Click it and Unblock the Notifications
Just In
Don't Miss
-
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്‍
സരിതയുടെ വാക്കുകള്‍ കേള്‍ക്കാന്‍ ഏഴരക്കോടി; കമ്മീഷനെ എന്തിന് നിയമിച്ചെന്ന് മുരളീധരന്‍
കൊച്ചി: കോണ്‍ഗ്രസ് നേതാക്കളെ കൂട്ടത്തോടെ പ്രതിക്കൂട്ടില്‍ നിര്‍ത്തിയ സോളാര്‍ കേസില്‍ കമ്മീഷനെ നിയമിച്ചത് എന്തിനാണെന്ന ചോദ്യമുന്നയിച്ച് കെ മുരളീധരന്‍ എംഎല്‍എ. കമ്മീഷന് സരിത പറയുന്നത് മാത്രം കേള്‍ക്കുകയാണ് ചെയ്തത്. അങ്ങനെയാണെങ്കില്‍ എന്തിനാണ് ഏഴര കോടി ചെലവാക്കി കമ്മീഷനെ നിയമിച്ചതെന്ന് മുരളീധരന്‍ ചോദിച്ചു.
അമ്പതുവര്‍ഷത്തിലധികം ജനപ്രതിനിധി ആയി നിന്ന വ്യക്തിയാണ് ഉമ്മന്‍ ചാണ്ടി. അദ്ദേഹത്തേക്കാള്‍ കമ്മീഷന് വിശ്വാസം സരിതയെ ആണ്. നിയമ സെക്രട്ടറിയെ വിശ്വാസമില്ലെങ്കില്‍ പുതിയ ആളെ നിയമിക്കാന്‍ സര്‍ക്കാര്‍ തയ്യാറാകണമെന്നും മുരളീധരന്‍ പറഞ്ഞു.
സരിതയുടെ മൊഴി മാത്രം സ്വീകരിച്ചാണ് കമ്മീഷന് റിപ്പോര്‍ട്ട് തയ്യാറാക്കി സര്‍ക്കാരിന് സമര്‍പ്പിച്ചിരിക്കുന്നത് എന്നാണ് ഉയരുന്ന ആക്ഷേപം. ലൈംഗിക പീഡനവുമായി ബന്ധപ്പെട്ട കാര്യങ്ങള്‍ സംബന്ധിച്ച് സരിത പുതിയ പരാതി സമര്‍പ്പിച്ചിരിക്കുന്ന വേളയിലാണ് മുരളീധരന്‍ തുറന്നടിച്ചത്.
സോളാര്‍ റിപ്പോര്‍ട്ടില്‍ ഏത് തരത്തിലുള്ള അന്വേഷണവും നടക്കട്ടെയെന്ന് മുരളീധരന്‍ എംഎല്‍എ നേരത്തെ അഭിപ്രായപ്പെട്ടിരുന്നു. അന്വേഷണം കൊണ്ട് യുഡിഎഫിനെ തകര്‍ക്കാമെന്ന് കരുതേണ്ട. എല്ലാ കാലത്തും ഭരണമുണ്ടാകുമെന്ന് എല്‍ഡിഎഫ് തെറ്റിദ്ധരിക്കരുതെന്നും മുരളീധരന്‍ പറഞ്ഞിരുന്നു.
പിതൃതുല്യനാണ് ഉമ്മന്‍ചാണ്ടി എന്ന് സരിത നേരത്തെ പറഞ്ഞിരുന്നു. എന്നാല്‍ അത് തന്നെ കൊണ്ട് ഉമ്മന്‍ ചാണ്ടി പറയിപ്പിച്ചതാണെന്നാണ് സരിത ഇപ്പോള്‍ പറയുന്നത്. ഇക്കാര്യം വ്യക്തമാക്കിയിരുന്ന കത്ത് സരിത മുഖ്യമന്ത്രി പിണറായി വിജയന് കൈമാറി.
സരിതയ്ക്ക് വിശ്വാസ്യതയില്ലെന്ന് സോളാര്‍ കേസിലെ വിധിയില്‍ പരാമര്‍ശിച്ച ഹൈക്കോടതി മുന്‍ ജസ്റ്റിസ് കെമാല്‍ പാഷ ടീം സോളാറിന്റെ ഉപഭോക്താവായിരുന്നു, ഉമ്മന്‍ചാണ്ടിയും മന്ത്രിമാരും ലൈംഗികമായും സാമ്പത്തികമായും തന്നെ ചൂഷണം ചെയ്തു- തുടങ്ങിയ ആരോപണങ്ങള്‍ സരിത പുതിയ കത്തിലും ആവര്‍ത്തിക്കുന്നു.
