ദേശീയ നേതൃത്വം 'വടി'യെടുത്തു; ഭയപ്പാടില് കേരള ബിജെപി, തിരഞ്ഞെടുപ്പ് വരെ അക്കാര്യം മിണ്ടില്ല
തിരുവനന്തപുരം: അടുത്ത ലോക്സഭ തിരഞ്ഞെടുപ്പില് സംസ്ഥാനത്ത് വലിയ നേട്ടം നേടിയെടുക്കുക എന്നത് തന്നെയാണ് കെ സുരേന്ദ്രന് മുന്നില് നിന്ന് നയിക്കുന്ന നേതൃത്വത്തിന്റെ സ്വപ്നം. നടക്കാനിരിക്കുന്ന തിരഞ്ഞെടുപ്പില് ബി ജെ പിയുടെ പ്രകടനം വിലയിരുത്തിയാകും ഏതൊക്കെ നേതാക്കള് തുടരും ഏതൊക്കെ നേതാക്കള് വീഴും എന്നതില് ഒരു തീരുമാനം ഉണ്ടാകുക. എന്നാല് സംസ്ഥാനത്തെ പാര്ട്ടിയില് അടിത്തട്ട് വരെ ഗ്രൂപ്പ് പോര് ശക്തമായി തുടരുകയാണ്.
ഇനി വരുന്ന തിരഞ്ഞെടുപ്പ് വരെ ഗ്രൂപ്പ് പോരും തര്ക്കങ്ങളും അടക്കിവയ്ക്കാന് തന്നെയാണ് തീരുമാനം. ഇനി സംസ്ഥാനത്തെ പ്രകടനം വിലയിരുത്തിയ ശേഷമാകും നേതാക്കള് ഗ്രൂപ്പുമായി ബന്ധപ്പെട്ട വിഷയത്തില് ഉണരുകയുള്ളൂ. ദേശീയ നേതൃത്വം നിരീക്ഷണം ശക്തമാക്കിയതോടെ ഗ്രൂപ്പ് എന്ന വാക്ക് പോലും നേതാക്കള് ഉച്ഛരിക്കാത്ത അവസ്ഥയിലാണ്.
സംസ്ഥാന അധ്യക്ഷ സ്ഥാനത്ത് നിന്ന് കെ സുരേന്ദ്രനെ മാറ്റുമെന്ന സംസാരം നേരത്തെ തന്നെ ഉയര്ന്നിരുന്നു. എന്നാല് ഇപ്പോള് അതിന് സാധ്യതയില്ലെന്ന് ഗ്രൂപ്പ് നേതാക്കള് തന്നെ സമ്മതിക്കുന്നു. നിലിവില് സംസ്ഥാന നേതൃത്വത്തിനെതിരെ വെടിപൊട്ടിക്കുന്നത് ശോഭ സുരേന്ദ്രന് മാത്രമാണ്. കെ സുരേന്ദ്രന് അടക്കമുള്ളവര്ക്കെതിരെ പരസ്യമായി ശോഭ രംഗത്തെത്തിയിരുന്നു.
ശോഭയ്ക്കെതിരെ സംസ്ഥാന നേതൃത്വം ദേശീയ നേതൃത്വത്തിന് പരാതി നല്കിയെന്ന വാര്ത്തകള് പ്രചരിച്ചിരുന്നു. എന്നാല് അതില് വാസ്തവമില്ലെന്നാണ് നേതാക്കള് പറയുന്നത്. ശോഭയുടെ വാക്കുകള് അവഗണിച്ച് തള്ളാന് തന്നെയാണ് നേതൃത്വത്തിന്റെ തീരുമാനം. ഇത്തവണ വലിയ പരീക്ഷണമാണ് ബി ജെ പി സംസ്ഥാനത്ത് പയറ്റുന്നത്. എ കെ ആന്റണിയുടെ മകനെ അടക്കം പാളയത്തിലേക്ക് എത്തിച്ചാണ് ബി ജെ പി തിരഞ്ഞെടുപ്പിനെ നേരിടുന്നത്.
ഇത്തരം പരീക്ഷണങ്ങള് നടത്തി കേരളത്തില് വേരോട്ടത്തിന് ശ്രമിക്കുമ്പോള് ഗ്രൂപ്പിന്റെ പേരില് ആരും തമ്മില് തല്ലാന് തയ്യാറല്ല എന്നാതാണ് നേതൃത്വത്തെ സംബന്ധിച്ചുള്ള ആശ്വാസം. പാര്ട്ടിയുടെ പ്രാദേശക തലം വരെ ഗ്രൂപ്പ് ശക്തമാണെന്ന് നേതാക്കള് വരെ സമ്മതിക്കുന്നുണ്ട്. സുരേന്ദ്രനെ പാര്ട്ടി അധ്യക്ഷ സ്ഥാനത്ത് നിന്ന് നീക്കം ചെയ്യണമെന്ന് ആവശ്യം നേരത്തെ ഉയര്ന്നെങ്കിലും ഇപ്പോഴും ആരും അക്കാര്യം ഉന്നയിക്കുന്നില്ല.
പാര്ട്ടിയില് അടുത്ത കാലത്തൊന്നും അഴിച്ചുപണിയുണ്ടാകില്ലെന്ന് കേരളത്തിന്റെ ചുമതലയുള്ള പ്രകാശ് ജാവദേക്കര് പലതവണ പറഞ്ഞതാണ്. 2024 തിരഞ്ഞെടുപ്പ് കഴിയട്ടയെന്നും തിരഞ്ഞെടുപ്പിന്റെ ഭാരം ചുമക്കാനില്ലെന്നുമാണ് സുരേന്ദ്രന് വിരുദ്ധ പക്ഷക്കാരുടെ നിലപാട്. 2024 ലോക്സഭ തിരഞ്ഞെടുപ്പ് ഇപ്പോഴത്തെ സംസ്ഥാന നേതൃത്വത്തെ സംബന്ധിച്ച് നിര്ണായകമാണ്.
-
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
ബിജെപി വിജയം 3ൽ ഒതുങ്ങില്ല, പത്തിലധികമെന്ന് സർവ്വേ, ഞെട്ടിക്കുന്ന മുന്നേറ്റമുണ്ടാക്കും, സീ ഫോർ പ്രവചനം ഇങ്ങനെ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google