Kerala By-Election Results 2019: 5 ല് 3 നേടി യുഡിഎഫ്, കോന്നിയിലും വട്ടിയൂര്ക്കാവിലും എല്ഡിഎഫ്
തിരുവനന്തപുരം: സംസ്ഥാനത്തെ അഞ്ച് നിയമസഭാ മണ്ഡലങ്ങളിലേക്ക് നടന്ന ഉപതിരഞ്ഞെടുപ്പിന്റെ ഫലം ഇന്നറിയാം. വട്ടിയൂർക്കാവ്, കോന്നി, മഞ്ചേശ്വരം, എറണാകുളം, അരൂർ മണ്ഡലങ്ങളിലാണ് ഉപതിരഞ്ഞെടുപ്പ് നടന്നത്. രാവിലെ എട്ട് മണിക്കാണ് വോട്ടെണ്ണൽ ആരംഭിക്കുക. എട്ടരയോടെ ആദ്യ ഫല സൂചനകൾ വന്നു തുടങ്ങും. വോട്ടെണ്ണൽ ദിനത്തിൽ സുരക്ഷ ഒരുക്കാനായുള്ള എല്ലാ മുൻകരുതൽ നടപടികളും സ്വീകരിച്ചതായി ഡിജിപി ലോക്നാഥ് ബെഹ്റ വ്യക്തമാക്കി.
സംസ്ഥാനത്ത് ആദ്യമായാണ് ഇത്രയധികം മണ്ഡലങ്ങളിൽ ഒരുമിച്ച് വോട്ടെടുപ്പ് നടന്നതെന്ന പ്രത്യേകതയുമുണ്ട് ഇക്കുറി. വിജയ പ്രതീക്ഷയിലാണ് മൂന്ന് മുന്നണികളും, ഓക്ടോബർ 21നാണ് വോട്ടെടുപ്പ് നടന്നത്. വോട്ടെടുപ്പ് ദിവസം അനുഭവപ്പെട്ട കനത്ത മഴ പോളിംഗ് ശതമാനത്തെ ബാധിച്ചിരുന്നു. എറണാകുളത്താണ് ഏറ്റവും കുറവ് പോളിംഗ് രേഖപ്പെടുത്തിയത്. എറണാകുളത്ത് 57.86 ശതമാനം മാത്രമാണ് പോളിംഗ് രേഖപ്പെടുത്തിയത്. വോട്ടെടുപ്പിന് പിന്നാലെ പുറത്ത് വന്ന എക്സിറ്റ് പോൾ ഫലങ്ങൾ യുഡിഎഫിന് നേരിയ മുൻതൂക്കം നൽകുന്നതാണ്. വട്ടിയൂർക്കാവിലും അരൂരിലും ഇഞ്ചോടിഞ്ച് പോരാട്ടം നടക്കുമെന്നാണ് എക്സിറ്റ് പോൾ പ്രവചനങ്ങൾ. വോട്ടെണ്ണലിന്റെ തൽസമയ വിവരങ്ങൾ ലൈവ് അപ്ഡേറ്റ്സിൽ വായിക്കാം.