Click it and Unblock the Notifications
Just In
Don't Miss
-
ശരീരത്തില് അടയാളങ്ങളുണ്ടെങ്കില് കാണിക്കണം, തനിച്ച് വരണം; കാസ്റ്റിംഗ് കൗച്ചിനെക്കുറിച്ച് നടി -
IPL 2024: ഇവര് തമ്മിലോ പിണക്കം? കെട്ടിപ്പിടിച്ച് വിജയം ആഘോഷിച്ച് രോഹിത്തും പാണ്ഡ്യയും -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
5G ഫോണായിട്ടും 5G കിട്ടുന്നില്ലെന്ന് ഇനി പറയരുത്! സ്പീഡ് വർധിപ്പിക്കാൻ ഈ 5 കാര്യങ്ങൾ ചെയ്യൂ -
നെഗറ്റീവ് ചിന്തകളില് നിന്ന് രക്ഷപ്പെടാം; മൂഡ് നശിപ്പിക്കുന്ന ചിന്തകളെ പോസിറ്റീവ് ആക്കാനുള്ള വഴിയിതാ -
ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
ആരോഗ്യമന്ത്രിയുടെ മകനും ജോലി? പരീക്ഷ എഴുതിക്കിട്ടിയ ജോലി രാജി വയ്ക്കണമോയെന്ന് കെകെ ഷൈലജ
കോഴിക്കോട്: സിപിഎമ്മിനെ വെട്ടിലാക്കി വീണ്ടും ബന്ധു നിയമന വിവാദം. ആരോഗ്യമന്ത്രി കെകെ ഷൈലജയ്‌ക്കെതിരെയാണ് ആരോപണമുയര്‍ന്നിരിക്കുന്നത്. ഷൈലജയുടെ മകനെ കണ്ണൂര്‍ വിമാനത്താവളത്തിലെ ഉന്നത പദവിയിലേക്ക് പരിഗണിക്കുന്നതായും മരുമകളെ മകളെ കിന്‍ഫ്രയില്‍ നിയമിച്ചെന്നുമാണ് ആരോപണം.
തന്റെ മകന് അനധികൃതമായി ജോലി തരപ്പെടുത്തിയെന്ന തലത്തില്‍ പുറത്ത് വന്ന വാര്‍ത്തകള്‍ അടിസ്ഥാനരഹിതമെന്ന് കെകെ ശൈലജ പറഞ്ഞു. പരീക്ഷ എഴുതി കിട്ടിയ ജോലിയാണത്. മകന് കണ്ണൂര്‍ വിമാനത്താവളത്തില്‍ ജോലി ലഭിച്ചത് യുഡിഎഫ് സര്‍ക്കാരിന്റെ ഭരണകാലത്താണ്. എംടെക് ബിരുദധാരിയായ മകന്, വിമാനത്താവള അധികൃതര്‍ നടത്തിയ പരീക്ഷയില്‍ ഒന്നാം റാങ്ക് നേടിയാണ് ജോലിയില്‍ പ്രവേശിച്ചതെന്നും ഷൈലജ പറഞ്ഞു.
പരിശീലന കാലയളവിന് ശേഷമുള്ള സാധാരണ നടപടി ക്രമമാകും ഇപ്പോള്‍ നടക്കുന്നത്. അമ്മ മന്ത്രിയാണെന്ന കാരണം കൊണ്ട് പരീക്ഷ എഴുതി കിട്ടയ ജോലി മക്കള്‍ ഉപേക്ഷിക്കണമെന്നാണോ മാധ്യമങ്ങള്‍ പറയുന്നതെന്നും കെകെ ശൈലജ ചോദിച്ചു. മരുമകളുടെ ജോലിയെക്കുറിച്ച് വരുന്ന വാര്‍ത്തകളും അടിസ്ഥാനരഹിതമാണ്.
മകനുമായി വിവാഹം കഴിയുന്നതിന് മുന്‍പ് തന്നെ മരുമകള്‍ക്ക് കിന്‍ഫ്രയില്‍ അപ്രന്റീസായി ജോലിയുണ്ട്. എംബിഎ ബിരുദമുള്ളയാളാണ് മരുമകളും. ആ നിയമനവും യുഡിഎഫ് ഭരണകാലത്താണ്. വിവാഹം കഴിക്കുന്നതിന് മുന്‍പ് യുഡിഎഫ് സര്‍ക്കാരിന്റെ കാലത്തെ നിയമനത്തിന് താനെങ്ങനെ ഉത്തരവാദിയാകുമെന്നും ശൈലജ ചോദിച്ചു.
ജനങ്ങളെ തെറ്റിദ്ധരിപ്പിക്കാനാണ് ഇത്തരം വാര്‍ത്തകളെന്നും ഷൈലജ വ്യക്തമാക്കി. ഇപി ജയരാജന്റെ ബന്ധുക്കല്‍ക്ക് വ്യവസായ വകുപ്പില്‍ അനധികൃതമായി നിയമനം നല്‍കിയത് വിവാദമായതോടെയാണ് ബന്ധുനിയമന ചര്‍ച്ചകള്‍ സജീവമായത്. ഇതിന് പിന്നാലെയാണ് കെകെ ശൈലജയുടെ ബന്ധുക്കളുടെ ജോലിക്കാര്യവും വാര്‍ത്തയായത്. എല്‍ഡിഎഫ് സര്‍ക്കാരിന് തലവേദനയായിരിക്കുകയാണ് പുതിയ വിവാദങ്ങള്‍.
വണ്‍ഇന്ത്യയിലേക്ക് നിങ്ങള്‍ക്കും വാര്‍ത്തകളും ഫോട്ടോകളും അയയ്ക്കാം. ഉചിതമായവ പ്രസിദ്ധീകരിക്കും. അയയ്‌ക്കേണ്ട വിലാസം [email protected]
