Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കേരളത്തിന്റെ പ്രാര്‍ഥന വിഫലം...ചിത്ര പുറത്തുതന്നെ!! ലോക അത്‌ലറ്റിക് ഫെഡറേഷന് കൈവിട്ടു!!
ഇന്ത്യയുടെ അപേക്ഷ ലോക ഫെഡറേഷന് തള്ളി
കൊച്ചി: ലണ്ടനില്‍ നടക്കാനിരിക്കുന്ന ലോക അത്‌ലറ്റിക് ചാംപ്യന്‍ഷിപ്പിനുള്ള ഇന്ത്യന്‍ ടീമില്‍ നിന്നു തഴയപ്പെട്ട മലയാളി താരം പി യു ചിത്രയ്ക്കായി കേരളം ഒറ്റക്കെട്ടായി പോരാടിയെങ്കിലും ഫലമുണ്ടായില്ല. താരത്തെ ടീമിലുള്‍പ്പെടുത്തണമെന്ന ഇന്ത്യന്‍ അത്‌ലറ്റിക് ഫെഡറേഷന്റെ അഭ്യര്‍ഥന ലോക അത്‌ലറ്റിക് ഫെഡറേഷന് തള്ളി. ഇന്ത്യയില്‍ നടന്ന ഏഷ്യന്‍ അത്‌ലറ്റിക് മീറ്റിന്റെ 1500 മീറ്ററില്‍ സ്വര്‍ണം നേടിയിട്ടും ചിത്രയെ ഒഴിവാക്കിയത് വലിയ കോളിളക്കമുണ്ടാക്കിയിരുന്നു. സംസ്ഥാന സര്‍ക്കാര്‍ ചിത്രയെ ടീമിലുള്‍പ്പെടുത്തണമെന്നാവശ്യപ്പെട്ട് കേന്ദ്രത്തെ സമീപിച്ചിരുന്നു. തന്നെ ഒഴിവാക്കിയതിനെതിരേ ചിത്ര ഹൈക്കോടതിയില്‍ ഹര്‍ജി നല്‍കുകയും ചെയ്തിരുന്നു.
ലോക ഫെഡറേഷന് കത്ത് നല്‍കി
ചിത്രയെ ടീമിലുള്‍പ്പെടുത്താന്‍ അനുവദിക്കണമെന്നാവശ്യപ്പെട്ട് ദേശീയ അത്‌ലറ്റിത് ഫെഡറേഷനാണ് അന്താരാഷ്ട്ര അത്‌ലറ്റിക് ഫെഡറേഷന് കത്ത് നല്‍കിയത്. എന്നാല്‍ ഇത് അവര്‍ തള്ളുകയായിരുന്നു.
കാരണമായി ചൂണ്ടിക്കാട്ടിയത്
സമയം അതിക്രമിച്ചു കഴിഞ്ഞുവെന്നും 1500 മീറ്ററില്‍ മല്‍സരാര്‍ഥികള്‍ ഇപ്പോള്‍ തന്നെ കൂടുതലാണെന്നും ചൂണ്ടിക്കാട്ടിയയാണ് ലോക ഫെഡറേഷന് ഇന്ത്യയുടെ ആവശ്യം നിരസിച്ചത്.
ഫെഡറേഷന്റെ ആദ്യത്തെ നിലപാട്
ചിത്രയെ ടീമിലുള്‍പ്പെടുത്തണമെന്ന ശക്തമായ ആവശ്യമുയര്‍ന്നപ്പോള്‍ സാധിക്കില്ലെന്ന കടുത്ത നിലപാടാണ് ദേശീയ അത്‌ലറ്റിക് ഫെഡറേഷന് സ്വീകരിച്ചത്. എന്നാല്‍ കായിക മന്ത്രാലയത്തിന്റെ ഇടപെടലും ഹൈക്കോടതിയുടെ ഉത്തരവിനെയും തുടര്‍ന്ന് ദേശീയ ഫെഡറേഷന് വഴങ്ങുകയായിരുന്നു. തുടര്‍ന്നാണ് അവര്‍ ലോക അത്‌ലറ്റിക് ഫെഡറേഷന് കത്തയച്ചത്.
നഷ്ടമായത് വലിയ അവസരം
ലോക അത്‌ലറ്റിക് ഫെഡറേഷന്റെ തീരുമാനത്തില്‍ സങ്കടമുണ്ടെന്നും വലിയ അവസരമാണ് തനിക്കു നഷ്ടമായതെന്നും ചിത്ര പ്രതികരിച്ചു. ചാനലുകളിലൂടെയാണ് വാര്‍ത്തയറിഞ്ഞതെന്നും ചിത്ര പറഞ്ഞു.
പ്രതീക്ഷയുണ്ടായിരുന്നു
ഹൈക്കോടതിയുടെ ഇടപെടലും ദേശീയ അത്‌ലറ്റിക് ഫെഡറേഷന് കത്തയച്ചതും പ്രതീക്ഷ നല്‍കിയിരുന്നു. എന്നാല്‍ ഇതു തള്ളിയതില്‍ കടുത്ത നിരാശയുണ്ടെന്ന് ചിത്ര വ്യക്തമാക്കി.
ദ്യുതിക്ക് വൈല്‍ഡ് കാര്‍ഡ് എന്‍ട്രി
100 മീറ്ററില്‍ വനിതാ താരം ദ്യുതി ചന്ദിന് തികച്ചും അപ്രതീക്ഷിതമായി ലോക മീറ്റിന് വൈല്‍ഡ് കാര്‍ഡ് എന്‍ട്രി നല്‍കിയപ്പോള്‍ ചിത്രയ്ക്കും പ്രതീക്ഷയുണ്ടായിരുന്നു.
കളിച്ചത് ഫെഡറേഷന്
ദേശീയ അത്‌ലറ്റിക് ഫെഡറേഷന്റെ കളിയാണ് ചിത്രയ്ക്ക് അവസരം നിഷേധിച്ചത്. ചിത്രയെ ഉള്‍പ്പെടുത്തണമെന്ന് ഹൈക്കോടതി ആവശ്യപ്പെട്ടതിനെ തുടര്‍ന്ന് കായിക മന്ത്രി വിജയ് ഗോലയും ഫെഡറേഷനോട് ഇതിനു നിര്‍ദേശിച്ചു. എന്നാല്‍ ടീമിലെടുക്കാന്‍ ഇനിയൊരു സാധ്യയതയുമില്ലെന്ന് ഉറപ്പു വരുത്തിയ ശേഷം ഫെഡറേഷന് കത്തയക്കല്‍ നാടകം കളിക്കുകയായിരുന്നു.
