ഇന്ന് പോളിങ് ശതമാനം എത്രയാകും? ഏറ്റവും ഉയർന്നത് 1960ൽ; കൂടുതൽ പേർ വോട്ട്​ ചെയ്തത് 2021ൽ

എല്ലാ തെഞ്ഞെടുപ്പുകളിലും പാർട്ടി പ്രവർത്തകരും രാഷ്ട്രീയ നിരീക്ഷകരും ഉറ്റുനോക്കുന്ന ഒന്നാണ് പോളിങ് ശതമാനം. അത് വിലയിരുത്തിയാണ് ഓരോ പാർട്ടികളും വിജയസാധ്യതയും മറ്റും കണക്കാക്കുന്നത്. കേ​ര​ള​ത്തി​ലെ നി​യ​മ​സ​ഭ തെ​ര​ഞ്ഞെ​ടു​പ്പു​ക​ളു​ടെ ച​രി​ത്ര​ത്തി​ലെ ഏ​റ്റ​വും ഉ​യ​ർ​ന്ന പോ​ളി​ങ്​ ശ​ത​മാ​നം രേ​ഖ​പ്പെ​ടു​ത്തി​യ​ത്​ 1960ലെ ​ര​ണ്ടാം നി​യ​മ​സ​ഭ തെ​ര​ഞ്ഞെ​ടു​പ്പി​ലാ​ണ്- 85.72 ശ​ത​മാ​നം.

അന്ന് 108 സീറ്റിൽ മത്സരിച്ച കമ്യൂണിസ്റ്റ് പാർട്ടി 29 സീറ്റും 80 സീറ്റിൽ മത്സരിച്ച കോൺഗ്രസ് 63 സീറ്റും നേടി. പി​ന്നീ​ട്​ 1987ൽ ​മാ​ത്ര​മാ​ണ്​ പോ​ളി​ങ്​ 80 ശ​ത​മാ​നം ക​വി​ഞ്ഞ​ത്. അന്ന് 80.54 ​ശ​ത​മാ​ന​മാ​യി​രു​ന്നു പോ​ളി​ങ്. എൽഡിഎഫ് 78, യുഡിഎഫ് 60 എന്നിങ്ങനെയായിരുന്നു സീറ്റുനില.

2021ലാണ് സം​സ്ഥാ​ന ച​രി​ത്ര​ത്തി​ൽ ഏ​റ്റ​വും കൂ​ടു​ത​ൽ പേ​ർ വോ​ട്ട്​ ചെ​യ്ത​ത്​. അ​ന്ന്​ ആ​കെ​യു​ള്ള 2,75,03,768 വോ​ട്ട​ർ​മാ​രി​ൽ 2,09,03,230 പേ​ർ അതായത് 76 ശ​ത​മാ​നം പേർ വോ​ട്ട്​ രേ​ഖ​പ്പെ​ടു​ത്തി. 1957ലെ ​ഒ​ന്നാം നി​യ​മ​സ​ഭ തെ​ര​ഞ്ഞെ​ടു​പ്പാണ്​ ഏ​റ്റ​വും കു​റ​ഞ്ഞ പോ​ളിങ്ങിന് സാക്ഷ്യം വഹിച്ചത്. അ​ന്ന്​ 8913247 വോ​ട്ട​ർ​മാ​രി​ൽ 5837577 പേ​ർ അതായത് 65.49 ശ​ത​മാ​നം പേരാണ് വോട്ട് ചെയ്തത്. പി​ന്നീ​ട്​ ഒ​രി​ക്ക​ൽ പോ​ലും കേ​ര​ള​ത്തി​ലെ പോ​ളി​ങ്​ 70 ശ​ത​മാ​ന​ത്തി​ന്​ താ​ഴെ​യാ​യി​ട്ടി​ല്ല.

ഇ​ത്ത​വ​ണ എ​സ്​ഐആ​റി​ന്​ ശേ​ഷം പു​തി​യ വോ​ട്ട​ർ​മാ​രെ കൂ​ട്ടി​ച്ചേ​ർ​ത്തു​ള്ള അ​ന്തി​മ​പ​ട്ടി​കയിൽ 2,71,42,952 വോ​ട്ട​ർ​മാ​രാ​ണ്​ ഉൾപ്പെട്ടിരിക്കുന്ന​ത്. ഇ​തി​ൽ 2,06,28,643 പേ​ർ വോ​ട്ട്​ ചെയ്താൽ 2021ലെ ​പോ​ളി​ങ്​ ശ​ത​മാ​ന​മായ 76 ശ​ത​മാ​നത്തിനൊപ്പം എത്തും. എ​സ്ഐആ​റി​ന്​ തൊ​ട്ടു​മു​മ്പ്​ 2.78 കോ​ടി വോ​ട്ട​ർ​മാ​രാ​ണ് പ​ട്ടി​ക​യി​ലു​ണ്ടാ​യി​രു​ന്ന​ത്. ഇ​തി​ൽ 24.08 ല​ക്ഷം പേ​രെ ഒ​ഴി​വാ​ക്കി ക​ര​ട്​ പ​ട്ടി​ക പ്ര​സി​ദ്ധീ​ക​രി​ച്ച​പ്പോ​ൾ 2.54 കോ​ടി​യാ​യി കു​റ​ഞ്ഞു. ഇ​തി​ൽ അ​ന​ർ​ഹ​രെ​ന്നു​ക​ണ്ട്​ 53,229 പേ​രെ ഒ​ഴി​വാ​ക്കി​യ​പ്പോ​ൾ മൊ​ത്തം വോ​ട്ട​ർ​മാ​ർ 2.53 കോ​ടി​യാ​യി കു​റ​ഞ്ഞു.

ഇ​തി​നു​ശേ​ഷം പു​തി​യ അ​പേ​ക്ഷ സ​മ​ർ​പ്പി​ച്ച്​ 15 ല​ക്ഷം പേ​ർ കൂ​ടി വോ​ട്ട​ർ​പ​ട്ടി​ക​യി​ൽ ഇ​ടം​പി​ടി​ച്ച​തോ​ടെ എ​സ്​ഐആ​ർ പ്ര​കാ​ര​മു​ള്ള അ​ന്തി​മ പ​ട്ടി​ക​യി​ൽ 2,69,53,644 വോ​ട്ട​ർ​മാ​രാ​യി. ഇ​തി​നു​ശേ​ഷം അ​പേ​ക്ഷ സ​മ​ർ​പ്പി​ക്കാ​നു​ള്ള അ​വ​സ​രം ഉ​പ​യോ​ഗി​ച്ച്​ 1,89,308 പേ​ർ കൂ​ടി വോ​ട്ട​വ​കാ​ശം നേ​ടി​യ​തോ​ടെ വോ​ട്ട​ർ​മാ​ർ 2,71,42,952 ആ​യി ഉ​യ​ർ​ന്നു. ഇ​തി​ന് പു​റ​മെ​ 53,984 സ​ർ​വി​സ്​ വോ​ട്ട​ർ​മാ​രു​മു​ണ്ട്. ഇ​തും​കൂ​ടി ചേ​രു​ന്ന​തോ​ടെ ഇ​ത്ത​വ​ണ മൊ​ത്തം വോ​ട്ട​ർ​മാ​ർ 2,71,96,936 ആ​ണ്.

85 ശതമാനം പോളിങ്ങാണ് ഇത്തവണ തെരഞ്ഞെടുപ്പ് കമ്മീഷൻ ലക്ഷ്യമിടുന്നത്. 1957 മുതലുള്ള തെരഞ്ഞെടുപ്പുകളിലെ പോളിങ് ശതമാനം ഇനി പറയും പ്രകാരമാണ് (വർഷം, പോളിങ് ശതമാനം എന്ന ക്രമത്തിൽ)-

1957- 65.49

1960- 85.72

1965- 75.12

1967- 75.67

1970- 75.29

1977- 79.19

1980- 72.23

1982- 73.51

1987- 80.54

1991- 73.42

1996- 71.16

2001- 72.47

2006- 72.38

2011- 75.26

2016- 77.35

2021- 76.00

English summary

Kerala Assembly Election 2026: What will be the polling percentage? The highest was in 1960; the most people voted in 2021.