Click it and Unblock the Notifications
Just In
Don't Miss
-
മകൻ അച്ഛനെ കാണാറുണ്ട്; ആദ്യ വിവാഹ ബന്ധം പിരിഞ്ഞപ്പോൾ; തനിക്ക് മാത്രമല്ല ഇത് സംഭവിച്ചതെന്നും മേതിൽ ദേവിക -
അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക് -
IPL 2024: ഗില്ലിനെക്കൊണ്ടാവില്ല! ഹാര്ദിക് പാണ്ഡ്യ മടങ്ങി വരൂ..., ആവശ്യപ്പെട്ട് ജിടി ആരാധകര് -
ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ് -
എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി -
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
ലീഗിനെ കുറിച്ച് ഒന്നും മിണ്ടാതെ വിജയരാഘവന്‍, യുഡിഎഫിന്റെ ശബരിമല തന്ത്രം ജനം തള്ളും!!
തിരുവനന്തപുരം: മുസ്ലീം ലീഗിനെ കുറിച്ച് ഒന്നും മിണ്ടാതെ സിപിഎം സംസ്ഥാന സെക്രട്ടറി വിജയരാഘവന്റെ വാര്‍ത്താസമ്മേളനം. എന്നാല്‍ യുഡിഎഫിനും കെ സുധാകരനുമെതിരെ കടുത്ത വിമര്‍ശനമാണ് അദ്ദേഹം ഉയര്‍ത്തിയത്. ശബരിമല ചര്‍ച്ചാവിഷയമാക്കാനുള്ള യുഡിഎഫ് നീക്കം ജനങ്ങള്‍ തള്ളിക്കളയുമെന്ന് അദ്ദേഹം പറഞ്ഞു. തിരഞ്ഞെടുപ്പ് ജയിക്കാനായി എളുപ്പ വഴിയായിട്ടാണ് യുഡിഎഫ് ശബരിമലയെ ഉപയോഗിക്കുന്നത്. ഉമ്മന്‍ ചാണ്ടി നേതൃത്വം ഏറ്റെടുത്തതോടെയാണ് ശബരിമല ചര്‍ച്ചയാക്കാന്‍ തുടങ്ങിയതെന്നും വിജയരാഘവന്‍ പറഞ്ഞു.
ശബരിലയില്‍ തീരുമാനമെടുക്കേണ്ടത് കോടതിയാണ്. എന്നാല്‍ നിയമം നിര്‍മിക്കുമെന്ന യുഡിഎഫ് നിലപാട് ജനങ്ങളെ വഞ്ചിക്കലാണ്. ജനങ്ങളെ വര്‍ഗീയമായി ഭിന്നിപ്പിക്കുന്ന പ്രചാരണവേല യുഡിഎഫ് ആരംഭിച്ചിരിക്കുകയാണ്. ബിജെപിയും യുഡിഎഫും വര്‍ഗീയതയ്ക്കാണ് താല്‍പര്യപ്പെടുന്നത്. ഇവര്‍ എല്‍ഡിഎഫ് സര്‍ക്കാരിനെതിരെ ആരംഭിച്ച അപവാദ പ്രചാരണം അതിന്റെ തുടക്കമാണെന്നും വിജയരാഘവന്‍ പറഞ്ഞു. അതേസമയം കേരള സന്ദര്‍ശത്തിനിടെ ബിജെപി ദേശീയ അധ്യക്ഷന്‍ ജെപി നദ്ദയുടെ പ്രസംഗം സുരേന്ദ്രന്റെയും വി മുരളീധരന്റെയും പ്രസംഗത്തിന്റെ വലിയ രൂപമാണെന്നും വിജയരാഘവന്‍ വിമര്‍ശിച്ചു.
സിപിഎമ്മില്‍ ഇതുവരെ തിരഞ്ഞെടുപ്പ് സ്ഥാനാര്‍ത്ഥി ചര്‍ച്ചകള്‍ ആരംഭിച്ചിട്ടില്ല. അതേസമയം മുഖ്യമന്ത്രിക്കെതിരായ കോണ്‍ഗ്രസ് എംപി കെ സുധാകരന്‍ നടത്തിയ പരാമര്‍ശം അപലപനീയമാണെന്നും വിജയരാഘവന്‍ പറഞ്ഞു. പരാമര്‍ശത്തില്‍ കോണ്‍ഗ്രസ് വിശദീകരണം നല്‍കണം. സുധാകരന്‍ കേരളം കടന്നുപോകുന്ന കാലത്തിന്റെ വഴികളെ കുറിച്ചുള്ള ബോധക്കുറവില്‍ നിന്നായിരിക്കും സംസാരിക്കുന്നതെന്നും, നാം ഒരുപാട് മുന്നോട്ട് പോയി കഴിഞ്ഞെന്നും വിജയരാഘവന്‍ വ്യക്തമാക്കി.
അതേസമയം മുഖ്യമന്ത്രി പിണറായി വിജയനെതിരായ ജാതീയ അധിക്ഷേപം പിന്‍വലിക്കാന്‍ സുധാകരന്‍ തയ്യാറായിട്ടില്ല. ജാതി തൊഴിലിനെ കുറിച്ച് പറയുന്നത് എങ്ങനെയാണ് അപമാനമാവുകയെന്നും സുധാകരന്‍ ചോദിച്ചു. തന്റെ പരാമര്‍ശത്തെ ഷാനിമോള്‍ ഉസ്മാന്‍ വിമര്‍ശിച്ചതിനെതിരെയും സുധാകരന്‍ വിമര്‍ശിച്ചു. കെപിസിസിയില്‍ പരാതിയും നല്‍കി. സിപിഎമ്മിന് ഇല്ലാത്ത പ്രശ്‌നം കോണ്‍ഗ്രസിന് ഉള്ളില്‍ ഉള്ളവര്‍ക്ക് തോന്നുന്നത് എന്തിനാണെന്നും സുധാകരന്‍ ചോദിച്ചു. സിപിഎമ്മാണ് ഇത് വിഷയമാക്കേണ്ടത്. അവര്‍ ഇക്കാര്യത്തില്‍ പ്രതികരിച്ചിട്ടില്ല. പക്ഷേ ഇക്കാര്യത്തില്‍ കോണ്‍ഗ്രസിന്റെ താല്‍പര്യം എന്താണ്. ഇക്കാര്യത്തില്‍ അവര്‍ നയം വ്യക്തമാക്കണമെന്നും സുധാകരന്‍ പറഞ്ഞു.
Recommended Video
