ഷുഹൈബിനെ കൊലപ്പെടുത്തിയവരെ സിപിഎം പുറത്താക്കും! കണ്ണൂർ നേതൃത്വത്തിന് കർശന നിർദേശം...
മട്ടന്നൂർ ഷുഹൈബ് വധക്കേസ് പാർട്ടിയെ പ്രതിരോധത്തിലാക്കിയ സന്ദർഭത്തിലാണ് തൃശൂരിൽ സംസ്ഥാന സമ്മേളനത്തിനും തുടക്കമായിരിക്കുന്നത്.
തൃശൂർ: സംസ്ഥാന സമ്മേളനം തുടങ്ങിയ സാഹചര്യത്തിൽ മട്ടന്നൂർ ഷുഹൈബ് വധത്തിലെ പ്രതിഷേധം തണുപ്പിക്കാൻ സിപിഎം സംസ്ഥാന നേതൃത്വത്തിന്റെ ഇടപെടൽ. ഷുഹൈബ് വധക്കേസിൽ ഉൾപ്പെട്ട പ്രവർത്തകരെ പാർട്ടിയിൽ നിന്ന് പുറത്താക്കാൻ സിപിഎം തീരുമാനമെടുത്തു. എന്നാൽ സമ്മേളനം കഴിഞ്ഞതിന് ശേഷം മാത്രമേ നടപടിയുണ്ടാകുവെന്നാണ് സൂചന.
മട്ടന്നൂർ ഷുഹൈബ് വധക്കേസ് പാർട്ടിയെ പ്രതിരോധത്തിലാക്കിയ സന്ദർഭത്തിലാണ് തൃശൂരിൽ സംസ്ഥാന സമ്മേളനത്തിനും തുടക്കമായിരിക്കുന്നത്. സംസ്ഥാന സമ്മേളന വേദിയിൽ ഷുഹൈബ് വധം ചർച്ചയ്ക്ക് വരുമെന്നും സൂചനയുണ്ട്. ഈ സാഹചര്യത്തിലാണ് പ്രവർത്തകരെ പാർട്ടിയിൽ നിന്ന് പുറത്താക്കി തൽക്കാലം മുഖംരക്ഷിക്കാൻ സിപിഎം തീരുമാനിച്ചതെന്നാണ് വിലയിരുത്തൽ.
നിർദേശം...
മട്ടന്നൂർ ഷുഹൈബ് വധക്കേസിൽ അറസ്റ്റിലായ സിപിഎം പ്രവർത്തകരായ ആകാശ് തില്ലങ്കേരി, റിജിൻ രാജ് എന്നിവരെ പാർട്ടിയിൽ നിന്ന് പുറത്താക്കാനാണ് സിപിഎമ്മിന്റെ തീരുമാനം. ഇതുസംബന്ധിച്ച് സിപിഎം സംസ്ഥാന നേതൃത്വം ജില്ലാ നേതൃത്വത്തിന് നിർദേശം നൽകിയെന്നാണ് റിപ്പോർട്ട്.
സമ്മേളനത്തിന് ശേഷം...
എന്നാൽ തൃശൂരിൽ സംസ്ഥാന സമ്മേളനം നടക്കുന്ന സാഹചര്യത്തിൽ സമ്മേളനം അവസാനിച്ചതിന് ശേഷം മാത്രമേ നടപടിയുണ്ടാകുകയുള്ളു. ഷുഹൈബ് വധം സംസ്ഥാന സമ്മേളനത്തിൽ ചർച്ചയ്ക്ക് വന്നാൽ പ്രവർത്തകരെ പുറത്താക്കാൻ തീരുമാനിച്ചതായുള്ള മറുപടി നൽകുമെന്നാണ് സൂചന.
പിണറായി...
അതിനിടെ, വ്യാഴാഴ്ച സംസ്ഥാന സമ്മേളനം ആരംഭിക്കുന്നതിന് മുൻപ് മുഖ്യമന്ത്രി പിണറായി വിജയൻ കണ്ണൂരിലെ നേതാക്കളുമായി കൂടിക്കാഴ്ച നടത്തിയിരുന്നു. ഈ കൂടിക്കാഴ്ചയിൽ ഷുഹൈബ് വധത്തിൽ മുഖ്യമന്ത്രി പിണറായി വിജയൻ ജില്ലാ സെക്രട്ടറി പി ജയരാജനോട് അതൃപ്തി പ്രകടിപ്പിച്ചെന്നാണ് റിപ്പോർട്ട്.
പ്രതികൾ...
അതേസമയം, മട്ടന്നൂർ ഷുഹൈബ് വധക്കേസിൽ ഇതുവരെ രണ്ടുപേരെ മാത്രമാണ് പോലീസ് പിടികൂടിയത്. ഡിവൈഎഫ്ഐ പ്രവർത്തകരായ നാല് പേർ കൂടി ഇനിയും പിടിയിലാകാനുണ്ടെന്നാണ് സൂചന. എന്നാൽ സംഭവം നടന്ന് ഒരാഴ്ച പിന്നിട്ടിട്ടും മുഴുവൻ പ്രതികളെയും പിടികൂടാൻ സാധിക്കാത്തത് പ്രതിഷേധത്തിന് കാരണമായിട്ടുണ്ട്.
പാർട്ടി അംഗമെന്ന്...
ഷുഹൈബ് വധക്കേസിൽ അറസ്റ്റിലായ ആകാശ് തില്ലേങ്കരി പാർട്ടി അംഗമാണെന്ന് കണ്ണൂർ ജില്ലാ സെക്രട്ടറി പി ജയരാജൻ കഴിഞ്ഞദിവസം സമ്മതിച്ചിരുന്നു. കണ്ണൂരിലെ സമാധാനയോഗം പിരിഞ്ഞതിന് ശേഷം മാധ്യമങ്ങളോട് സംസാരിക്കുന്നതിനിടെയായിരുന്നു ജയരാജന്റെ പ്രസ്താവന.
അന്വേഷിക്കും...
ഷുഹൈബിനെ കൊലപ്പെടുത്തിയതിൽ ആകാശ് തില്ലങ്കേരി ഉൾപ്പെട്ടിട്ടുണ്ടോ എന്ന കാര്യം പാർട്ടി അന്വേഷിക്കുമെന്നും പി ജയരാജൻ കഴിഞ്ഞദിവസം വ്യക്തമാക്കി. സംഭവത്തിൽ പോലീസ് നടത്തുന്ന അന്വേഷണത്തെക്കുറിച്ച് പാർട്ടി പരിശോധിക്കുമെന്നും അദ്ദേഹം മാധ്യമങ്ങളോട് പറഞ്ഞിരുന്നു.
കൂടുതൽ വാർത്തകൾ:
-
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം
Click it and Unblock the Notifications
Sign in with Google