നേരിയ ആശ്വാസം; സംസ്ഥാനത്ത് ഇന്ന് 20,487 പേര്ക്ക് കൊവിഡ്.. 181 മരണം.. ടെസ്റ്റ് പോസിറ്റിവിറ്റി നിരക്ക് 15.19
തിരുവനന്തപുരം; സംസ്ഥാനത്ത് ഇന്ന് 20,487 പേര്ക്ക് കോവിഡ്-19 സ്ഥിരീകരിച്ചു. തൃശൂര് 2812, എറണാകുളം 2490, തിരുവനന്തപുരം 2217, കോഴിക്കോട് 2057, കൊല്ലം 1660, പാലക്കാട് 1600, മലപ്പുറം 1554, ആലപ്പുഴ 1380, കോട്ടയം 1176, വയനാട് 849, കണ്ണൂര് 810, ഇടുക്കി 799, പത്തനംതിട്ട 799, കാസര്ഗോഡ് 284 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
കഴിഞ്ഞ 24 മണിക്കൂറിനിടെ 1,34,861 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 15.19 ആണ്. പ്രതിവാര ഇന്ഫെക്ഷന് പോപ്പുലേഷന് റേഷ്യോ (WIPR) ഏഴിന് മുകളിലുള്ള 794 തദ്ദേശ സ്വയംഭരണ പ്രദേശങ്ങളിലെ വാര്ഡുകളാണുള്ളത്. അതില് 692 വാര്ഡുകള് നഗര പ്രദേശങ്ങളിലും 3416 വാര്ഡുകള് ഗ്രാമ പ്രദേശങ്ങളിലുമാണുള്ളത്.
സംസ്ഥാനത്തെ വിവിധ ജില്ലകളിലായി 6,13,495 പേരാണ് ഇപ്പോള് നിരീക്ഷണത്തിലുള്ളത്. ഇവരില് 5,81,858 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 31,637 പേര് ആശുപത്രികളിലും നിരീക്ഷണത്തിലാണ്. 2272 പേരെയാണ് പുതുതായി ആശുപത്രിയില് പ്രവേശിപ്പിച്ചത്.
നിലവില് 2,31,792 കോവിഡ് കേസുകളില്, 12.9 ശതമാനം വ്യക്തികള് മാത്രമാണ് ആശുപത്രി/ ഫീല്ഡ് ആശുപത്രികളില് പ്രവേശിപ്പിക്കപ്പെട്ടിട്ടുള്ളത്.കഴിഞ്ഞ ദിവസങ്ങളിലുണ്ടായ 181 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 22,484 ആയി.
ഇന്ന് രോഗം സ്ഥിരീകരിച്ചവരില് 102 പേര് സംസ്ഥാനത്തിന് പുറത്ത് നിന്നും വന്നവരാണ്. 19,497 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 793 പേരുടെ സമ്പര്ക്ക ഉറവിടം വ്യക്തമല്ല. 95 ആരോഗ്യ പ്രവര്ത്തകര്ക്കാണ് രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 26,155 പേര് രോഗമുക്തി നേടി. തിരുവനന്തപുരം 1779, കൊല്ലം 2063, പത്തനംതിട്ട 1344, ആലപ്പുഴ 1738, കോട്ടയം 1463, ഇടുക്കി 863, എറണാകുളം 3229, തൃശൂര് 2878, പാലക്കാട് 1931, മലപ്പുറം 2641, കോഴിക്കോട് 3070, വയനാട് 986, കണ്ണൂര് 1550, കാസര്ഗോഡ് 620 എന്നിങ്ങനേയാണ് രോഗമുക്തിയായത്. ഇതോടെ 2,31,792 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 41,00,355 പേര് ഇതുവരെ കോവിഡില് നിന്നും മുക്തി നേടി.
അതേസമയം സംസ്ഥാനത്ത് ഇതുവരെ 79 ശതമാനം പേര്ക്ക് ഒരു ഡോസ് വാക്സിനും (2,26,89,078), 31 ശതമാനം പേര്ക്ക് രണ്ട് ഡോസ് വാക്സിനും (88,86,064) നല്കിയതായി ആരോഗ്യമന്ത്രി വീണ ജോർജ് അറിയിച്ചു.45 വയസില് കൂടുതല് പ്രായമുള്ള 94 ശതമാനത്തിലധികം ആളുകള്ക്ക് ഒറ്റ ഡോസും 51 ശതമാനം പേര്ക്ക് രണ്ട് ഡോസും വാക്സിനേഷന് സംസ്ഥാനം നല്കിയിട്ടുണ്ടെന്നും മന്ത്രി അറിയിച്ചു.
സൂപ്പര് ഹോട്ട് ലുക്കില് മൃദുല മുരളി; ട്രെന്ഡിംഗായി ചിത്രങ്ങള്
Recommended Video
സെപ്റ്റംബര് 3 മുതല് 9 വരെ കാലയളവില്, ശരാശരി 2,42,278 കേസുകള് ചികിത്സയിലുണ്ടായിരുന്നതില് 2 ശതമാനം പേര്ക്ക് മാത്രമാണ് ഓക്സിജന് കിടക്കകളും ഒരു ശതമാനം പേര്ക്ക് മാത്രമാണ് ഐസിയുവും ആവശ്യമായി വന്നത്. ഈ കാലയളവില്, കഴിഞ്ഞ ആഴ്ചയുമായി താരതമ്യം ചെയ്യുമ്പോള്റിപ്പോര്ട്ട് ചെയ്യപ്പെടുന്ന പുതിയ കേസുകളില് ഏകദേശം 20,000 കുറവ് ഉണ്ടായി. ടിപിആര്, പുതിയ കേസുകള് എന്നിവയുടെ വളര്ച്ചാ നിരക്കില് മുന് ആഴ്ചയുമായി താരതമ്യപ്പെടുത്തുമ്പോള് യഥാക്രമം 8 ശതമാനവും 10 ശതമാനവും കുറവ് ഉണ്ടായിട്ടുണ്ട്.നിലവില് 2,31,792 കോവിഡ് കേസുകളില്, 12.9 ശതമാനം വ്യക്തികള് മാത്രമാണ് ആശുപത്രി/ഫീല്ഡ് ആശുപത്രികളിലോ പ്രവേശിപ്പിക്കപ്പെട്ടിട്ടുള്ളത്, മന്ത്രി പറഞ്ഞു.
വാക്സിനേഷന് എടുത്തവരില്, രോഗലക്ഷണമുള്ളവര് മാത്രം ഡോക്ടറെ സമീപിച്ചാല് മതിയാകും. വാക്സിനേഷന് എടുക്കാത്ത ആളുകള്, രോഗലക്ഷണമുണ്ടെങ്കില്, ആര്ടിപിസിആര് പരിശോധന നടത്തേണ്ടതാണ്. ആന്റിജന് പരിശോധന അടിയന്തിര ആവശ്യങ്ങള്ക്ക് മാത്രമാണെന്നും മന്ത്രി അറിയിച്ചു.
Click it and Unblock the Notifications
Sign in with Google