കാര്യവട്ടം ക്യാമ്പസിലെ വിദ്യാർത്ഥികൾ ക്ലാസ്സ് ബഹിഷ്കരിച്ചു പ്രതിഷേധിച്ചു

കഴക്കൂട്ടം: കാര്യവട്ടം ക്യാമ്പസിലെ എം എസ് ഡബ്ലിയു വിദ്യാർത്ഥികൾ ക്ലാസ്സ് ബഹിഷ്കരിച്ചു പ്രതിഷേധിച്ചു.കോൺട്രാക്റ്റ് അധ്യാപകർ വിദ്യാർത്ഥികളെ മാനസികമായി പീഠിപ്പിക്കുകയും, ഡിപ്പാർട്ട്മെന്റിൽ വരാതെ ഒപ്പിട്ട് ശമ്പളം വാങ്ങുന്നത് പല തവണ പ്രധാന അധ്യാപികയുടെ ശ്രദ്ധയിൽ പെടുത്തിയിട്ടു നടപടി എടുക്കാത്തതിനെ തുടർന്നാണ് വിദ്യാർത്ഥികൾ പ്രതിഷേധിച്ചത്.

വിദ്യാർത്ഥികളുടെ കയ്യിൽ നിന്ന് പാഠ്യപദ്ധതിയുടെ ഭാഗമായിട്ടുള്ള ൈട്രബൽ ക്യാമ്പുകളുടെ പേരിൽ അനധികൃത പണപ്പിരിവു നടത്തുകയും പിന്നീട് ക്യാമ്പിന്റെ ചുമതലയുള്ള അധ്യാപിക ക്യാമ്പിൽ നിന്ന് മുന്നറിയിപ്പ് കൂടാതെ വിട്ടു നിന്നതായും വിദ്യാർത്ഥികൾ പറയുന്നു.

വിദ്യാർത്ഥികളെ ഡിപ്പാർട്ട്മെനെറ്റിന്റെ പുറത്തുള്ള സ്വകാര്യ എൻ .ജി ഓ ,പരിപാടികളിൽ പങ്കെടുക്കാൻ നിർബന്ധിക്കുകയും ചെയ്ത സംഭവങ്ങളുണ്ട്. സർവകലാശാല കാമ്പസിലെ പല ഡിപ്പാർട്മെന്റിലും മതിയായ യോഗ്യത ഇല്ലാത്ത കോൺട്രാക്‌റ്റ് അധ്യാപകരാണ് പഠിപ്പിക്കുന്നത് ,പി.ജി പഠനകാലയവിൽ തന്നെ യു ജി സി നെറ്റ് നേടുന്ന വിദ്യാർത്ഥികളെ പി.ജി യോഗ്യത ഉള്ള അധ്യാപകരാണ് പല ഡിപ്പാർട്ട്മെൻറിലും പടിപ്പിക്കുന്നത്. യൂണിയൻ ഭാരവാഹികളുടെ നേത്രിത്യത്തിൽ നടന്ന ചർച്ചയിൽ അധ്യാപകർക്ക് എതിരെ അച്ചടക്കനടപടി എടുക്കാം എന്ന ഉറപ്പിന് മേൽ സമരം അവസാനിച്ചു.

English summary

karyavattam campus students boycotted class