നേമത്ത് പ്രിയങ്ക ഗാന്ധി എത്തിയില്ല; ഇടഞ്ഞ് കെ മുരളീധരൻ.. കെപിസിസിയും ഇടപെടുന്നില്ലെന്ന് പരാതി

തിരുവനന്തപുരം; കേരളത്തിൽ പ്രചരണത്തിനെത്തിയ പ്രിയങ്ക ഗാന്ധി നേമത്ത് പ്രചരണത്തിന് എത്താതിരുന്നതിൽ അതൃപ്തിയറിച്ച് കെ മുരളീധരൻ. പ്രിയങ്ക എത്താതിരുന്നതിനാൽ ഇന്നലെ നേമത്ത് റോഡ് ഷോ നടന്നിരുന്നില്ല. ഇതോടെ പ്രിയങ്കയെ നേരിട്ട് കണ്ടാണ് മുരളീധരൻ അതൃപ്തി പ്രകടിപ്പിച്ചത്. ഇതോടെ ഏപ്രിൽ മൂന്നിന് കേരളത്തിൽ എത്താമെന്ന് പ്രിയങ്ക മുരളീധരന് ഉറപ്പ് നൽകി.

വെഞ്ഞാറമൂട്, കാട്ടാക്കട, അതിന് ശേഷം പൂജപ്പുരയിൽ നേമത്തെ സ്ഥാനാർത്ഥി കെ മുരളീധരന് വേണ്ടിയും വട്ടിയൂർക്കാവിലെ യുഡിഎഫ് സ്ഥാനാർത്ഥി വീണ നായർക്കൊപ്പവും റോഡ് ഷോ എന്നിങ്ങനെയായിരുന്നു പ്രിയങ്ക ഗാന്ധിയുടെ പ്രചരണ പരിരാടികൾ ആദ്യം തിരുമാനിച്ചിരുന്നത്. എന്നാൽ സമയക്കുറവ് മൂലം പൂജപ്പുരയിലെ റോഡ് ഷോ ഒഴിവാക്കുകയായിരുന്നു.

ദേശീയ രാഷ്ട്രീയം ഉറ്റുനോക്കുന്ന മണ്ഡലത്തിൽ ഹൈക്കമാന്റ് ഉൾപ്പെടെ ശക്തമായ താത്പര്യം പ്രകടിപ്പിച്ച അവസരത്തിൽ പ്രിയങ്ക ഗാന്ധി മണ്ഡലത്തിൽ പ്രചരണത്തിന് എത്താത്തത് തിരിച്ചടിയാകുമെന്നാണ് മുരളീധരൻ പ്രിയങ്കയെ അറിയിച്ചത്. മാത്രമല്ല പ്രതിപക്ഷം ഇത് ആയുധമാക്കുമെന്നും പ്രിയങ്കയെ മുരളീധരൻ അറിയിച്ചു.

English summary

priyanka gandhi didnt visit nemam; K muraleedhan complaints to her