷ് മഞ്ചേരിക്കും ഫേസ്ബുക്ക് മാട്രിമോണിയിലൂടെയാണ് വധുവിനെ ലഭിച്ചത്.

    ഒന്നര മാസം മുമ്പ്...

    ഒന്നര മാസം മുമ്പ്...

    ഏപ്രിൽ മാസത്തിലാണ് ജ്യോതി വരനെ തേടി ഫേസ്ബുക്ക് പോസ്റ്റിടുന്നത്. ഫേസ്ബുക്കിലൂടെ വിവാഹം ആലോചിക്കുന്ന ആദ്യ മലയാളി പെണ്‍കുട്ടിയായിരുന്നു ജ്യോതി. വരനെ തേടിയുള്ള ഫേസ്ബുക്ക് പോസ്റ്റ് അതിവേഗത്തിലാണ് സോഷ്യൽ മീഡിയയിൽ വൈറലായത്. ജ്യോതിയ്ക്ക് മികച്ച പിന്തുണ നൽകിയും സഹായം വാഗ്ദാനം ചെയ്തും നിരവധി കമന്റുകൾ പോസ്റ്റിന് താഴെ പ്രത്യക്ഷപ്പെട്ടിരുന്നു. ആ പിന്തുണയും പ്രാർത്ഥനകളുമെല്ലാണ് ഇപ്പോൾ ഫലംകണ്ടിരിക്കുന്നത്.

    English summary
    jyothi got her groom through facebook matrimony.

    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more