ജോര്‍ജ്ജ് 'നല്ല കുട്ടിയായി', മാണി കാണുന്നുണ്ടോ? നല്ലകുട്ടിയായതിന്‍റ ഉദ്ദേശമെന്താ?

Published: Friday, July 3, 2015, 9:25 [IST]

തിരുവനന്തപുരം: പിസി ജോര്‍ജ്ജിന്റെ കാര്യത്തില്‍ തീരുമാനം എടുക്കേണ്ടത് കേരള കോണ്‍ഗ്രസ്( എം) ആണെന്ന് യുഡിഎഫ് യോഗം . തന്നെ മുന്നണിയില്‍ നിന്ന് പുറത്താക്കാന്‍ വെല്ലുവിളിച്ച് ജോര്‍ജ്ജും രംഗത്തെത്തി . അതേ സമയം അരിവിക്കരയിലെ തോല്‍വി കണക്കിലെടുത്ത് ജോര്‍ജ്ജ് അഴിമതി വിരുദ്ധ മുന്നണി ചെയര്‍മാന്‍ സ്ഥാനം രാജിവച്ചു . ജോര്‍ജ്ജ് തന്നെയാണ് ഇക്കാര്യം തിരുവനന്തപുരത്ത് പറഞ്ഞത് .

യുഡിഎഫില്‍ ഇപ്പോഴും താനുണ്ടെന്നും രാജിവയ്ക്കാന്‍ തയ്യാറല്ലെന്നും ജോര്‍ജ്ജ്. തന്നെ മുന്നണിയില്‍ നിന്ന് പുറത്താക്കാനാണ് ജോര്‍ജ്ജിന്റെ വെല്ലുവിളി . അരുവിക്കരയില്‍ കെ ദാസ് പരാജയപ്പെട്ടതിനെത്തുടര്‍ന്നാണ ്‌ജോര്‍ജ്ജ് അഴിമതി വിരുദ്ധ മുന്നണി ചെയര്‍മാന്‍ സ്ഥാനം രാജിവച്ചത് .

ഇതിനിടെ ജോര്‍ജ്ജിന് നല്ല ബുദ്ധി ഉപദേശിച്ച ചീഫ് വിപ്പ് തോമസ് ഉണ്ണിയാടന്റെ ഉപദേശങ്ങളെ ജോര്‍ജ്ജ് പാടേ തള്ളി . മാപ്പ് അര്‍ഹിയ്ക്കാത്ത കുറ്റമാണ് ജോര്‍ജ്ജ് പാര്‍ട്ടിയോടും മുന്നണിയോടും ചെയ്തതെന്നും ജനങ്ങളോട് മാപ്പ് പറഞ്ഞ് രാഷ്ട്രീയം അവസാനിപ്പിയ്ക്കണമെന്നും കോണ്‍ഗ്രസ് എം ജനറല്‍ സെക്രട്ടറി ജോയ് എബ്രഹാം പറഞ്ഞു .

Published On July 3, 2015