• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ചുരുങ്ങിയ പലിശയില്‍ വായ്പ; കുടുംബശ്രീക്ക് 1000 കോടി, ജനങ്ങളുടെ കൈയ്യില്‍ പണമെത്തിക്കുക ലക്ഷ്യം

തിരുവനന്തപുരം: കൊവിഡ് കാരണം ജനങ്ങള്‍ വളരെ പ്രതിസന്ധിയിലാണ്. ഭക്ഷ്യവസ്തുക്കള്‍ സര്‍ക്കാര്‍ റേഷന്‍ വഴി വിതരണം ചെയ്യുന്നുണ്ടെങ്കിലും സാമ്പത്തിക രംഗം ഉണരണം എന്നില്ല. ഇടപാടുകള്‍ നടക്കുകയും വിപണി സജീവമാകുകയും ചെയ്താല്‍ മാത്രമേ സാമ്പത്തിക മേഖല ശക്തിപ്പെടൂ. അതിന് ജനങ്ങളുടെ കൈവശം പണമെത്തണം. ഇതിന് സഹായകമാകുന്ന ഒട്ടേറെ പ്രഖ്യാപനങ്ങളാണ് ധനമന്ത്രി കെഎന്‍ ബാലഗോപാല്‍ തന്റെ കന്നി ബജറ്റില്‍ നടത്തിയിരിക്കുന്നത്.

കൊവിഡ് പ്രതിരോധം, സാമ്പത്തിക ഉത്തേജനം... കന്നി ബജറ്റുമായി കെഎന്‍ ബാലഗോപാല്‍: ചിത്രങ്ങള്‍ കാണാം

കുടുംബ ശ്രീ അയല്‍ക്കൂട്ടങ്ങള്‍ക്കായി 1000 കോടി രൂപയുടെ വായ്പയാണ് പ്രഖ്യാപിച്ചിരിക്കുന്നത്. കൂടാതെ പ്രാഥമിക സഹകരണ സംഘങ്ങള്‍ക്ക് 2000 കോടിയാണ് വകയിരുത്തിയത്. 4 ശതമാനം പലിശ നിരക്കിലാണ് വായ്പകള്‍ അനുവദിക്കുക. 4 ശതമാനം പലിശ നിരക്കില്‍ അഞ്ച് ലക്ഷം രൂപ വരെ വായ്പ അനുവദിക്കാനും ബജറ്റില്‍ നിര്‍ദേശമുണ്ട്.

ഈ വര്‍ഷം 10000 ഓക്‌സിലറി കുടുംബശ്രീ യൂണിറ്റുകള്‍ ആരംഭിക്കും. ദാരിദ്ര്യ നിര്‍മാര്‍ജനത്തിനായി തദ്ദേശ സ്ഥാപനങ്ങള്‍ക്് 10 കോടി രൂപ വകയിരുത്തി. കര്‍ഷകര്‍ക്ക് 2600 കോടി രൂപയുടെ വായ്പ അനുവദിക്കും. കൊവിജ് സൃഷ്ടിച്ച പ്രതിസന്ധി ഊന്നിപ്പറഞ്ഞായിരുന്നു മന്ത്രിയുടെ ബജറ്റ് അവതരണം. അതുകൊണ്ടുതന്നെ ആരോഗ്യ മേഖലയ്ക്ക് കൂടുതല്‍ പണം വകയിരുത്തേണ്ട സാഹചര്യമാണുള്ളതെന്നും മന്ത്രി പറഞ്ഞു.

ആരോഗ്യം, തൊഴില്‍, ഭക്ഷണം എന്നിവയ്ക്കാണ് കൂടുതല്‍ പരിഗണന. 20000 കോടി രൂപയുടെ കൊവിഡ് പാക്കേജാണ് പ്രഖ്യാപിച്ചിട്ടുള്ളത്. 18 വയസിന് മുകളിലുള്ളവര്‍ക്ക് സൗജന്യ വാക്‌സിന്‍ ലഭ്യമാക്കാന്‍ 1000 കോടി രൂപ മാറ്റിവച്ചിട്ടുണ്ട്. കേരളം സ്വന്തമായി വാക്‌സിന്‍ നിര്‍മിക്കാനുള്ള ശ്രമങ്ങളും നടക്കുകയാണ്. തീരദേശ മേഖലയുടെ സുരക്ഷ ശക്തിപ്പെടുത്താനും പദ്ധതികള്‍ പ്രഖ്യാപിച്ചിട്ടുണ്ട്.

cmsvideo
    Kerala budget 2021 : Free vaccination for all In Kerala

    English summary
    Kerala Budget 2021: Finance minister KN Balagopal declare 1000 Cr loan for Kudumbasree
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X