സംസ്ഥാന ബജറ്റ്; കെഎസ്ആർടിസിക്ക് 1000 കോടി, 11ാം ശമ്പള പരിഷ്ക്കരണം ഈ വര്ഷം നടപ്പാക്കും!
തിരുവനന്തപുരം: ധനമന്ത്രി തോമസ് ഐസക് നിയമസഭയിൽ നടത്തിയ ബജറ്റ് പ്രസംഗത്തിൽ കെഎസ്ആര്ടിസിക്ക് 1000 കോടി വകയിരുത്തി. കെഎസ്ആർടിസി പ്രതിസന്ധിയിലാണെന്ന വാർത്തകൾ പുറത്ത് വന്നിരുന്നു. കെഎസ്ആർടിസിക്ക് ബജറ്റിലെ പ്രഖ്യാപനം ആശ്വാസകരമാകും. കഴിഞ്ഞ മാസം കെഎസ്ആർടിസി റെക്കോർഡ് വരുമാനം രേഖപ്പെടുത്തിയിരുന്നു.
എങ്കിലും ജീവനക്കാർക്ക് കൃത്യമായി ശമ്പളം നൽകാൻ കെഎസ്ആർടിസിക്ക് കഴിഞ്ഞിരുന്നില്ല. സർക്കാരിന്റെ സഹായം ആത്യാവശ്യവുമായിരുന്നു. അതുകൊണ്ട് തന്നെ ബജറ്റിലെ പ്രഖ്യാപനം കെഎസ്ആർടിസിക്ക ആശ്വാസം പകരും. അതേസമയം 11ാം ശമ്പള പരിഷ്ക്കരണം ഈ വര്ഷം നടപ്പാക്കുമെന്നും ബജറ്റിൽ പ്രഖ്യാപിച്ചു.
ഡിഎ കുടിശ്ശിക ഘട്ടങ്ങളായി അടുത്ത വര്ഷങ്ങളില് നടപ്പാക്കും. 2 ലക്ഷം വിലയുള്ള മോട്ടോര് സൈക്കിളുകള്ക്ക് ഒരു ശതമാനം നികുതി വര്ദ്ധിപ്പിച്ചു. ജലഗതാഗത വകുപ്പിന് 111 കോടിയും സിവില് സപ്ലൈസിന് 60 കോടി വകയിരുത്തി. 15 ലക്ഷം വരെ വില വരുന്ന കാറുകള്ക്കും മറ്റു സ്വകാര്യ വാഹനങ്ങള്ക്കും 2 ശതമാനം നികുതി കൂട്ടി. ഇലക്ട്രിക് ഓട്ടോറിക്ഷകള്ക്ക് ആദ്യ 5 വര്ഷം നികുതിയില്ലെന്നും മന്ത്രി അറിയിച്ചു.