ജിമ്മി ജോര്ജ് അഞ്ജുവിന്റെ ഭര്ത്താവെന്ന് സുധാകരന് പറഞ്ഞിട്ടില്ല; പണി പറ്റിച്ചത് കോമ?
ഒളിംപ്യന് അഞ്ജു ബോബി ജോര്ജിന്റെ ഭര്ത്താവ് കേരളത്തിന്റെ പ്രശസ്ത വോളിബോള് താരമായിരുന്ന ജിമ്മി ജോര്ജാണ് എന്ന് കെ സുധാകരന് പറഞ്ഞോ. പറഞ്ഞു എന്നാണ് ചര്ച്ചകളും സോഷ്യല് മീഡിയയിലെ ട്രോളുകളും കണ്ടാല് തോന്നുക. എന്നാല് സത്യത്തില് എന്താണ് സംഭവിച്ചത്. അഞ്ജു ബോബി ജോര്ജിന്റെ കുടുംബവുമായി അടുത്ത ബന്ധമുള്ള കെ സുധാകരന് ഇങ്ങനെ ഒരു അബദ്ധം പറയുമോ.
താന് ഒരു അബദ്ധവും പറഞ്ഞിട്ടില്ല എന്നാണ് കെ സുധാകരന് വിശദീകരിക്കുന്നത്. അഞ്ജുവും അഞ്ജുവിന്റെ ഭര്ത്താവിന്റെ കുടുംബവും കായികരംഗത്ത് വളരെയേറെ ആദരിക്കപ്പെടുന്നവരാണ് എന്ന് പറയാനാണ് താന് ശ്രമിച്ചതെന്നാണ് കെ സുധാകരന് പറയുന്നത്. അഞ്ജു ബോബി ജോര്ജ്ജിന്റെ ഭര്ത്താവിന്റെ പേര് മാറ്റിപ്പറഞ്ഞു എന്ന രീതിയിലാണ് കാര്യങ്ങള് പ്രചരിക്കുന്നത്. അത് തെറ്റാണ്... കെ സുധാകരന്റെ വിശദീകരണം ഇങ്ങനെ പോകുന്നു...
പറഞ്ഞത് അബദ്ധമല്ല
കായികമന്ത്രി ഇ.പി ജയരാജന് അഞ്ജു ബോബി ജോര്ജ്ജിനോട് നടത്തിയ പരാമര്ശവും ആക്ഷേപവും എല്ലാ മാധ്യമങ്ങളിലും വന്ന വാര്ത്തയാണ്. അതു സംബന്ധിച്ച് ഞാന് നടത്തിയ പത്രസമ്മേളനത്തില് അഞ്ജു ബോബി ജോര്ജ്ജിന്റെ ഭര്ത്താവിന്റെ പേര് മാറ്റിപ്പറഞ്ഞു എന്ന രീതിയില് ഒരു വാര്ത്ത പ്രചരിക്കുന്നത് എന്റെ ശ്രദ്ധയില്പ്പെട്ടിട്ടുണ്ട്. ഞാന് പറഞ്ഞതില് ഒരബദ്ധവും ഇല്ല.
എന്താണ് പറഞ്ഞത്
ഞാന് ശ്രമിച്ചത്. അഞ്ജു, അഞ്ജുവിന്റെ ഭര്ത്താവ്, ജിമ്മി ജോര്ജ്ജ് എന്ന് പറഞ്ഞതില് ജിമ്മി ജോര്ജ്ജിനെ ഞാന് ഭര്ത്താവിന്റെ ജ്യേഷ്ഠന് എന്ന് എടുത്തു പറഞ്ഞില്ല എന്നു മാത്രം. പക്ഷേ സംപ്രേഷണം ചെയ്യപ്പെട്ട വീഡിയോയില് കാണുന്നത് പോല അവിടെ ഞാന് നിര്ത്തിയിട്ടുമില്ല. അഞ്ജുവിന്റെ കുടുംബം മുഴുവന് കായികംഗത്ത് ജീവിതം സമര്പ്പിച്ചവരാണ് എന്ന് തുടര്ന്ന് പറയുകയും ചെയ്തിരുന്നു.
പറ്റിച്ചത് കോമയാണോ
വാക്കുകള് കൂട്ടിപ്പറഞ്ഞപ്പോള് ഘടനയില് അപാകത സംഭവിച്ചിട്ടുണ്ടാകാം, ഒരു കോമയുടെ കുറവ്. പക്ഷേ എന്റെ ഇംഗിതം വളരെ വ്യക്തമായിരുന്നു. മറ്റ് പലയിടങ്ങളിലും ഞാന് അഞ്ജു ബോബി ജോര്ജ്ജ് എന്ന് നിരവധി വട്ടം പറഞ്ഞിട്ടുമുണ്ട്. ആ എനിക്ക് ഭര്ത്താവ് ബോബി ജോര്ജ്ജ് ആരാണെന്ന് അറിയില്ല എന്ന് പറഞ്ഞാല് അതിനോട് എങ്ങിനെ പ്രതികരിക്കണം എന്ന് എനിക്കറിയില്ല.
അടുത്തറിയുന്ന ആള്ക്കാരാണ്
അഞ്ജു ബോബി ജോര്ജ്ജിന്റെ ഭര്തൃ കുടുംബം എന്റെ ഏറ്റവും അടുത്ത സുഹൃദ് വലയമാണ്. ഭര്ത്താവിന്റെ അച്ഛന് അഡ്വ. ജോര്ജ്ജ് ജോസഫ് എന്റെ അടുത്ത സഹപ്രവര്ത്തകനാണ്. മേരി ജോര്ജ്ജാണ് ഭാര്യ. അവര്ക്ക് 8 ആണ്മക്കളും 2 പെണ്മക്കളും അടക്കം 10 മക്കളാണ്. ഒന്പതാമെത്തെ മകനാണ് അഞ്ജുവിന്റെ ഭര്ത്താവ് ബോബി ജോര്ജ്ജ്.
അപ്പോള് ജിമ്മി ജോര്ജ്ജോ
ഈ കുടുംബത്തിലെ രണ്ടാമത്തെ മകനാണ് രാജ്യം കണ്ട മികച്ച വോളിബോള് താരമായിരുന്ന ജിമ്മി ജോര്ജ്ജ്. ഇവരില് ഒരു പെണ്കുട്ടിയെ ഒഴിച്ച് ബാക്കി എല്ലാവരെയും എനിക്ക് നേരിട്ടറിയാം. ആദ്യത്തെ മകനാണ് റിട്ട. ഐജി ജോസ്. എനിക്ക് അടുത്തറിയാവുന്ന ഒരു കുടുംബത്തെ കുറിച്ച് അങ്ങനെയൊരു അബദ്ധം എനിക്ക് സംഭവിക്കും എന്ന് കരുതുന്നുണ്ടെങ്കില് അത് തെറ്റാണ്.
വിടുവായത്തം പറഞ്ഞത് ജയരാജന്
എനിക്ക് ആ കുടുംബത്തെ വ്യക്തമായി അറിയാം. ഇ.പി ജയരാജന് പറഞ്ഞത് പോലെ വിടുവായത്തം പറഞ്ഞതല്ല. അറിയാത്ത കാര്യം വിളിച്ചു കൂവിയതല്ല. അറിയുന്ന കാര്യം ഞാന് പറഞ്ഞു എന്നു മാത്രമേയുള്ളൂ. ഇനിയും സംശയം തീരാത്തവരുണ്ടെങ്കില് അജ്ഞുവിന്റെ ഭര്ത്താവ് ബോബി ജോര്ജ്ജിനെയോ അദ്ദേഹത്തിന്റെ കുടുംബത്തെയോ ബന്ധപ്പെട്ടാല് ആ കുടുംബവുമായുള്ള എന്റെ ബന്ധത്തെപ്പറ്റി കൂടുതല് അറിയാന് സാധിക്കും.
വിശദീകരണം ഫേസ്ബുക്കില്
പറഞ്ഞതില് ഒരു അബദ്ധവും എനിക്ക് സംഭവിച്ചിട്ടില്ല എന്ന് പ്രിയപ്പെട്ട സഹപ്രവര്ത്തകന്മാരെയും സ്നേഹിതന്മാരെയും മാധ്യമപ്രവര്ത്തകരെയും അറിയിക്കാന് ഈ സന്ദര്ഭം ഞാന് ഉപയോഗിക്കുകയാണ് - ഫേസ്ബുക്കിലാണ് കെ സുധാകരന് ഈ വിശദീകരണം നല്കിയത്.
-
ഖത്തര് ഞെട്ടി; യൂറോപ്പും ഏഷ്യയും ഞെരുങ്ങും, ഒന്നും അറിഞ്ഞില്ലെന്ന് ട്രംപ്, ഇറാന്റെ കൈവിട്ട നീക്കം -
ബെംഗളൂരുവില് വര്ക്ക് ഫ്രം ഹോം; സാമ്പത്തിക ലാഭം 10000 രൂപയിലേറെ; കണക്കുകള് നിരത്തി ടെക്കി യുവാവ് -
സ്വര്ണം എവിടെപോയി നില്ക്കും; ഇന്ന് രണ്ടാംതവണയും വില കുറഞ്ഞു, സ്വര്ണ പ്രേമികള്ക്ക് സന്തോഷം -
സ്വർണ വില 1 ലക്ഷത്തിന് താഴേക്കോ അതോ 2 ലക്ഷത്തിന് മുകളിലേക്കോ? സ്വർണം കൈയ്യിലുള്ളവർ അറിയാൻ -
കേരളത്തില് നാളെ ചെറിയ പെരുന്നാള്; ശവ്വാല് മാസപ്പിറവി ദൃശ്യമായി -
വിജയ് സ്വത്തുക്കള് വിറ്റഴിക്കുന്നു; നടന്റെ നീക്കത്തിന് പിന്നില് എന്ത്? സംഗീതയുടെ വിവാഹ മോചനം ചര്ച്ച -
'അഖിൽ മാരാർക്ക് സീറ്റ് കൊടുത്തത് ആ ഭയം കൊണ്ടാകും, പ്രാക്കും കാർക്കിച്ച് തുപ്പും ഭയന്ന് അവർക്ക് വോട്ട് കിട്ടും' -
' മൂന്നാം ഊഴം എന്ന മുഖ്യമന്ത്രിയുടെ സ്വപ്നം വിഫലമാകും'; നിലപാട് തിരുത്തി ജി സുധാകരൻ, കോണ്ഗ്രസിന് പുകഴ്ത്തൽ -
എൻഡിഎയുടെ 90 സീറ്റ് ഓഫറും മുഖ്യമന്ത്രി പദവിയും വേണ്ട; തമിഴ്നാട്ടിൽ ഒറ്റയ്ക്ക് മത്സരിക്കുമെന്ന് വിജയ് -
ബെംഗളുരുവിന്റെ തലവര മാറ്റുന്ന ബിദാദി ടൗൺഷിപ്പ് പദ്ധതി; 7400 ഏക്കർ ഭൂമി ഏറ്റെടുക്കാൻ നടപടിയുമായി സർക്കാർ -
കേരളത്തിൽ ഏറ്റവും കൂടുതൽ ആസ്തിയുള്ള എംഎൽഎ ഇതാണ്; പകുതിയിലധികം പേരും കോടീശ്വരൻമാർ -
ബിജെപിയുടെ രണ്ടാം സ്ഥാനാർത്ഥി പട്ടികയും പുറത്ത്; കുമ്മനം ആറന്മുളയിൽ, റോബിൻ രാധാകൃഷ്ണൻ കുണ്ടറയിൽ
Click it and Unblock the Notifications
Sign in with Google