ആറ് ജീവനക്കാര്ക്ക് നല്കിയത് കിയ സെല്ടോസ്, ഒരാള്ക്ക് ബുള്ളറ്റ്..; ഞെട്ടിച്ച് ചാലക്കുടിയിലെ കമ്പനി
തൃശൂര്: ജീവനക്കാര്ക്ക് ആകര്ഷകമായ സമ്മാനങ്ങള് ആഘോഷവേളകളില് സമ്മാനിക്കുന്ന സംഭവം ഇന്ന് അസാധാരണമല്ല. പല കമ്പനികളും ആശ്ചര്യപ്പെടുത്തുന്ന സമ്മാനങ്ങള് ആണ് ജീവനക്കാര്ക്ക് നല്കി വരുന്നത്. എന്നാല് കേരളത്തില് പൊതുവെ വലിയ സമ്മാനങ്ങള് കൊടുക്കുന്നത് മറ്റിടങ്ങളെ അപേക്ഷിച്ച് കുറവാണ്.
അടുത്തിടെ ഡിജിറ്റല് ഉത്പന്നങ്ങളുടെ വിപണന ശൃംഖലയായ 'മൈജി', റിയല് എസ്റ്റേറ്റ് രംഗത്ത് പ്രവര്ത്തിക്കുന്ന 'ഹൈലൈറ്റ്' എന്നീ കേരള കമ്പനികള് ജീവനക്കാര്ക്ക് കാര് സമ്മാനിച്ചത് വലിയ വാര്ത്തയായിരുന്നു. അതിന് സമാനമായി കേരളത്തിലെ ഒരു ഐ ടി കമ്പനിയും ജീവനക്കാര്ക്ക് കണ്ണഞ്ചിപ്പക്കുന്ന സമ്മാനം നല്കിയിരിക്കുകയാണ്.
ചാലക്കുടിയിലെ ഐ ടി കമ്പനിയായ ജോബിന് ആന്ഡ് ജിസ്മി ഐ ടി സര്വീസസ് ആണ് ജീവനക്കാരെ ചേര്ത്ത് പിടിച്ചത്. തങ്ങളുടെ പത്താം വാര്ഷികം ആഘോഷമാക്കാന് ജീവനക്കാര്ക്ക് ആറ് കാറുകള് ആണ് ജോബിന് ആന്ഡ് ജിസ്മി ഐ ടി സര്വീസസ് സമ്മാനിച്ചത്. സമ്മാനമായി നല്കിയ കാര് ഏതാണെന്ന് അറിയേണ്ടേ..? വിപണിയില് ലക്ഷങ്ങള് വിലയുള്ള കിയ സെല്ടോസ്!!
മൊത്തം 1.20 കോടി രൂപ വില വരുന്ന ആറ് കിയ സെല്ടോസ് കാറുകളാണ് ജോബിന് ആന്ഡ് ജിസ്മി ഐ ടി സര്വീസസ് തങ്ങളുടെ മുതിര്ന്ന ജീവനക്കാര്ക്ക് സമ്മാനിച്ചത്. കമ്പനിയുടെ തുടക്കകാലം മുതല് ജോലി ചെയ്ത് വന്നവരെയാണ് 20 ലക്ഷം രൂപ വിലയുള്ള വാഹനം നല്കി ജോബിന് ആന്ഡ് ജിസ്മി ഐ ടി സര്വീസസ് ആദരിച്ചത്.
2012 ല് രണ്ട് ജീവനക്കാരുമായി തുടങ്ങിയ സ്ഥാപനം ഇപ്പോള് 200 പേരുള്ള കമ്പനിയാണ്. ഇതില് ഈ ആറ് പേരും വഹിച്ച പങ്ക് നിസ്തുലമാണ് എന്ന് കമ്പനി സഹ സ്ഥാപകയും ചീഫ് ടെക്നോളജി ഓഫീസറുമായ എ ഐ ജിസ്മി പറയുന്നു. പത്താം വാര്ഷികാഘോഷം കൂടാതെ ഈ വര്ഷത്തെ മികച്ച ജീവനക്കാരന് റോയല് എന്ഫീല്ഡ് ബുള്ളറ്റും സമ്മാനിച്ചിട്ടുണ്ട്.
Image Credit: Jobin and Jismi@facebook
ചാലക്കുടിയില് സ്വന്തം കെട്ടിടത്തില് ആണ് ജോബിന് ആന്ഡ് ജിസ്മി ഐ ടി സര്വീസസ് പ്രവര്ത്തിക്കുന്നത്. ക്ലൗഡ് അധിഷ്ഠിത ഇ ആര് പി ആയ 'ഒറാക്കിള് നെറ്റ് സ്യൂട്ടി'ന്റെ ഇന്ത്യയിലെ ഏറ്റവും വലിയ സേവനദാതാക്കളിലൊന്നാണ് ജോബിന് ആന്ഡ് ജിസ്മി ഐ ടി സര്വീസസ് എന്നാണ് കമ്പനി അവകാശപ്പെടുന്നത്.
Image Credit: Jobin and Jismi@facebook
അടുത്ത നാല് വര്ഷത്തിനുള്ളില് ജീവനക്കാരുടെ 1000 ആയി ഉയര്ത്തുകയാണ് ലക്ഷ്യമെന്ന് സഹ സ്ഥാപകനും സി ഇ ഒയുമായ ജോബിന് ജോസ് പറഞ്ഞു. ചാലക്കുടിയില് നിര്മാണം പുരോഗമിക്കുന്ന പുതിയ കെട്ടിടത്തില് അടുത്ത വര്ഷം പകുതിയോടെ പ്രവര്ത്തനം ആരംഭിക്കും. ഇതോടെ 300 പേര്ക്ക് കൂടി ജോലി നല്കാന് സാധിക്കും.
കൂടാതെ മധുരയിലെ എല്കോട്ട് സെസ് ടൂവില് തമിഴ്നാട് സര്ക്കാര് നല്കിയ നാല് ഏക്കര് സ്ഥലത്ത് അടുത്ത വര്ഷം ആരംഭിക്കുന്ന ഡെവലപ്പ്മെന്റ് സെന്ററില് 500 പേര്ക്കും തൊഴില് നല്കാന് സാധിക്കുമെന്നും ജോബിന് വ്യക്തമാക്കി. ലോകത്തിലെ തന്നെ ഏറ്റവും പ്രധാനപ്പെട്ട ക്ലൗഡ് ഇ ആര് പി ആയ ഒറാക്കിള് നെറ്റ്സ്യൂട്ടിന്റെ രാജ്യത്തെ ഏറ്റവും വലിയ സര്വീസ് പ്രൊവൈഡറാണ് ജോബിന് ആന്ഡ് ജിസ്മി ഐ ടി സര്വീസ്.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google