പ്രായപരിധി നടപ്പാക്കിയാല് ഇസ്മയില് തെറിക്കും...; കാനം വീണ്ടും സെക്രട്ടറിയാകുമോ?
തിരുവനന്തപുരം: ജില്ലാ സമ്മേളനങ്ങള് അവസാനിച്ച് സംസ്ഥാന സമ്മേളനത്തിലേക്ക് കടക്കാനിരിക്കെ സി പി ഐയില് പ്രായപരിധി നടപ്പാക്കുന്നതില് തര്ക്കം. പ്രായപരിധി 75 വയസാക്കുന്നതില് കെ ഇ ഇസ്മായില് പക്ഷം കടുത്ത എതിര്പ്പ് ഉന്നയിച്ച് രംഗത്തെത്തി എന്നാണ് റിപ്പോര്ട്ട്. ഇസ്മയിലിനെ ഒഴിവാക്കുന്നതിനാണ് പ്രായപരിധി വിഷയം ഉന്നയിക്കുന്നത് എന്നാണ് റിപ്പോര്ട്ട്.
75 എന്ന പ്രായപരിധി നടപ്പിലാക്കിയാല്, മുതിര്ന്ന നേതാക്കളായ കെ ഇ ഇസ്മായിലും സി ദിവാകരനും സംസ്ഥാന കൗണ്സിലില് നിന്നു പുറത്താകുന്ന സ്ഥിതിയുണ്ടാകും. എന്നാല് യുവാക്കളെ കൊണ്ട് വരാനാണ് പ്രായപരിധി എന്നാണ് കാനം രാജേന്ദ്രന് പക്ഷം പറയുന്നത്. പ്രായപരിധി പാര്ട്ടി ഭരണഘടനയില് പറയുന്നില്ല എന്നാണ് കെ ഇ ഇസ്മായില് പക്ഷം വാദിക്കുന്നത്.

പ്രായപരിധി വന്നാല് ഇസ്മായിലിന് പാര്ട്ടി കോണ്ഗ്രസോടെ ദേശീയ നിര്വാഹകസമിതി അംഗത്വവും നഷ്ടമാകും. ഇതിനെ ചെറുക്കാനാണ് ഇസ്മായില് വിഭാഗം ശ്രമിക്കുന്നത്. അംഗ സംഖ്യയിലെ സ്തംഭനാവസ്ഥ കണക്കിലെടുത്ത് 75 വയസ് കമ്മിറ്റികളിലെ വിടപറയല് പ്രായമായി നിശ്ചയിക്കാന് സി പി ഐ ദേശീയ കൗണ്സില് തീരുമാനിച്ചിരുന്നു.

അതേസമയം ജില്ലാ സമ്മേളനങ്ങളില് കടുത്ത വിമര്ശനങ്ങളെ നേരിട്ട കാനം രാജേന്ദ്രന് സംസ്ഥാന സെക്രട്ടറി സ്ഥാനത്തത് വീണ്ടും എത്തുമോ എന്നാണ് എല്ലാവരും ഉറ്റുനോക്കുന്നത്. കേന്ദ്ര നേതൃത്വത്തിന്റെ പിന്തുണ കാനം രാജേന്ദ്രനുണ്ട്. ജില്ലകളിലും കാനത്തിന് തന്നെയാണ് മേല്ക്കൈ. ഈ മാസം 30നാണ് സി പി ഐ സംസ്ഥാന സമ്മേളനം ആരംഭിക്കുന്നത്.

കോട്ടയത്തും ഇടുക്കിയിലും കെ ഇ ഇസ്മയില് വിഭാഗം നേതൃസ്ഥാനം പിടിച്ചെടുത്തിരുന്നു. കോഴിക്കോടും പത്തനംതിട്ടയിലും ഇസ്മയില് വിഭാഗത്തിന് പ്രതീക്ഷയുണ്ട്. എന്നാല് മറ്റിടങ്ങളിലെല്ലാം കാനം പക്ഷത്തിനാണ് വിജയം. കൊല്ലം ജില്ല പിടിച്ചെടുത്ത് ഇസ്മയില് പക്ഷത്തിന് വലിയ തിരിച്ചടിയാണ് കാനം നല്കിയത്. ഇതിന് മുന്പ് മത്സരത്തിലൂടെ സംസ്ഥാന സെക്രട്ടറിയെ നിശ്ചയിക്കേണ്ട സ്ഥിതി സി പി ഐക്കുണ്ടായിട്ടില്ല.

എന്നാല് പാര്ട്ടിക്ക് പുറത്ത് ഇതാദ്യമായി സി പി ഐ എമ്മും കാനം രാജേന്ദ്രന് പരോക്ഷമായി മാനസികമായ പിന്തുണ വാഗ്ദാനം ചെയ്യുന്നുണ്ട്. പതിവിന് വിപരീതമായി സി പി ഐ, സര്ക്കാരിനേയും സി പി ഐ എമ്മിനേയും പിന്തുണക്കുന്നത് തന്നെയാണ് ഇതിന് കാരണം.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ












Click it and Unblock the Notifications