Click it and Unblock the Notifications
Just In
Don't Miss
-
'വര്ഷങ്ങള്ക്ക് ശേഷം മഞ്ഞുമ്മലിനേക്കാള് നല്ല സിനിമ', വിശാഖ് ചോദിച്ചത് 15 കോടി; തമിഴ് നിര്മാതാവ് -
IPL 2024: അഭിഷേക് 218, കോലി 145! ലോകകപ്പ് ടീമില് ഇവരില് ആരെ വേണം? -
ബാച്ചിലര് സ്പെഷ്യല് ചിക്കന് ഫ്രൈ: ക്വിക്ക് ആന്റ് ഈസി റെസിപ്പി -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പിണറായി യുഎഇയിലേക്ക്, പ്രവാസികളെ കാത്തിരിക്കുന്നത് വന്‍ പ്രഖ്യാപനങ്ങള്‍
നോര്‍ക്കയുടെ ചുമതല കൂടി വഹിക്കുന്ന മുഖ്യമന്ത്രി പ്രവാസികള്‍ക്കുള്ള വന്‍ പ്രഖ്യാപനങ്ങള്‍ നടത്തുമെന്നാണ് വിവരം. വന്‍കിട വ്യവസായികളുമായി കൂടിക്കാഴ്ച നടത്തുന്ന അദ്ദേഹം സംസ്ഥാനത്ത് നിക്ഷേപമിറക്കാനും ആവശ്യപ
തിരുവന്തപുരം: മുഖ്യമന്ത്രി പിണറായി വിജയന്‍ വിദേശ പര്യടനത്തിനൊരുങ്ങുന്നു. അടുത്താഴ്ച അദ്ദേഹം ദുബായിലേക്ക് പോവും. കഴിഞ്ഞ മെയ് മാസത്തില്‍ മുഖ്യമന്ത്രിയായി ചുമതലയേറ്റ ശേഷമുള്ള പിണറായിയുടെ ആദ്യ വിദേശയാത്രയാണിത്. 10 ലക്ഷത്തോളം മലയാളികളുള്ള നാടാണ് യുഎഇ. നോര്‍ക്കയുടെ ചുമതല കൂടിയുള്ള മുഖ്യമന്ത്രിയുടെ സന്ദര്‍ശനത്തിനിടെ പ്രവാസികള്‍ക്ക് ആശ്വാസം പകരുന്ന പ്രഖ്യാപനങ്ങളുണ്ടാവുമെന്നാണ് വിവരം. നടന്‍ മമ്മുട്ടി പങ്കെടുക്കുന്ന പുരസ്‌കാരദാന ചടങ്ങിലും മുഖ്യമന്ത്രി സംബന്ധിക്കും. 22നായിരിക്കും മുഖ്യമന്ത്രി യുഎഇയിലെത്തുകയെന്നാണ് അദ്ദേഹത്തിന്റെ ഓഫിസില്‍ നിന്നുള്ള വിവരം.
രണ്ട് ദിവസം യുഎഇയില്‍ തങ്ങുന്ന മുഖ്യമന്ത്രി വിവിധ പൊതു-സ്വകാര്യ പരിപാടികളില്‍ പങ്കെടുക്കും. യുഎഇ സര്‍ക്കാരിലെ ഉന്നതരുമായി അദ്ദേഹം ചര്‍ച്ച നടത്തുമെന്ന് റിപോര്‍ട്ടുണ്ടെങ്കിലും അത് സംബന്ധിച്ച് ഔദ്യോഗിക സ്ഥിരീകരണമില്ല. മുഖ്യമന്ത്രിയുടെ ആദ്യ സന്ദര്‍ശനം യുഎഇയിലേക്കാവുന്നത് അവിടെയുള്ള മലയാളികള്‍ക്ക് കരുത്തുപകരും. മലയാളി സംഘടനകളുമായി പിണറായി ചര്‍ച്ച നടത്താനും സാധ്യതയുണ്ട്. പ്രവാസികളുടെ പ്രശ്‌നങ്ങള്‍ക്ക് പരിഹാരം കാണുകയും സന്ദര്‍ശന ലക്ഷ്യമാണ്.
അടുത്തിടെ യുഎഇ കോണ്‍സുലേറ്റ് തിരുവനന്തപുരത്ത് തുറന്നിരുന്നു. തൊട്ടുപിന്നാലെയുള്ള പിണറായിയുടെ സന്ദര്‍ശനം കേരളവും യുഎഇയും തമ്മിലുള്ള ബന്ധം ശക്തിപ്പെടുത്താനും ഉപകരിക്കും. ഷാര്‍ജ ഇന്ത്യന്‍ സ്‌കൂളിലാണ് പൊതുപരിപാടി ആസൂത്രണം ചെയ്തിട്ടുള്ളതെന്ന് മുഖ്യമന്ത്രിയുടെ യാത്രാകാര്യങ്ങളുടെ ചുമതലയുള്ള കെ എല്‍ ഗോപി പറഞ്ഞു. 10000ത്തിലധികം മലയാളികള്‍ പൊതുപരിപാടിയില്‍ പങ്കെടുക്കും. വ്യവസായികളുമായുള്ള കൂടിക്കാഴ്ചയും ഒരുക്കുന്നുണ്ട്. 200ഓളം ഇന്ത്യന്‍ വ്യവസായികള്‍ കൂടിക്കാഴ്ചക്കെത്തും. സംസ്ഥാനത്ത് കൂടുതല്‍ നിക്ഷേപമിറക്കാന്‍ വ്യവസായികളോട് മുഖ്യമന്ത്രി ആവശ്യപ്പെടും. ന്യു ഷാര്‍ജ ഇന്ത്യന്‍ സ്‌കൂളിന്റെ ഉദ്ഘാടനം 22ന് വൈകീട്ടാണ് തീരുമാനിച്ചിരിക്കുന്നത്. 24നാണ് മടക്ക യാത്ര.
