കര്ണാടകയ്ക്കും അറിയണം, കേരളം കോവിഡിനെ പിടിച്ചു കെട്ടിയ മാര്ഗ്ഗം; ഷൈലജയുമായി സംസാരിച്ച് കെ സുധാകര്
തിരുവനന്തപുരം: കോവിഡ്-19 പ്രതിരോധ പ്രവര്ത്തനങ്ങളില് കേരളം കൈവരിച്ച വിജയവും പ്രതിരോധ സംവിധാനങ്ങളും മനസിലാക്കാനായി കര്ണാടക ആരോഗ്യ വിദ്യാഭ്യാസ വകുപ്പ് മന്ത്രി ഡോ. കെ. സുധാകര് വീഡിയോ കോണ്ഫറന്സ് വഴി ചര്ച്ച നടത്തിയതായി ആരോഗ്യ വകുപ്പ് മന്ത്രി കെകെ ശൈലജ അറിയിച്ചു.
Recommended Video
കോവിഡ് പ്രതിരോധത്തില് കേരളം നടത്തിയ പ്രവര്ത്തനങ്ങള് ഇന്ത്യയ്ക്കും ലോകത്തിനും തന്നെ മാതൃകയാണെന്ന് കെ. സുധാകര് അഭിപ്രായപ്പെടാതായി മന്ത്രി പറഞ്ഞു. കര്ണാടകത്തെ അപേക്ഷിച്ച് കേരളം പൊതുജനാരോഗ്യ രംഗത്ത് ഏറെ മുന്നിലാണ്. കേരളത്തിന്റെ പ്രാഥമികാരോഗ്യ സംവിധാനങ്ങള് വളരെ മികച്ചതാണെന്നും സുധാകര് വ്യക്തമാക്കിയെന്ന് ആരോഗ്യ മന്ത്രി ഫേസ്ബുക്കില് കുറിച്ചു. ശൈലജ ടീച്ചറുടെ ഫേസ്ബുക്ക് കുറിപ്പിന്റെ പൂര്ണ്ണ രൂപം ഇങ്ങനെ..
ചര്ച്ച
കോവിഡ്-19 പ്രതിരോധ പ്രവര്ത്തനങ്ങളില് കേരളം കൈവരിച്ച വിജയവും പ്രതിരോധ സംവിധാനങ്ങളും മനസിലാക്കാനായി കര്ണാടക ആരോഗ്യ വിദ്യാഭ്യാസ വകുപ്പ് മന്ത്രി ഡോ. കെ. സുധാകര് വീഡിയോ കോണ്ഫറന്സ് വഴി ചര്ച്ച നടത്തി. കോവിഡ് പ്രതിരോധത്തില് കേരളം നടത്തിയ പ്രവര്ത്തനങ്ങള് ഇന്ത്യയ്ക്കും ലോകത്തിനും തന്നെ മാതൃകയാണെന്ന് കെ. സുധാകര് പറഞ്ഞു.
അഭിനന്ദനം
കര്ണാടകത്തെ അപേക്ഷിച്ച് കേരളം പൊതുജനാരോഗ്യ രംഗത്ത് ഏറെ മുന്നിലാണ്. കേരളത്തിന്റെ പ്രാഥമികാരോഗ്യ സംവിധാനങ്ങള് വളരെ മികച്ചതാണ്. കോവിഡ് പ്രതിരോധത്തില് നടത്തുന്ന മികച്ച പ്രവര്ത്തനങ്ങളില് കേരളത്തെ അഭിനന്ദിക്കുന്നതായും ഡോ. കെ. സുധാകര് വ്യക്തമാക്കി. കോവിഡ്-19 പ്രതിരോധത്തിനായി കര്ണാടക നല്ല രീതിയില് പ്രവര്ത്തിക്കുന്നുണ്ട്.
80 ശതമാനവും സ്വകാര്യ ആശുപത്രികള്
നിരവധി വന്കിട ആശുപത്രികള് കര്ണാടകയില് ഉണ്ടെന്നത് സഹായകരമാണ്. കര്ണാടകയില് 80 ശതമാനവും സ്വകാര്യ ആശുപത്രികളാണ്. എന്നാല് പല സ്വകാര്യ ആശുപത്രികളും തുറന്ന് പ്രവര്ത്തിക്കാന് വിസമ്മതിക്കുന്നത് പ്രതിസന്ധിയുണ്ടാകുന്നു. കേരളത്തില് മരണ നിരക്ക് കുറയ്ക്കാനായത് വലിയ നേട്ടമാണെന്നും ഡോ. കെ. സുധാകര് പറഞ്ഞു.
ചികിത്സാ രീതികള്
കേരളം
അനുവര്ത്തിക്കുന്ന
ചികിത്സാ
രീതികളെ
കുറിച്ച്
മന്ത്രി
അന്വേഷിച്ചു.
പ്രതിരോധ
പ്രവര്ത്തനങ്ങള്,
പരിശോധനകള്,
ജീവനക്കാരുടെ
പരിശീലനം,
സുരക്ഷാ
മാര്ഗങ്ങള്,
വീട്ടിലെ
നിരീക്ഷണം,
ഐസൊലേഷന്
വാര്ഡ്
സജ്ജീകരണം,
ഉപകരണങ്ങളുടെ
ലഭ്യത,
ഭാവി
പ്രവര്ത്തനങ്ങള്
എന്നീ
കാര്യങ്ങളും
ചര്ച്ച
ചെയ്തു.
വീണ്ടും ബന്ധപ്പെടുന്നത്
വീണ്ടും ഇത്തരം വീഡിയോ കോണ്ഫറന്സ് നടത്താന് താത്പര്യമുണ്ടെന്നും കേരളത്തിന്റെ പ്രവര്ത്തനങ്ങളറിയാന് ആഗ്രഹമുണ്ടെന്നും മന്ത്രി ഡോ. കെ. സുധാകര് സൂചിപ്പിച്ചു. കോവിഡ് പ്രതിരോധത്തിന്റെ ഒന്നാം ഘട്ടത്തില് തെലുങ്കാന, ഒഡീഷ, ഡല്ഹി, കര്ണാടക, രാജസ്ഥാന് എന്നീ സംസ്ഥാനങ്ങള് കേരളം സ്വീകരിച്ച നടപടികള് സസൂക്ഷ്മം പഠിച്ചിരുന്നു. അതിന് പിന്നാലെയാണ് കര്ണാടക വീണ്ടും ബന്ധപ്പെടുന്നത്.
ഖത്തറിന്റെ അതൃപ്തിക്ക് കാരണം പ്രവാസികളില് നിന്ന് പണം വാങ്ങിയത്: വിമാനം റദ്ദാക്കിയതില് വിശദീകരണം
കടുത്ത നടപടികള് സ്വീകരിച്ച് സൗദി: ഒറ്റയടിക്ക് വര്ധിപ്പിച്ചത് 2 മടങ്ങ്, സഹായങ്ങളും നിര്ത്തലാക്കി