പറവൂരില് വിഡി സതീശനെ താഴെയിറക്കണം; ഇടതുപക്ഷം വജ്രായുധം പുറത്തെടുക്കുമോ, സാധ്യതകള് ഇങ്ങനെ
തിരുവനന്തപുരം: നടക്കാനിരിക്കുന്ന നിയസഭ തിരഞ്ഞെടുപ്പില് തുടര്ഭരണത്തില് കുറുവൊന്നും എല്ഡിഎഫ് പ്രതീക്ഷിക്കുന്നില്ല. മുഖ്യമന്ത്രി പിണറായി വിജയന്റെ നേതൃത്വത്തിലുള്ള സര്ക്കാരിന്റെ പ്രവര്ത്തനങ്ങള് ഉയര്ത്തിക്കാട്ടി തിരഞ്ഞെടുപ്പില് വിജയം കൊയ്യാമേന്നാണ് ഇടത് പ്രതീക്ഷ. എന്നാല് ഇത്തവണ അധികാരം പിടിച്ചെടുക്കണമെന്ന ഉറച്ച തീരുമാനത്തിലാണ് യുഡിഎഫ് നേതൃത്വവും.
അതേസമയം, ഇത്തവണ പരമാവധി യുഡിഎഫ് കോട്ടകള് പിടിച്ചെടുത്ത് അധികാരം ഉറപ്പിക്കാനാണ് ഇടത് നീക്കം. ഇതിനായി യുഡിഎഫ് സീറ്റ് പിടിച്ചെടുക്കാന് ശക്തരായ സ്ഥാനാര്ത്ഥികളെ ഇടതുപക്ഷം രംഗത്തിറക്കും. പറവൂരില് വിഡി സതീശനെ താഴെയിറക്കാനും എല്ഡിഎഫ് വമ്പന് പദ്ധതികലാണ് അവിഷ്കരിക്കുന്നത്.
തോല്ക്കുന്ന മണ്ഡലം
കാലങ്ങളായി ഇടതുപക്ഷം തോല്ക്കുന്ന മണ്ഡലമാണ് പറവൂര്. എല്ഡിഎഫിന് വേണ്ടി ഇവിടെ സിപിഐയാണ് മത്സരിക്കുന്നത്. 2001 മുതല് പറവൂരില് സ്ഥിരമായി വിജയം വിഡി സതീശനൊപ്പമായിരുന്നു. എന്നാല് ഇത്തവണത്തെ തിരഞ്ഞെടുപ്പില് വിഡി സതീശനെ താഴെയിറക്കാനുള്ള നീക്കമാണ് ഇടത് ക്യാമ്പില് സജീവമായി നടക്കുന്നത്.
അഞ്ചാം അംഗത്തിന്
കോണ്ഗ്രസിലെ ഗ്ലാമര് എംഎഎല്എയാണ് വിഡി സതീശന്. അതികൊണ്ട് തന്നെ ഇത്തവണ പറവൂര് മണ്ഡലത്തില് അഞ്ചാം അംഗത്തിന് ഒരുങ്ങുകയാണ് സതീശന്. ഇത്തവണ യുഡിഎഫ് സര്ക്കാര് അധികാരത്തിലേറിയാല് സതീശന് ധനമന്ത്രിയാകുമെന്ന സൂചനയും പുറത്തുവരുന്നുണ്ട്. സാമ്പത്തിക കാര്യങ്ങള് സമര്ത്ഥമായി കൈകാര്യം ചെയ്യാനാവുന്ന നേതാവാണ് വിഡി സതീശന്.
മത്സരിക്കുന്നത് 2001ല്
എറണാകുളം മരട് സ്വദേശിയായ സതീശന് 2001ലാണ് പറവൂരില് മത്സരിക്കുന്നത്. സിപിഐയിലെ കെ എം ദിനകരനായിരുന്നു അന്നത്തെ എതിരാളി. 7792 വോട്ടിന്റെ ഭൂരിപക്ഷത്തിലായിരുന്നു വിഡി സതീശന് പറവൂരില് വിജയക്കൊടി പാറിച്ചത്. 2006ലും ദിനകരനെ തോല്പ്പിച്ചതോടെ 2011ലും 2016ലും വിജയം സതീശനൊപ്പമായി.
മികവ്
ഏത് വിഷയവും ആഴത്തില് പഠിക്കുകയും നിയമസഭയിലും പുറത്തുമായി സമര്ത്ഥമായി അവതരിപ്പിക്കാന് കഴിയും എന്നതാണ് സതീശന്റെ ഏറ്റവും വലിയ മികവ്. എല്ലാ വിഭാഗങ്ങളുമായി വച്ചുപുലര്ത്തുന്ന അടുപ്പവും സതീശന് ഗുണകരമാകുന്നതാണ്. കഴിഞ്ഞ തിരഞ്ഞെടുപ്പില് ഭൂരിപക്ഷം വര്ദ്ധിപ്പിച്ചതും പറവൂരില് വിഡി സതീശന് കൂടുതല് ആത്മവിശ്വാസം നല്കുന്നു.
ഇടത് നീക്കം
എന്നാല് ഇത്തവണ മണ്ഡലത്തില് വിജയക്കൊടി പാറിക്കാന് വമ്പന് പദ്ധതികളാണ് എല്ഡിഎഫ് നടത്തുന്നത്. കാലങ്ങളായി സിപിഐ മത്സരിക്കുന്ന പറവൂര് ഇത്തവണ സിപിഎം ഏറ്റെടുക്കാനുള്ള സാധ്യതയുണ്ട്. പറവൂരിന് പകരം പിറവം സീറ്റ് സിപിഐക്ക് നല്കാനാണ് ഇടത് പദ്ധതി. മണ്ഡലത്തില് സിപിഎമ്മിനെ നിര്ത്തി ശക്തമായ വെല്ലുവിളി ഉയര്ത്തുകയാണ് ലക്ഷ്യം.
സിപിഐ ആഗ്രഹിക്കുന്നില്ല
എന്നാല് പറവൂര് സീറ്റ് കൈമാറാന് സിപിഐക്ക് താല്പര്യമില്ലെന്നാണ് സൂചന. ഇത്തരം ചര്ച്ചകള് ഇതുവരെ നടന്നിട്ടില്ലെന്ന നിലപാടിലാണ് ജില്ലാ േേനതൃത്വം. ലോക്സഭ, തദ്ദേശ തിരഞ്ഞെടുപ്പില് എല്ഡിഎഫ് മുന്നിലെത്തിയത് കണക്കിലെടുത്താണ് ഇടതുനീക്കം. സീറ്റ് സിപിഎമ്മിന് കൈമാറിയാല് അറിയപ്പെടുന്ന നേതാവിനെ പരിഗണിക്കാന് പാര്ട്ടി തയ്യാറായേക്കും.
സിപിഎം മത്സരിച്ചാല്
വിഡി സതീശനെതിരെ സിപിഎം മത്സരിച്ചാല് മത്സരം കടുക്കുമെന്ന കാര്യത്തില് സംശയമില്ല. പ്രളയ പുനരധിവാസത്തിന് സതീശന്റെ നേതൃത്വത്തില് ആരംഭിച്ച പുനര്ജനി പദ്ധതിക്ക് നിയമവിരുദ്ധമായി വിദേശ സഹായം സ്വീകരിച്ചെന്ന പരാതി ഉള്പ്പടെ പ്രചാരണ വിഷയമാക്കാനാണ് സിപിഎം കണക്കുകൂട്ടുന്നത്.
യുഡിഎഫ് കണക്കൂകൂട്ടല്
മണ്ഡലത്തില് വിഡി സതീശന്റെ നേതൃത്വത്തില് നടത്തിയ വികസന പ്രവര്ത്തനങ്ങള് വോട്ടാകുമെന്നാണ് യുഡിഎഫിന്റെ ഉറച്ച വിശ്വാസം. ഡിസിസി ഭാരവാഹിത്വം മുതല് കെപിസിസി വൈസ് പ്രസിഡന്റ് പദവി വരെ വഹിച്ച സതീശന്റെ ജനകീയതയും ഗുണം ചെയ്യുമെന്നാണ് യുഡിഎഫ് കണക്കൂട്ടല്.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google