Click it and Unblock the Notifications
Just In
Don't Miss
-
ആ പ്രണയം തകർന്നത് നന്നായി, പ്രസന്നയെ പോലൊരു ഭർത്താവിനെ കിട്ടി; ആ വർഷം കഠിനമായിരുന്നെന്നും സ്നേഹ -
IPL 2024: 36 ബോളില് വേണ്ടത് 96! നാലു വിക്കറ്റ് മാത്രം, 'തോറ്റ' കളി റോയല്സ് ജയിച്ചതെങ്ങനെ? നോക്കാം -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
അന്തിയുറങ്ങാന്‍ കൂര ഒരുക്കും; ലൈഫ് മിഷനിലൂടെ 52000 വീടുകള്‍ ഈ വര്‍ഷം, 2080 കോടി ചെലവ്
തിരുവനന്തപുരം: എല്ലാവര്‍ക്കും വീട് എന്ന സ്വപ്‌ന പദ്ധതിക്ക് ആക്കം കൂട്ടി ഈ വര്‍ഷം കൂടുതല്‍ വീടുകള്‍ നിര്‍മിക്കാന്‍ സര്‍ക്കാര്‍. 52000 വീടുകള്‍ പട്ടിക ജാതി-വര്‍ഗ വിഭാഗങ്ങള്‍ക്ക് മാത്രം നിര്‍മിച്ചു നല്‍കും. പട്ടിക ജാതിക്കാര്‍ക്ക് 40000 വീടുകളും പട്ടിക വര്‍ഗക്കാര്‍ക്ക് 12000 വീടുകളുമാണ് ഈ വര്‍ഷം നിര്‍മിക്കുക എന്ന് ധനമന്ത്രി ടിഎം തോമസ് ഐസക് ബജറ്റ് അവതരണത്തില്‍ പറഞ്ഞു. ഈ പദ്ധതിക്ക് 2080 കോടി രൂപയാണ് ചെലവിടുക. പട്ടിക ജാതി-വര്‍ഗ വിഭാഗക്കാരുടെ വിദ്യാഭ്യാസ പദ്ധതികള്‍ക്ക് 508 രൂപയും ബജറ്റില്‍ മാറ്റിവെച്ചു.
ക്ഷേമ പെന്‍ഷനുകള്‍ 1600 രൂപയാക്കാന്‍ തീരുമാനിച്ചിട്ടുണ്ട. പ്രവാസി പെന്‍ഷന്‍ 3500 രൂപയാക്കി. പ്രവാസി തൊഴില്‍ പദ്ധതിക്ക് 100 കോടി രൂപ വകയിരുത്തി. കെ ഫോണ്‍ പദ്ധതി വരുന്ന ജൂലൈയില്‍ പൂര്‍ത്തിയാക്കും. കേരളത്തിലെ എല്ലാ വിടുകളിലും സ്ഥാപനങ്ങളിലും ഇന്റര്‍നെറ്റ് ലഭ്യമാക്കുന്നതാണ് കെ ഫോണ്‍ പദ്ധതി. അടിസ്ഥാന സൗകര്യമൊരുക്കല്‍ ഫെബ്രുവരിയില്‍ പൂര്‍ത്തിയാക്കും. കെ ഫോണ്‍ പദ്ധതിയില്‍ ബിപിഎല്‍ കുടുംബങ്ങള്‍ക്ക് ഇന്റര്‍നെറ്റ് സൗജന്യമായി ലഭ്യമാക്കും. കുറഞ്ഞ നിരക്കില്‍ മികച്ച ഇന്റര്‍നെറ്റ് സേവനമാണ് കെ ഫോണ്‍ ലക്ഷ്യമിടുന്നത്. കെ ഫോണിന്റെ ഓഹരി മൂലധനത്തില്‍ 166 കോടി രൂപ വകയിരുത്തിയിട്ടുണ്ടെന്നും മന്ത്രി പറഞ്ഞു.
എല്ലാ വീട്ടിലും ഒരു ലാപ്‌ടോപ് എത്തിക്കാന്‍ പദ്ധതി വരും. ബിപിഎല്‍ കുടുംബത്തിന് ലാപ്‌ടോപ്പിന് 25 ശതമാനം സബ്‌സിഡി അനുവദിക്കും. ദുര്‍ബല വിഭാഗങ്ങള്‍ക്ക് പകുതി വിലയ്ക്ക് ലഭ്യമാക്കും. തദ്ദേശ സ്വയം ഭരണ സ്ഥാപനങ്ങള്‍ വഴിയാകും പദ്ധതി നടപ്പാക്കുക. ഉന്നത വിദ്യാഭ്യാസ മേഖലയില്‍ പുതിയ പദ്ധതികള്‍ ആരംഭിക്കും. യുവ ശാസ്ത്രജ്ഞന്‍മാരെ ആകര്‍ഷിക്കാന്‍ ഒരു ലക്ഷം രൂപയുടെ ഫെല്ലോഷിപ്പ് തുടങ്ങും. ഈ വര്‍ഷം എട്ട് ലക്ഷം തൊഴില്‍ അവസരങ്ങളാണുണ്ടാക്കും.
