വാക്സിനേഷനില് മറ്റൊരു റെക്കോര്ഡുമായി കേരളം; ഒറ്റ ദിവസം കൊണ്ട് 5.05 ലക്ഷം ഡോസ് വാക്സിന് നല്കി
തിരുവനന്തപുരം: സംസ്ഥാനത്ത് കൊവിഡ് വാക്സിനേഷനില് പുതു ചരിത്രം കുറിച്ച് സംസ്ഥാമ ആരോഗ്യവകുപ്പ്. ഇന്ന് മാത്രം കേരളത്തില് അഞ്ച് ലക്ഷത്തിൽ കൂടുതൽ ആളുകള്ക്കാണ് ഇന്ന് കൊവിഡ് വാക്സിന് നല്കിയത്.5,04,755 പേര്ക്ക് ഇന്ന് വാക്സിന് നല്കിയതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. ഈ മാസം 24ന് 4.91 ലക്ഷം പേര്ക്ക് കൊവിഡ് വാക്സിന് നല്കിയിരുന്നു. സംസ്ഥാനത്ത് കൂടുതല് വാക്സിന് ലഭ്യമായാല് ഇതുപോലെ ഉയര്ന്ന തോതില് വാക്സിനേഷന് നടത്താനാകുമെന്നും ആരോഗ്യമന്ത്രി വ്യക്തമാക്കി.
സംസ്ഥാനത്ത് ഏറ്റവും അധികം പേര്ക്ക് പ്രതിദിനം വാക്സിന് നല്കിയ ദിവസമായി ഇന്ന് മാറി. ഈ മാസം 24ന് 4.91 ലക്ഷം പേര്ക്ക് വാക്സിന് നല്കിയിരുന്നു. സംസ്ഥാനത്തിന് 2.45 ലക്ഷം ഡോസ് വാക്സിന് കൂടി ലഭ്യമായി. എറണാകുളത്ത് 2 ലക്ഷം ഡോസ് കോവിഷീല്ഡ് വാക്സിനും തിരുവനന്തപുരത്ത് 45,000 ഡോസ് കോവാക്സിനുമാണ് ലഭ്യമായത്. സുഗമമായ വാക്സിനേഷന് എത്രയും വേഗം കൂടുതല് വാക്സിന് ഒരുമിച്ച് കേന്ദ്രം ലഭ്യമാക്കേണ്ടതാണ്.
സോഷ്യൽ മീഡിയയെ ഇളക്കിമറിച്ച് വീണ്ടും സുഹാന; ഷാരൂഖിന്റെ മകളുടെ ഏറ്റവും പുതിയ ചിത്രങ്ങൾ
ഇന്ന് 1,753 വാക്സിനേഷന് കേന്ദ്രങ്ങളാണ് പ്രവര്ത്തിച്ചത്. സര്ക്കാര് തലത്തില് 1,498 കേന്ദ്രങ്ങളും സ്വകാര്യതലത്തില് 255 കേന്ദ്രങ്ങളുമാണുണ്ടായിരുന്നത്. 97,507 പേര്ക്ക് വാക്സിന് നല്കിയ തിരുവനന്തപുരം ജില്ലയാണ് മുമ്പില്. തൃശൂര് ജില്ലയില് 51,982 പേര്ക്ക് വാക്സിന് നല്കി. എറണാകുളം, കോഴിക്കോട്, കണ്ണൂര് ജില്ലകള് 40,000ലധികം പേര്ക്ക് വാക്സിന് നല്കി.
സംസ്ഥാനത്ത് 1,37,96,668 പേര്ക്ക് ഒന്നാം ഡോസും 59,65,991 പേര്ക്ക് രണ്ടാം ഡോസും ഉള്പ്പെടെ ആകെ 1,97,62,659 പേര്ക്കാണ് ഇതുവരെ വാക്സിന് നല്കിയത്. കേരളത്തിലെ 2021-ലെ എസ്റ്റിമേറ്റ് ജനസംഖ്യയനുസരിച്ച് 39.3 ശതമാനം പേര്ക്ക് ഒന്നാം ഡോസും 17 ശതമാനം പേര്ക്ക് രണ്ടാം ഡോസ് വാക്സിന് നല്കി. ഇത് ദേശീയ ശരാശരിയേക്കാളും വളരെ കൂടുതലാണ്. മാത്രമല്ല രണ്ടാം ഡോസ് ലഭിച്ചവരുടെ ശതമാനം ദേശീയ ശരാശരിയുടെ ഇരട്ടിയിലധികമാണ്.
Click it and Unblock the Notifications
Sign in with Google