Click it and Unblock the Notifications
Just In
Don't Miss
-
'ഇനിയൊരു വിവാഹം കഴിക്കാൻ താൽപര്യമുണ്ട്, മകനുള്ളതുകൊണ്ട് മടിച്ച് നിൽക്കുന്നു, 50 വയസായിട്ട് ഇനി ചിന്തിക്കാം' -
T20 World Cup: ഡികെയ്ക്ക് ഇനിയും അവസരം കൊടുക്കണ്ട! യോഗ്യരായ യുവാക്കള് പുറത്തുണ്ട്; തുറന്നടിച്ച് മുന് താരം -
മഹാവ്യാധിയും ദുരിതവും അകറ്റാന് ശക്തി തരും കേതു: കലഹം, ദാരിദ്ര്യം, രോഗം പരിഹാരം ഇതെല്ലാം -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ? -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
മനോജ് വധം; സിപിഎം നേതാവ് അടക്കം 3 പേര്‍ അറസ്റ്റില്‍
കണ്ണൂര്‍: കതിരൂര്‍ ആര്‍.എസ്.എസ്. നേതാവ് മനോജിനെ കൊലപ്പെടുത്തിയകേസില്‍ മൂന്നു പേരെ സിബിഐ അറസ്റ്റ് ചെയ്തു. മീത്തലെ നച്ചിപ്പറമ്പത്ത് പൂവാടന്‍ വിജേഷ് എന്ന വിജു (31), സി.പി.എം. കുണ്ടേരിപ്പൊയില്‍ മുന്‍ബ്രാഞ്ച് സെക്രട്ടറി തോലമ്പ്ര താച്ചിയാട്ട് കുന്നുമ്മല്‍ സിനില്‍ (28), മാലൂര്‍ കാവിന്‍മൂലയിലെ പറമ്പത്ത് റിജു (27) എന്നിവരെയാണ് അറസ്റ്റ്‌ചെയ്തത്.
സി.ബി.ഐ. ഡിവൈ.എസ്.പി. ഹരി ഓംപ്രകാശിന്റെ നേതൃത്വത്തിലുള്ള സംഘമാണ് ഇവരെ അറസ്റ്റ് ചെയ്തത്. പ്രതികളെ എറണാകുളം സിബിഐ കോടതിയില്‍ ഹാജരാക്കും. ഇതോടെ കേസില്‍ ആകെ പതിനൊന്നുപേര്‍ അറസ്റ്റിലായി. നേരത്തെ കേസില്‍ അറസ്റ്റിലായ മാലൂര്‍ സ്വദേശിയും സി.പി.എം. മുന്‍ബ്രാഞ്ച് സെക്രട്ടറിയുമായ തരിപ്പയില്‍ പ്രഭാകരന്റെ മൊഴി പ്രകാരമാണ് ഇവര്‍ അറസ്റ്റിലായത്.
ക്രൈംബ്രാഞ്ച് അന്വേഷിച്ചിരുന്ന കേസ് സിബിഐയ്ക്ക് കൈമാറുമ്പോള്‍ നല്‍കിയിരുന്ന റിപ്പോര്‍ട്ടില്‍ സൂചിപ്പിച്ചിരുന്ന പ്രതികളാണ് മൂവരും. കൊലപാതകത്തില്‍ ഇവര്‍ക്ക് നേരിട്ട് പങ്കുണ്ടെന്നാണ് സൂചന. മുഖ്യപ്രതിയായ വിക്രമനെ കൊലപാതത്തിനിടെ സഹായിച്ചത് ഇവരാണെന്ന് ക്രൈംബ്രാഞ്ച് നേരത്തെ കണ്ടെത്തിയിരുന്നു.
കേസ് സിബിഐ ഏറ്റെടുത്തശേഷമുള്ള ആദ്യ അറസ്റ്റാണ് ഇപ്പോള്‍ രേഖപ്പെടുത്തിയിരിക്കുന്നത്. ക്രൈംബ്രാഞ്ചിന്റെ കേസ് ഡയറി പ്രകാരമാണ് സിബിഐയും കേസ് മുന്നോട്ടു കൊണ്ടുപോകുന്നത്. അതേസമയം, സിപിഎമ്മിന്റെ മുതിര്‍ന്ന നേതാക്കള്‍ക്ക് കേസില്‍ പങ്കുണ്ടോ എന്ന കാര്യത്തില്‍ സിബിഐയ്ക്ക് ഇതുവരെ തെളിവൊന്നും ലഭിച്ചിട്ടില്ലെന്നാണ് വിവരം.
