ശോഭായാത്രയ്ക്ക് ബദലായി സിപിഎം ഘോഷയാത്ര! കണ്ണൂരിൽ സംഘർഷ സാദ്ധ്യത! എല്ലാം സിപിഎമ്മിനെന്ന് ആർഎസ്എസ്...
മഹത്ജന്മങ്ങൾ മാനവനന്മയ്ക്ക് എന്ന പേരിലാണ് സിപിഎമ്മും അതേദിവസം ഘോഷയാത്ര നടത്തുമെന്ന് പ്രഖ്യാപിച്ചിരിക്കുന്നത്.
കണ്ണൂർ: ശ്രീകൃഷ്ണ ജയന്തി ദിനത്തിൽ ബാലഗോകുലം സംഘടിപ്പിക്കുന്ന ശോഭായാത്രയ്ക്ക് ബദലായി സിപിഎമ്മും ഘോഷയാത്ര നടത്തുമെന്ന് പ്രഖ്യാപിച്ചതോടെ കണ്ണൂരിൽ സംഘർഷ സാദ്ധ്യത. ഒരേദിവസം സിപിഎമ്മിന്റെയും ബിജെപിയുടെയും ഘോഷയാത്രകൾ സംഘടിപ്പിക്കുന്നത് സംഘർഷത്തിന് വഴിവെച്ചേക്കുമെന്ന് ഇന്റലിജൻസും റിപ്പോർട്ട് നൽകിയിട്ടുണ്ട്.
ലോകത്തെ ഏറ്റവും വിലകൂടിയ കാർ ഇനി മലയാളിക്കും സ്വന്തം! ഒമാനിൽ ആദ്യം! ഉപ്പളക്കാരൻ അബ്ദുൾ ലത്തീഫ്...
താലിക്കെട്ടിന് വധു എത്തിയപ്പോൾ വരൻ അലറി വിളിച്ചു! വരനെ വേണ്ടെന്ന് വധുവും... സംഭവം വിതുരയിൽ...
സെപ്റ്റംബർ 12 ചൊവ്വാഴ്ചയാണ് ശ്രീകൃഷ്ണ ജയന്തി ആഘോഷം. ബാലഗോകുലത്തിന്റെ നേതൃത്വത്തിലാണ് ബിജെപി ശോഭായാത്ര സംഘടിപ്പിക്കുന്നത്. മഹത്ജന്മങ്ങൾ മാനവനന്മയ്ക്ക് എന്ന പേരിലാണ് സിപിഎമ്മും അതേദിവസം ഘോഷയാത്ര നടത്തുമെന്ന് പ്രഖ്യാപിച്ചിരിക്കുന്നത്. അതേസമയം, കണ്ണൂരിൽ സമാധാനന്തരീക്ഷം തകർന്നാൽ ഉത്തരവാദി സിപിഎമ്മും പോലീസും മാത്രമായിരിക്കുമെന്ന് ആർഎസ്എസ് ജില്ലാ നേതൃത്വം വ്യക്തമാക്കിയിട്ടുണ്ട്.
മൂന്നാം വർഷം...
ഇത് തുടർച്ചയായ മൂന്നാം വർഷമാണ് സിപിഎമ്മിന്റെ നേതൃത്വത്തിൽ കണ്ണൂരിൽ ഘോഷയാത്ര സംഘടിപ്പിക്കുന്നത്. ശ്രീകൃഷ്ണ ജയന്തി ആഘോഷം ആർഎസ്എസ് ഹൈജാക്ക് ചെയ്യുന്നത് തടയാനാണ് സിപിഎമ്മും അതേദിവസം മറ്റൊരു പേരിൽ പരിപാടി സംഘടിപ്പിക്കുന്നത്.
ആർഎസ്എസ്...
മഹത്ജന്മങ്ങൾ മാനവനന്മയ്ക്ക് എന്ന പേരിലാണ് സിപിഎം പരിപാടി സംഘടിപ്പിക്കുന്നത്. അതേസമയം, സിപിഎം പരിപാടിക്കെതിരെ ആർഎസ്എസും ബിജെപിയും രംഗത്തെത്തിയിട്ടുണ്ട്.
ഉത്തരവാദി...
ബാലഗോകുലത്തിന്റെ ശോഭായാത്രയ്ക്ക് ബദലായി ഘോഷയാത്ര സംഘടിപ്പിക്കാനുള്ള സിപിഎമ്മിന്റെ തീരുമാനം സംഘർഷം സൃഷ്ടിക്കാനുള്ള ശ്രമമാണെന്നാണ് ആർഎസ്എസ് പറയുന്നത്. കണ്ണൂരിലെ സമാധാനം തകർന്നാൽ സിപിഎമ്മും പോലീസും മാത്രമായിരിക്കും ഉത്തരവാദികളെന്നും ആർഎസ്എസ് ജില്ലാ നേതാക്കൾ കഴിഞ്ഞദിവസം വ്യക്തമാക്കിയിരുന്നു.
അനുമതി നൽകുന്നില്ലെന്ന്...
ബാലഗോകുലത്തിന്റെ നേതൃത്വത്തിൽ എല്ലാ വർഷവും ശോഭായാത്ര സംഘടിപ്പിക്കാറുണ്ട്. എന്നാൽ, ഇത്തവണ അതേദിവസം തന്നെ സിപിഎമ്മും പരിപാടി നടത്തുന്നുണ്ടെന്ന് പറഞ്ഞ് പോലീസ് ബാലഗോകുലത്തിന്റെ ശോഭായാത്രയ്ക്ക് അനുമതി നൽകുന്നില്ലെന്നും ആർഎസ്എസ് നേതാക്കൾ ആരോപിച്ചു.
അതൊന്നും വിലപോകില്ല...
പോലീസിനെ ഉപയോഗിച്ച് ശോഭായാത്രയുടെ ശോഭ കെടുത്താനാണ് സിപിഎമ്മിന്റെ ശ്രമമെന്നും, എന്നാൽ അതൊന്നും വിലപ്പോകില്ലെന്നും ആർഎസ്എസ് നേതാക്കൾ വാർത്താസമ്മേളനത്തിൽ പറഞ്ഞു.
വസ്തുതാ വിരുദ്ധമെന്ന്...
എന്നാൽ, ബാലഗോകുലത്തിന്റെ ശോഭായാത്ര തടസപ്പെടുത്താൻ സിപിഎം ശ്രമിക്കുന്നുവെന്ന ആർഎസ്എസിന്റെ ആരോപണം വസ്തുതാവിരുദ്ധമാണെന്നാണ് സിപിഎം കണ്ണൂർ ജില്ലാ സെക്രട്ടറി പി ജയരാജൻ പ്രതികരിച്ചത്.
സുരക്ഷ...
സിപിഎമ്മിന്റെയും ബാലഗോകുലത്തിന്റെയും പരിപാടികൾ ഒരേദിവസം നടക്കുന്നതിനാൽ കണ്ണൂർ ജില്ലയിൽ പോലീസ് കനത്ത സുരക്ഷ ഏർപ്പെടുത്തിയിട്ടുണ്ട്. സംഘർഷ സാദ്ധ്യതയുണ്ടെന്ന ഇന്റലിജൻസ് റിപ്പോർട്ടിനെ തുടർന്നാണ് സുരക്ഷ വർദ്ധിപ്പിച്ചിരിക്കുന്നത്.