'ഉമ്മന്ചാണ്ടിയെ വന്യമായി വേട്ടയാടിയാണ് പിണറായി മുഖ്യമന്ത്രിയായത്': മാപ്പ് പറയണമെന്ന് കെ സുധാകരന്
തിരുവനന്തപുരം: ഉമ്മന് ചാണ്ടിയെ വന്യമായ രീതിയില് വേട്ടയാടിയാണ് പിണറായി വിജയന് കേരളത്തിന്റെ മുഖ്യമന്ത്രിയായതെന്ന് കെ പി സി സി സി പ്രസഡന്റ് കെ സുധാകരന്. സി പി എം നല്കിയ കോടികളുടെയും രാഷ്ട്രീയാഭയത്തിന്റെയും അടിസ്ഥാനത്തില് കെട്ടിയുയര്ത്തിയ നീര്ക്കുമിള മാത്രമായിരുന്നു സോളാര് കേസെന്നും ഉമ്മന് ചാണ്ടിയെ ആരും വേട്ടയാടിയിട്ടില്ലെന്നു പ്രചരപ്പിച്ച് സിപിഎം ഉന്നതനേതാക്കള് തന്നെ രംഗത്തുവന്ന സാഹചര്യത്തിലാണ് കാര്യങ്ങള് തുറന്നു പറയാന് താന് നിര്ബന്ധിതനാവുന്നതെന്ന് സുധാകരന് പറഞ്ഞു.
'സോളാര് കേസിന്റെ പേരില് കേരളത്തില് നടന്ന അതിക്രമങ്ങളും പ്രക്ഷോഭനാടകങ്ങളും ആര്ക്കാണ് മറക്കാന് കഴിയുക? ഉമ്മന് ചാണ്ടിയെ സഭയിലും പുറത്തും വ്യക്തിപരമായി തൊലിയുരിച്ചതിന് കയ്യും കണക്കുമുണ്ടോ? വിഎസ് അച്യുതാന്ദന് നടത്തിയ നിന്ദ്യമായ പ്രയോഗങ്ങള് കേരളീയ സമൂഹത്തിന് മറക്കാനാകുമോ? എഴുതിത്തയ്യാറാക്കി കൊണ്ടുവന്ന പ്രസംഗത്തിലാണ് അച്ചുതാനന്ദന് ഉമ്മന്ചാണ്ടിയുടെ കുടുംബത്തിനെതിരെ ഹീനമായ അധിക്ഷേപം നടത്തിയത്. സിപിഎം അംഗങ്ങള് നിയമസഭയുടെ ഡസ്ക്കിലടിച്ച് ഇതിനെ പ്രോത്സാഹിപ്പിച്ചു.'
2016ലെയും 2021ലെയും നിയമസഭാ തെരഞ്ഞെടുപ്പിലെ പ്രധാന വിഷയം സോളാറായിരുന്നു. യുഎന് അവാര്ഡ് വരെ നേടിയ ജനകീയനായ ഉമ്മന് ചാണ്ടിയെ വീഴ്ത്താന് സിപിഎം കണ്ടെത്തിയ മാരകായുധമായിരുന്നു സോളാര്. കേരളം മുഴുവന് ഉമ്മന് ചാണ്ടിയെ അപമാനിച്ചുകൊണ്ടുള്ള പോസ്റ്ററുകള് നിറച്ചു. 2016ല് അധികാരമേറ്റശേഷവും പിണറായി വിജയന് ഉമ്മന് ചാണ്ടിയെ തുടര്ച്ചയായി വേട്ടയാടി. അദ്ദേഹത്തെ അറസ്റ്റ് ചെയ്യാന് വരെ ശ്രമിച്ചു.
2016ല് പിണറായി വിജയന് അധികാരമേറ്റതിനെ തുടര്ന്നാണ് തിരുവനന്തപുരം പാറ്റൂരില് 15 സെന്റ് ഭൂമിയുടെ കൈമാറ്റത്തില് അഴിമതിയുണ്ടെന്ന വിജിലന് കേസ് ഉത്ഭവിച്ചത്. ഉമ്മന് ചാണ്ടിയെ ഈ കേസില് നാലാം പ്രതിയാക്കി. ഹൈക്കോടതി ഈ കേസിലെ എഫ്ഐആറടക്കം റദ്ദാക്കിയെങ്കിലും വിഎസ് അച്യുതാന്ദന് കേസ് തുടര്ന്നു. 2021ല് ആണ് കോടതി കേസ് തള്ളിയത്. ഈ വിവാദൂമിയില് ഇന്ന് ഒരു വമ്പന് മള്ട്ടിപ്ലക്സ് സ്ഥിതിചെയ്യുന്നു.
ബാര് കോഴക്കേസില് ഉമ്മന് ചാണ്ടി ഇല്ലായിരുന്നെങ്കിലും കെ എം മാണിയെ സിപിഎം ആരോപണങ്ങളില്നിന്ന് സംരക്ഷിക്കാന് ഉമ്മന് ചാണ്ടിക്ക് വിയര്പ്പൊഴുക്കേണ്ടി വന്നു. നിയമസഭയില് നടന്ന നാണംകെട്ട സംഭവങ്ങളും കെ എം മാണിക്കെതിരായ വേട്ടയാടലുകളുമെല്ലാം നിലനില്ക്കെ കേരള കോണ്ഗ്രസിനെ ഇടതുമുന്നണിയിലെടുത്ത് സിപിഎം രാഷ്ട്രീയധാര്മികതയില് ആണിക്കല്ലും അടിച്ചു.
മുഖ്യമന്ത്രി ഉമ്മന് ചാണ്ടിയെ സിപിഎം പ്രവര്ത്തകര് കണ്ണൂരില് വച്ച് കല്ലെറിഞ്ഞത് 2013 ഒക്ടോബര് 27നാണ്. സി കൃഷ്ണന് എംഎല്എ, കെ കെ നാരായണ് മുന്എംഎല്എ തുടങ്ങിയവര് ഒന്നും രണ്ടും പ്രതികളായ കേസിലെ 113 പ്രതികളും സിപിഎമ്മുകാരാണ്. ഒന്നും രണ്ടും പ്രതികളെ തിരിച്ചറിയാനാകുന്നില്ലെന്നു മൊഴി നല്കി ഉമ്മന് ചാണ്ടി അവരെ സംരക്ഷിച്ചു എന്നത് ഉമ്മന് ചാണ്ടിയുടെ മഹത്വം.
2400 കോടിയുടെ വിഴിഞ്ഞം പദ്ധതിയില് 6000 കോടിയുടെ അഴിമതിയാണ് പിണറായി വിജയന് ഉന്നയിച്ചത്. അധികാരത്തില് വന്ന ശേഷം ഉളുപ്പില്ലാതെ പദ്ധതിയുമായി മുന്നോട്ടുപോകുകയും ചെയ്തു. തിരഞ്ഞെടുപ്പ് ഫണ്ടിലേക്ക് പോലും ഒരു രൂപ അദാനിയില്നിന്ന് സംഭാവന വാങ്ങാന് മടിച്ച ഉമ്മന് ചാണ്ടിക്കെതിരേയാണ് പിണറായി വിജയന് അഴിമതി ആരോപിച്ചതെന്ന് ഓര്ക്കുന്നതു നല്ലതാണ്. ഉമ്മന് ചാണ്ടിയോടു കാട്ടിയ സമാനതകളില്ലാത്ത കൊടും ക്രൂരതകള്ക്ക് വൈകിയ വേളയിലെങ്കിലും പിണറായി വിജയന് പൊതുസമൂഹത്തോട് മാപ്പുപറയണമെന്ന് സുധാകരന് ആവശ്യപ്പെട്ടു
-
ഉരുൾപ്പോരും ഉശിരൻ പോരുമായി വയനാട് -
പോസ്റ്റൽ വോട്ടിങ്ങിൽ മാറ്റം, ചെയ്യേണ്ടത് ഇങ്ങനെ -
100 വയസ്സ് കഴിഞ്ഞ 1,555 വോട്ടര്മാര്; വീട്ടിലിരുന്നും വോട്ട് ചെയ്യാം -
ആർക്കും തെരഞ്ഞെടുപ്പ് നിരീക്ഷകനാകാം, 100 മിനിറ്റിനുള്ളിൽ നടപടി ഉറപ്പാക്കി ‘സി-വിജിൽ’ -
സ്വര്ണം വന്തോതില് ഒഴുകും; അമേരിക്ക ഇളവ് പ്രഖ്യാപിച്ചു, യുഎഇ, തുര്ക്കി എന്നിവര്ക്ക് നേട്ടം -
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..! -
ഈ രാശിക്കാരാണോ? രണ്ടാഴ്ചയ്ക്കുള്ളില് അളവറ്റ ധനം കൈയിലെത്തും, ഇനി സൗഭാഗ്യനാളുകള് -
സ്വർണ വില ഗ്രാമിന് 6000 വരെ ആകണമെന്ന് വ്യാപാരികൾ; വില കുറയാൻ ആഗ്രഹിക്കുന്നത് ഇക്കാര്യം കൊണ്ടെന്ന് -
അധികാരസ്ഥാനങ്ങളില് എത്തിച്ചേരും, സുഹൃത്തുക്കളുമായി അകലും, അവിചാരിതമായ ആപത്തുകള്, വാരഫലം -
സ്വർണ വില താഴേക്ക് തന്നെ; പവൻ വില കേരളത്തിൽ 17,000 രൂപയെങ്കിലും ഇടിയും..പുതിയ പ്രവചനങ്ങൾ ഇങ്ങനെ -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സ്വർണം വിറ്റ് കൂട്ടുന്ന കേന്ദ്രബാങ്കുകൾ..ഇനിയും സ്വർണ വില താഴേക്ക് പോകുമോ? വില ഇനി ഉയരണമെങ്കിൽ..
Click it and Unblock the Notifications
Sign in with Google