നാളെ അവധിയില്ല; സ്കൂളുകള്ക്ക് ശനിയാഴ്ച പ്രവൃത്തി ദിവസമായിരിക്കുമെന്ന് വിദ്യാഭ്യാസ വകുപ്പ്
തിരുവനന്തപുരം: സംസ്ഥാനത്തെ സ്കൂളുകള്ക്ക് ശനിയാഴ്ച ( 20-8-2022 ) പ്രവൃത്തി ദിവസമായിരിക്കും എന്ന് പൊതുവിദ്യാഭ്യാസ വകുപ്പ് അറിയിച്ചു. ശക്തമായ മഴയെ തുടര്ന്ന് സ്കൂളുകള്ക്ക് പല ദിവസങ്ങളിലും അവധി നല്കിയിരുന്നു. അതിനാല് നിരവധി പാഠഭാഗങ്ങള് പഠിപ്പിച്ച് തീര്ക്കാനുണ്ട്.
ഈ സാഹചര്യത്തില് ആണ് ശനിയാഴ്ച ക്ലാസ് നടത്തും എന്ന് പൊതുവിദ്യാഭ്യാസ വകുപ്പ് അറിയിച്ചിരിക്കുന്നത്. ഓണ പരീക്ഷ ഓഗസ്റ്റ് 24-ാം തീയതി ആരംഭിക്കും. സെപ്റ്റംബര് രണ്ടാം തീയതി വരെയാകും ഇക്കുറി ഓണ പരീക്ഷ.
ഓണ പരീക്ഷയ്ക്കു ശേഷം സെപ്റ്റംബര് രണ്ടിന് ഓണാഘോഷത്തോടെ സ്കൂളുകള് അടയ്ക്കും. സെപ്റ്റംബര് 3 മുതല് 11 വരെയാണ് ഓണം അവധി. സെപ്റ്റംബര് 12 - നാണ് ഓണ അവധിക്ക് ശേഷം സ്കൂളുകള് വീണ്ടും തുറക്കുന്നത്.
ഡോളോ കുറിച്ച് നല്കാന് 1000 കോടി; അതീവ ഗൗരവതരമെന്ന് സുപ്രീംകോടതി, കേന്ദ്രത്തിന് നോട്ടീസ്
ജൂലൈ അവസാന വാരങ്ങളിലും ഓഗസ്റ്റ് ആദ്യ വാരങ്ങളിലും സംസ്ഥാനത്ത് പലയിടത്തും ദിവസങ്ങളോളം ശക്തമായ മഴയാണ് പെയ്തിരുന്നത്. പല ജില്ലകളിലും റെഡ് അലര്ട്ട് പ്രഖ്യാപിക്കുന്ന സാഹചര്യമുണ്ടായി. പ്രധാനപ്പെട്ട പല അണക്കെട്ടുകളുടേയും ഷട്ടറും തുറന്നിരുന്നു. ഈ സാഹചര്യത്തിലാണ് പല ജില്ലകളിലേയും വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചത്.
ദിലീപ് കേസ്: ഇന്ന് നിർണായകം, അതിജീവിതയുടെ ആവശ്യം, ഹൈക്കോടതിയിലും വിചാരണ കോടതിയിലും
കൂടാതെ ഇതിനിടയില് മുഹറം, ശ്രീകൃഷ്ണ ജയന്തി തുടങ്ങിയ അവധി ദിനങ്ങളും വന്നിരുന്നു. ഇതോടെ കൂടുതല് ക്ലാസ് ഈ മാസം നഷ്ടമാകുന്ന സ്ഥിതി വന്നു. ഈ സാഹചര്യം കൂടി കണക്കിലെടുത്താണ് ശനിയാഴ്ച പ്രവൃത്തി ദിനമായിരിക്കും എന്ന് പൊതുവിദ്യാഭ്യാസ വകുപ്പ് അറിയിച്ചത്.
Recommended Video
അദാനിയും അംബാനിയും രത്തന് ടാറ്റയും എത്ര വരെ പഠിച്ചു? വിദ്യാഭ്യാസ യോഗ്യത എന്ത്? അറിയാം