കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കണ്ണൂര്‍ എസ്പി യതീഷ് ചന്ദ്രക്കെതിരെ അന്വേഷണറിപോര്‍ട്ട്; ഏത്തമിടീപ്പിച്ചത് തെറ്റ്, സെല്‍ഫ് പ്രമോഷന്‍

  • By Desk
Google Oneindia Malayalam News

കണ്ണൂര്‍: കൊറോണ വ്യാപനം തടയാന്‍ പ്രഖ്യാപിച്ച ലോക്ക് ഡൗണ്‍ നിര്‍ദേശം ലംഘിച്ചെന്നാരോപിച്ച് നാട്ടുകാരെ ഏത്തമിടീപ്പിച്ച കണ്ണൂര്‍ എസ്പി യതീഷ് ചന്ദ്രക്കെതിരെ നടപടിയുണ്ടായേക്കും. എസ്പിക്കെതിരെയാണ് അന്വേഷണ റിപ്പോര്‍ട്ട്. എസ്പി യതീഷ് ചന്ദ്രയുടെ നടപടി പോലീസ് സേനയ്ക്ക് അവമതിപ്പുണ്ടാക്കിയെന്ന് ഉത്തര മേഖല ഐജി അശോക് യാദവ് സമര്‍പ്പിച്ച റിപ്പോര്‍ട്ടില്‍ പറയുന്നു.

യതീഷ് ചന്ദ്രയുടെ നടപടി ഏറെ വിവാദമായിരുന്നു. മുഖ്യമന്ത്രി പിണറായി വിജയന്‍ എസ്പിയുടെ നടപടിയെ വിമര്‍ശിച്ചു. മാത്രമല്ല, സംസ്ഥാന മനുഷ്യവകാശ കമ്മീഷന്‍ കേസെടുക്കാന്‍ നിര്‍ദേശം നല്‍കി. ആഭ്യന്തര വകുപ്പ സെക്രട്ടറി ഡിജിപിയോട് വിശദീകരണം തേടിയിരുന്നു. തുടര്‍ന്നാണ് ഉത്തരമേഖല ഐജി അന്വേഷണ റിപ്പോര്‍ട്ട് ഡിജിപിക്ക് സമര്‍പ്പിച്ചത്. വിശദാംശങ്ങള്‍ ഇങ്ങനെ....

സാധാനങ്ങള്‍ വാങ്ങാന്‍ വന്നവരെ

സാധാനങ്ങള്‍ വാങ്ങാന്‍ വന്നവരെ

കണ്ണൂര്‍ അഴീക്കലിലാണ് ലോക്ക് ഡൗണ്‍ ലംഘിച്ച് പുറത്തിറങ്ങിയവരെ എസ്പി യതീഷ് ചന്ദ്രയുടെ നേതൃത്വത്തിലുള്ള പോലീസ് ഏത്തമിടീച്ചത്. അവശ്യസാധനങ്ങള്‍ വാങ്ങാന്‍ വന്നവെയും എസ്പി അപമാനിച്ചുവെന്ന് ആക്ഷേപം ഉയര്‍ന്നിരുന്നു. കണ്ണൂര്‍ സിപിഎം നേതൃത്വവും എസ്പിക്കെതിരെ നടപടി വേണമെന്ന ആവശ്യപ്പെട്ടുവെന്നാണ് സൂചന.

മുഖ്യമന്ത്രി പ്രതികരിച്ചത് ഇങ്ങനെ

മുഖ്യമന്ത്രി പ്രതികരിച്ചത് ഇങ്ങനെ

സംഭവത്തില്‍ മുഖ്യമന്ത്രി പിണറായി വിജയന്‍ അതൃപ്തി പ്രകടിപ്പിച്ചിരുന്നു. ഇത്തരം നടപടികള്‍ നാടിന്റെ സംസ്‌കാരത്തിന് യോജിക്കാത്തതാണെന്നാണ് മുഖ്യമന്ത്രി പ്രതികരിച്ചത്. ഇത്തരം സംഭവങ്ങള്‍ ആവര്‍ത്തിക്കരുത്. പോലീസിന്റെ യശസ്സിന് മങ്ങലേല്‍പ്പിക്കുന്ന നടപടിയാണിത്. വിഷയത്തില്‍ ആഭ്യന്തര സെക്രട്ടറി ഡിജിപിയോട് റിപ്പോര്‍ട്ട് തേടിയിട്ടുണ്ടെന്നും മുഖ്യമന്ത്രി പറഞ്ഞു.

ഡിജിപിയുടെ നിര്‍ദേശം ലംഘിച്ചു

ഡിജിപിയുടെ നിര്‍ദേശം ലംഘിച്ചു

കൊറോണ കാലത്ത് പുറത്തിറങ്ങുന്നവരോട് മാന്യമായി പോലീസ് പെരുമാറണമെന്ന് ഡിജിപി നിര്‍ദേശം നല്‍കിയിരുന്നു. തൊട്ടുപിന്നാലെയാണ് കണ്ണൂരിലെ വിവാദ സംഭവം. സംസ്ഥാനത്ത് പലയിടത്തും പോലീസ് നടപടികള്‍ക്കെതിരെ വിമര്‍ശനം ഉയര്‍ന്നിരുന്നു. കണ്ണൂരില്‍ ശക്തമായ നിയന്ത്രണമാണ് ഏര്‍പ്പെടുത്തിയിട്ടുള്ളത്.

സംഭവം ഇങ്ങനെ

സംഭവം ഇങ്ങനെ

കണ്ണൂര്‍ വളപട്ടണം സ്റ്റേഷന്‍ പരിധിയിലെ അഴീക്കലില്‍ ശനിയാഴ്ച രാവിലെ 11ഓടെയാണ് സംഭവം. യതീഷ് ചന്ദ്രയുടെ നേതൃത്വത്തിലുള്ള പോലീസ് സംഘം എത്തിയ ഉടനെ കുറച്ചുപേര്‍ ഓടിരക്ഷപ്പെട്ടു. പ്രായമായവര്‍ അവിടെ തന്നെ നിന്നു. ഇവരെയാണ് ഏത്തമിടീപ്പിച്ചത്. വെളിയില്‍ ഇറങ്ങുന്നവര്‍ക്ക് ഇത് പാഠമാകണമെന്നാണ് എസ്പിയുടെ നിലപാട്.

അന്വേഷണ റിപ്പോര്‍ട്ട്

അന്വേഷണ റിപ്പോര്‍ട്ട്

ഐജിയുടെ അന്വേഷണ റിപ്പോര്‍ട്ട് യതീഷ് ചന്ദ്രയ്‌ക്കെതിരാണ്. യതീഷ് ചന്ദ്ര സെല്‍ഫ് പ്രമോഷന് ശ്രമിക്കുന്നുവെന്ന് റിപ്പോര്‍ട്ടില്‍ പറയുന്നു. എസ്പി നിയമ ലംഘനം നടത്തി. പോലീസ് സേനയ്ക്ക അവമതിപ്പുണ്ടാക്കുന്ന നടപടിയാണിത്. ഏത്തമിടീപ്പിച്ച ഒരാളെ പോലീസ് ഉദ്യോഗസ്ഥന്‍ മര്‍ദ്ദിച്ചുവെന്നും അന്വേഷണ റിപ്പോര്‍ട്ടില്‍ പറയുന്നു.

Recommended Video

cmsvideo
കൊറോണയ്ക്കെതിരെ ഒരുമിച്ച് കേരളം | Oneindia Malayalam
 നടപടിക്ക് സാധ്യത

നടപടിക്ക് സാധ്യത

യതീഷ് ചന്ദ്രയ്‌ക്കെതിരെ നടപടിയുണ്ടാകുമെന്ന് സൂചന. സംഭവത്തെ കുറിച്ച് വിശദമായി അന്വേഷണം നടത്തി മൂന്നാഴ്ചക്കകം റിപ്പോര്‍ട്ട് സമര്‍പ്പിക്കാന്‍ സംസ്ഥാന മനുഷ്യാവകാശ കമ്മീഷന്‍ പോലീസ് മേധാവിയോട് ആവശ്യപ്പെട്ടിരുന്നു. യതീഷ് ചന്ദ്രയെ ശാസിക്കാന്‍ സാധ്യതയുണ്ടെന്നാണ് വിവരം. ഡിജിപി നല്‍കുന്ന റിപ്പോര്‍ട്ട് കണ്ണൂരിലെ സിറ്റിങില്‍ പരിഗണിക്കുമെന്നാണ് മനുഷ്യാവകാശ കമ്മീഷന്‍ അറിയിച്ചിരിക്കുന്നത്.

എണ്ണവില 17 വര്‍ഷത്തെ ഇടിവില്‍; ഇന്ത്യയില്‍ കുറച്ചത് 10 പൈസ, രക്ഷപ്പെടാന്‍ കൈവിട്ട കളിക്ക് റിലയന്‍സ്എണ്ണവില 17 വര്‍ഷത്തെ ഇടിവില്‍; ഇന്ത്യയില്‍ കുറച്ചത് 10 പൈസ, രക്ഷപ്പെടാന്‍ കൈവിട്ട കളിക്ക് റിലയന്‍സ്

അമേരിക്കയില്‍ മൃതദേഹങ്ങള്‍ കുമിഞ്ഞുകൂടുമെന്ന് ട്രംപ്; രണ്ടാഴ്ച കഷ്ടകാലം, ഇന്നലെ മാത്രം 518 മരണംഅമേരിക്കയില്‍ മൃതദേഹങ്ങള്‍ കുമിഞ്ഞുകൂടുമെന്ന് ട്രംപ്; രണ്ടാഴ്ച കഷ്ടകാലം, ഇന്നലെ മാത്രം 518 മരണം

English summary
Kannur Police punishment; Inquiry report against SP Yathish Chandra
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X