ആരാകും അടുത്ത ചീഫ് സെക്രട്ടറി, കാലാവധി കഴിഞ്ഞും ജിജി തോംസണ് തുടരുമോ ?
തിരുവനന്തപുരം: ഫെബ്രുവരി അവസാനം ഇപ്പോഴത്തെ ചീഫ് സെക്രട്ടറി ജിജി തോംസണ് വിരമിക്കുമെന്നിരിക്കെ പുതിയ ചീഫ് സെക്രട്ടറിയെ കണ്ടെത്താനുള്ള നീക്കം തകൃതിയായി നടക്കുന്നു. അതിനിടയില് ജിജി തോംസണെ തന്നെ തുടരാന് അനുവദിക്കാനുള്ള നീക്കമാണ് സര്ക്കാരിന്റെ ഭാഗത്തുനിന്ന് ഉണ്ടാകുന്നത്.
റിട്ടയര് ആയശേഷം ഒരു ഐഎഎസ്- ഐപിഎസ് ഉദ്യോഗസ്ഥനും സംസ്ഥാനത്ത് ഒരു ദിവസം പോലും സര്വ്വീസില് തുടര്ന്നിട്ടില്ലെന്നിരിക്കെയാണ് ജിജി തോംസണ് മാത്രമായി ഇപ്പോള് ഭേദഗതി വരുത്താന് ശ്രമിക്കുന്നത്.
ജിജി തോംസണെ തുടരാന് അനുവദിക്കണമെന്ന് കാണിച്ച് പ്രധാനമന്ത്രിയുടെ ഓഫീസിലേക്ക് സര്ക്കാര് കത്തയച്ചിട്ടുണ്ട്. അടുത്തുതെന്ന നിയമസഭ തിരഞ്ഞെടുപ്പ് വരുന്നതിനാല് ജിജി തോംസണ് കാലാവധി നീട്ടിനല്കണമെന്നാണ് സംസ്ഥാന സര്ക്കാരിന്റെ ആവശ്യം.
നിലവില് കേന്ദ്ര പഞ്ചായത്ത് രാജ് മന്ത്രാലയത്തില് സ്പെഷ്യല് സെക്രട്ടറിയായി ഡെപ്യൂട്ടേഷനില് പ്രവര്ത്തിക്കുന്ന എസ്എം വിജയകാന്ദ് ചീഫ് സെക്രട്ടറിയാകാനുള്ള താല്പര്യം സര്ക്കാരിനെ അറിയിച്ചിട്ടുണ്ട്.
എന്നാല് ജിജി തോംസണ് വിരമിക്കുമ്പോള് നിലവില് ഐഎംജി ഡയറക്ടറായ പികെ മെഹന്തിക്കാണ് സീനിയോറിറ്റി പ്രകാരം സ്ഥാനം ലഭിക്കേണ്ടത്. ജിജി തോംസണ്ന്റെ അതേ ബാച്ചുകാരനായ അദ്ദേഹത്തിന് 2016 മെയ് വരെ കാലാവധിയുണ്ട്.