സർക്കാരിന് സാധിക്കില്ലെങ്കിൽ പണം മുടക്കി കോൺഗ്രസ് കൊണ്ടുവരും, പിണറായിക്കെതിരെ മുരളീധരൻ!
കോഴിക്കോട്: സംസ്ഥാന സര്ക്കാരിനും മുഖ്യമന്ത്രി പിണറായി വിജയനും എതിരെ ആഞ്ഞടിച്ച് കോണ്ഗ്രസ് നേതാവ് കെ മുരളീധരന്. അന്യസംസ്ഥാനങ്ങളിലെ മലയാളികളെ തിരിച്ച് കൊണ്ടുവരാന് സര്ക്കാരിന് സാധിക്കില്ലെങ്കില് കോണ്ഗ്രസ് കൊണ്ടുവരുമെന്ന് മുരളീധരന് പറഞ്ഞു.
മുഖ്യമന്ത്രിയുടെ ദുരിതാശ്വാസ നിധിയിലേക്ക് ഗുരുവായൂര് ദേവസ്വം ബോര്ഡ് പണം നല്കിയതിനെയും മുരളീധരന് വിമര്ശിച്ചു. പ്രതിപക്ഷത്തെ അധിക്ഷേപിക്കുളള റിയാലിറ്റി ഷോയാണ് മുഖ്യമന്ത്രിയുടെ വാര്ത്താ സമ്മേളനമെന്നും മുരളീധരന് കുറ്റപ്പെടുത്തി.
സൗകര്യം ഒരുക്കിയിട്ടില്ല
വിദേശത്ത് നിന്ന് പ്രവാസികളെ സര്ക്കാര് ഘട്ടം ഘട്ടമായി തിരിച്ച് എത്തിച്ച് കൊണ്ടിരിക്കുകയാണ്. തിരിച്ച് വരുന്ന പ്രവാസികള്ക്ക് സംസ്ഥാന സര്ക്കാര് സൗകര്യം ഒരുക്കിയിട്ടില്ലെന്ന് കെ മുരളീധരന് ആരോപിച്ചു. പ്രവാസികളെ താമസിപ്പിക്കാന് പോലും സൗകര്യം ഇല്ലെന്നാണ് വ്യക്തമാകുന്നത്. പ്രവാസികളെ തിരിച്ച് നാട്ടിലെത്താക്കാന് സാധിച്ചത് എല്ലാവരുടേയും ശ്രമം കൊണ്ടാണെന്നും മുരളീധരന് പറഞ്ഞു.
ഇടപെടല് കാര്യക്ഷമമല്ല
മുഴുവന് പ്രവാസികളെയും തിരിച്ച് എത്തിക്കാനുളള നടപടികള് സര്ക്കാര് കൈക്കൊളളണം. മറ്റ് സംസ്ഥാനങ്ങളില് കുടുങ്ങിയ മലയാളികളെ നാട്ടിലേക്ക് എന്ന് എത്തിക്കാന് കഴിയുമെന്ന് സംസ്ഥാന സര്ക്കാര് വ്യക്തമാക്കണമെന്നും മുരളീധരന് ആവശ്യപ്പെട്ടു. സര്ക്കാര് ഇടപെടല് കാര്യക്ഷമമല്ല. കൊവിഡ് നെഗറ്റീവ് ആയ ആളുകളെ നാട്ടിലേക്ക് ഉടനെ തിരിച്ച് എത്തിക്കണം.
കോണ്ഗ്രസ് നാട്ടിലെത്തിക്കും
കേരളത്തിന് പുറത്തുളള മലയാളികളെ തിരിച്ചെത്തിക്കാന് പ്രത്യേക തീവണ്ടികള് ഏര്പ്പെടുത്താന് സര്ക്കാര് ഇടപെടണമെന്നും മുരളീധരന് ആവശ്യപ്പെട്ടു. മലയാളികളെ തിരികെ എത്തിക്കാന് സര്ക്കാരിന് സാമ്പത്തിക പ്രശ്നം ഉണ്ടെങ്കില് സഹായിക്കാന് കോണ്ഗ്രസ് തയ്യാറാണ്. സ്വന്തം പണം ഉപയോഗിച്ച് മലയാളികളെ കോണ്ഗ്രസ് നാട്ടിലെത്തിക്കുമെന്നും കെ മുരളീധരന് കോഴിക്കോട് പറഞ്ഞു.
മരണങ്ങളുടെ കണക്കുകള് മറച്ച് വെക്കുന്നു
സംസ്ഥാന സര്ക്കാര് കൊവിഡ് മരണങ്ങളുടെ കണക്കുകള് മറച്ച് വെക്കുന്നതായും കെ മുരളീധരന് ആരോപിച്ചു. കണ്ണൂരില് കൊവിഡ് ബാധിച്ച് രോഗി മരണപ്പെട്ടു. എന്നാല് സംസ്ഥാന സര്ക്കാരിന്റെ കണക്കില് ഇതില്ലെന്നും മുരളീധരന് കുറ്റപ്പെടുത്തി. കൊവിഡ് മരണങ്ങളുടെ കണക്ക് ശരിയായി പുറത്ത് വിടുന്നത് കൊണ്ട് സര്ക്കാരിന് എന്താണ് നഷ്ടപ്പെടാനുളളത് എന്നും കെ മുരളീധരന് ചോദിച്ചു.
Recommended Video
മുഖ്യമന്ത്രിയെ മണിയടിച്ച് കളയാം
ഗുരുവായൂര് ദേവസ്വം ബോര്ഡ് പണം നല്കേണ്ടത് മറ്റ് ക്ഷേത്രങ്ങളിലെ വരുമാനം നഷ്ടപ്പെട്ട ജീവനക്കാര്ക്കാണ്. അല്ലാതെ സര്ക്കാരിന്റെ ദുരിതാശ്വാസ നിധിയിലേക്കല്ല. ടിപി കേസിലെ പ്രതി കുഞ്ഞനന്തനെ പോലുളളവര്ക്ക് വേണ്ടി ദുരിതാശ്വാസ നിധിയിലെ പണം ഉപയോഗിക്കപ്പെടാം. മുഖ്യമന്ത്രിയെ മണിയടിച്ച് കളയാം എന്നാണ് ഗുരുവായൂര് ദേവസ്വം ബോര്ഡ് ശ്രമിച്ചത് എന്നും കെ മുരളീധരന് പരിഹസിച്ചു.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google