തിരുവനന്തപുരം: കേരളത്തിലെ ലോകസഭാ തിരഞ്ഞെടുപ്പ് പിക്ചർ ക്ലിയറാകുന്നു. ജൂണ് ഒന്നിന് വന്ന മിക്ക എക്സിറ്റ് പോളുകളും കേരളത്തില് യുഡിഎഫ് തരംഗമാണ് പ്രവചിച്ചിരുന്നത്. അതോടൊപ്പം ചരിത്രത്തിലാദ്യമായി ബിജെപിക്ക് കേരളത്തില് നിന്ന് ലോക്സഭയില് പ്രതിനിധിയുണ്ടാകും എന്നും ഭരണകക്ഷിയായ എല്ഡിഎഫ് കനത്ത തിരിച്ചടി നേരിടും എന്നുമായിരുന്നു എക്സിറ്റ് പോള് പ്രവചനം. അത് ശരിവെക്കുന്നതാണ് തിരഞ്ഞെടുപ്പ് ഫലം.
എല്ലാ പ്രവചനങ്ങള്ക്കും നിരീക്ഷണങ്ങള്ക്കുമുള്ള അവസാനം വന്നിരിക്കുകയാണ്. 20 ലോക്സഭാ മണ്ഡലങ്ങളില് 18 മണ്ഡലങ്ങളില് യുഡിഎഫിന് വിജയം നേടാന് സാധിച്ചിട്ടുണ്ട്. ഒരിടത്ത് മാത്രമാണ് എല്ഡിഎഫിന് ലീഡ് നേടാനായത്. അതേസമയം ബിജെപിയ്ക്ക് ആദ്യ വിജയം നേടാനും സാധിച്ചിട്ടുണ്ട്. 2019 ലെ തിരഞ്ഞെടുപ്പില് 20 ല് 19 സീറ്റും നേടി യുഡിഎഫ് ചരിത്ര വിജയം സ്വന്തമാക്കിയിരുന്നു.
ഇത്തവണ കേരളത്തില് എല്ഡിഎഫിനൊപ്പം നിന്നത് ആലത്തൂർ മണ്ഡലം മാത്രമായിരുന്നു. ആറ്റിങ്ങലില് ലീഡ് എല്ഡിഎഫിനും യുഡിഎഫിനും ഇടയില് മാറിമറിഞ്ഞിരുന്നു. പക്ഷെ ഒടുവില് വിജയം യുഡിഎഫിനൊപ്പം നില്ക്കുകയായിരുന്നു. ഏപ്രില് 26 ന് ലോക്സഭാ തിരഞ്ഞെടുപ്പിന്റെ രണ്ടാം ഘട്ടത്തിലായിരുന്നു കേരളത്തില് വോട്ടെടുപ്പ്. കേരളത്തിലെ 2.77 കോടി വോട്ടര്മാരില് 1.97 കോടിപ്പേരും സമ്മതിദാനാവകാശം വിനിയോഗിച്ചു.
കേരളത്തിലെ പോളിങ് ശതമാനം 71.27 ശതമാനം പേരാണ് സംസ്ഥാനത്ത് വോട്ട് ചെയ്തത്. 2019-ല് 77.67 ശതമാനമായിരുന്നു പോളിംഗ്. വടകര ലോക്സഭാ മണ്ഡലത്തിലാണ് ഉയര്ന്ന പോളിംഗ് രേഖപ്പെടുത്തിയത്, 78.41 ശതമാനം. പത്തനംതിട്ടയിലാണ് കുറഞ്ഞ പോളിംഗ് രേഖപ്പെടുത്തിയത്-63.37 ശതമാനം.
തിരഞ്ഞെടുപ്പ് ഫലം- തത്സമയ വിവരങ്ങൾ...
Jun 04, 2024, 9:14 pm IST
കേരളത്തിൽ നിന്ന് ഡൽഹിയിലേക്ക് തിരിച്ച് കെ സി വേണുഗോപാൽ. ആലപ്പുഴയിൽ നിന്ന് മത്സരിച്ച് വിജയിച്ച കെ സി വേണുഗോപാൽ ഇന്ത്യ സഖ്യത്തിൻ്റെ ഭാവി പരിപാടികൾ ചർച്ച ചെയ്യുന്നതിനായാണ് ഡൽഹിക്ക് പോയത്
Jun 04, 2024, 8:50 pm IST
'കേരളത്തിൽ ബിജെപിക്ക് ആദ്യമായി സീറ്റ് നേടാൻ സാധിച്ചു'.കേരളത്തിലെ പ്രവർത്തകരുടെ ത്യാഗത്തിനുളള പ്രതിഫലമെന്ന് മോദി
Jun 04, 2024, 8:48 pm IST
അനന്തപുരിയിലെ ജനങ്ങൾ മൂന്ന് തവണ നൽകിയ വിശ്വാസം നാലാം തവണയും നൽകി, അവർക്ക് വേണ്ടി പ്രവർത്തിക്കും. തൃശൂരും തിരുവനന്തപുരത്തുമാണ് ബിജെപി ജയിക്കാനുള്ള എല്ലാ ശ്രമവും നടത്തിയതെന്നും തരൂർ
Jun 04, 2024, 8:28 pm IST
ലോക്സഭയിലേക്ക് യുഡിഎഫ് അനുകൂല വിധിയാണ് ഉണ്ടാകാറുള്ളതെന്ന് സിപിഎം. പാർട്ടിക്ക് ഒരു സീറ്റ് പോലും ലഭിക്കാത്ത സാഹചര്യമുണ്ടായിട്ടുണ്ട്. പരിശോധന നടത്തി തിരുത്തലുമായി മുന്നോട്ട് പോകുമെന്നും സിപിഎം
Jun 04, 2024, 8:23 pm IST
ട്വന്റി 20 ക്രിക്കറ്റിലെ സൂപ്പര് ഓവര് പോലെയാണ് തിരുവനന്തപുരം മണ്ഡലത്തിൽ ഉണ്ടായതെന്നും അതിൽ ജയിക്കാൻ കഴിഞ്ഞെന്നും യു ഡി എഫ് സ്ഥാനാർത്ഥി ശശി തരൂർ. പ്രതീക്ഷിക്കാത്ത വെല്ലുവിളിയാണ് ഇത്തവണ ഉണ്ടായതെന്നും ശശി തരൂർ
Jun 04, 2024, 8:13 pm IST
ലോക് സഭാ തിരഞ്ഞെടുപ്പ് ഫലം പുറത്തുവന്നതിന് പിന്നാലെ പാലക്കാട് യുഡിഎഫ് - എൽഡിഎഫ് പ്രവർത്തകർ തമ്മിൽ സംഘർഷം
Jun 04, 2024, 7:48 pm IST
കേരളത്തിലെ പാർട്ടികളുടെ വോട്ട് ശതമാനം
Jun 04, 2024, 7:44 pm IST
കോണ്ഗ്രസിന്റെ ഒരു കമ്മിറ്റികളിലും ഇനി പങ്കെടുക്കില്ലെന്ന് കെ മുരളീധരന്.
Jun 04, 2024, 7:39 pm IST
ലോകസഭാ തിരഞ്ഞെടുപ്പ് ഫലം
Jun 04, 2024, 7:26 pm IST
എല്ഡിഎഫായിരുന്നു വിജയിച്ചിരുന്നതെങ്കില് ഇത്ര വിഷമം വരില്ലായിരുന്നു എന്ന് മുരളീധരന്. വികാരഭരിതനായി മുരളീധരന്.
Jun 04, 2024, 7:20 pm IST
നേതൃത്വത്തിനെതിരെ മുരളീധരന്
വടകരയില് തന്നെ നിന്നാല് ജയിക്കുമായിരുന്നു. കുരുതിയ്ക്ക് നിന്നു കൊടുക്കാന് പാടില്ലായിരുന്നു. സുരേഷ് ഗോപിയ്ക്ക് വേണ്ടി പ്രധാനമന്ത്രിയും സുനില് കുമാറിന് വേണ്ടി മുഖ്യമന്ത്രിയും വന്നു. തനിക്ക് വേണ്ടി ആരും വന്നില്ലെന്നും മുരളീധരന്.
Jun 04, 2024, 7:14 pm IST
ഇനിയൊരു മത്സരത്തിനില്ല: കെ മുരളീധരന്
ഇനിയൊരു മത്സരത്തിനില്ലെന്ന് കെ മുരളീധരന്. പൊതുരംഗത്തു നിന്നും വിട്ടു നില്ക്കും. വൈകാരിക പ്രതികരണവുമായി മുരളീധരന്. നേതൃത്വത്തെ വിമര്ശിച്ചും മുരളി. തനിക്കായി ആരും പ്രചരണത്തിന് വന്നില്ലെന്ന് മുരളീധരന്
Jun 04, 2024, 6:55 pm IST
ആറ്റിങ്ങലില് റീകൗണ്ടിംഗ്. പോസ്റ്റല് വോട്ടുകളാണ് വീണ്ടും എണ്ണുന്നത്. എല്ഡിഫിന്റെ ആവശ്യപ്രകാരമാണ് നടപടി.
Jun 04, 2024, 6:54 pm IST
അപ്രതീക്ഷിത പരാജയം
ന്യൂനപക്ഷ വോട്ടിലുണ്ടായ വിള്ളല് തൃശൂരില് ബിജെപിക്ക് നേട്ടമായി എന്ന് കെ മുരളീധരന്. താന് നേരിട്ടത് അപ്രതീക്ഷിത പരാജയം എന്നും മുരളീധരന്
Jun 04, 2024, 6:52 pm IST
സര്ക്കാരിനെതിരെയുള്ള ജനവികാരമാണ് തിരഞ്ഞെടുപ്പില് കണ്ടതെന്ന് കെ മുരളീധരന്. ഒരിക്കലും നടക്കരുതെന്ന് എല്ലാവരും ആഗ്രഹിച്ച വിജയം തൃശ്ശൂരില് ബിജെപി നേടി. ദൗര്ഭാഗ്യകരമാണെന്നും പരാജയത്തെപ്പറ്റി മുരളീധരന്. പതിവില്ലാത്ത വിധം ബിജെപി സാന്നിധ്യം അറിയിച്ചത് ജാഗ്രതയോടെ കാണണമെന്നും മുരളീധരന്. തൃശ്ശൂരില് ന്യൂനപക്ഷ വോട്ടുകളില് ബിജെപിയ്ക്ക് വിള്ളലുണ്ടാക്കാനായതാണ് പരാജയ കാരണമെന്നും മുരളീധരന്.
Jun 04, 2024, 6:31 pm IST
പൊന്നാനിയുടെ പൊന്ന്
Jun 04, 2024, 6:26 pm IST
പാലക്കാട് ശ്രീകണ്ഠനൊപ്പം
Jun 04, 2024, 6:24 pm IST
മലപ്പുറത്തിന്റെ മുത്ത്
Jun 04, 2024, 6:22 pm IST
ചാലക്കുടിയുടെ ചങ്കില്
Jun 04, 2024, 6:22 pm IST
എറണാകുളത്തിന്റെ വെെബ് ഹെെബിയ്ക്കൊപ്പം
Jun 04, 2024, 5:45 pm IST
ഹെെറേഞ്ചില് ഡീന്
Jun 04, 2024, 5:41 pm IST
കോട്ടയത്ത് ഫ്രാന്സിസ് ജോർജ്
Jun 04, 2024, 5:33 pm IST
കനല്ത്തരി
Jun 04, 2024, 5:33 pm IST
തൃശ്ശൂർ എടുത്തു
Jun 04, 2024, 5:30 pm IST
കൊല്ലത്തിന്റെ പ്രേമലു
Jun 04, 2024, 5:28 pm IST
ആലപ്പുഴയുടെ കെസി
Jun 04, 2024, 5:27 pm IST
കൊടി നാട്ടി കൊടിക്കുന്നില്
Jun 04, 2024, 5:18 pm IST
തോല്വി പരിശോധിക്കും
തോല്വി പരിശോധിക്കും. തിരുത്തേണ്ടതുണ്ടെങ്കില് തിരുത്തുമെന്ന് എംവി ഗോവിന്ദന്. ഭരണവിരുദ്ധ വികാരം മാത്രമല്ല തിരഞ്ഞെടുപ്പില് പ്രതിഫലിച്ചതെന്നും അദ്ദേഹം.
Jun 04, 2024, 5:11 pm IST
കോഴിക്കോട് എംകെ രാഘവന് വിജയം
Jun 04, 2024, 5:09 pm IST
പിക്ചർ ക്ലിയർ ആകുന്നു
ആറ്റിങ്ങലിലേയും അന്തിമഫലം പുറത്ത് വന്നതോടെ, കേരളത്തില് 18 മണ്ഡലങ്ങളിലും വിജയം ഉറപ്പിച്ച് യുഡിഎഫ്. തൃശ്ശൂരിലെ സുരേഷ് ഗോപിയുടെ വിജയത്തോടെ കേരളത്തില് അക്കൗണ്ട് തുറന്നിരിക്കുകയാണ് എന്ഡിഎ. അതേസമയം ഇത്തവണയും ഒരു സീറ്റില് മാത്രമാണ് എല്ഡിഎഫിന് വിജയിക്കാനായത്. ആലത്തൂരിലാണ് എല്ഡിഎഫിന് വിജയിക്കാനായത്.
READ MORE
1:02 AM, 4 Jun
കേരളം
വോട്ടെണ്ണലിനുള്ള ഒരുക്കങ്ങള് പൂര്ത്തിയായി
സംസ്ഥാനത്ത് 20 കേന്ദ്രങ്ങളിലാണ് വോട്ടെണ്ണല് സജ്ജീകരിച്ചിരിക്കുന്നത്. ഓരോ അസംബ്ലി മണ്ഡലത്തിലെയും വോട്ടെണ്ണാന് ഓരോ ഹാള് തയ്യാറാക്കിയിട്ടുണ്ട്. ഓരോ ഹാളിലും പരമാവധി 14 മേശകള് വീതം. ഓരോ മേശയ്ക്കും ഗസറ്റഡ് റാങ്കിലെ ഒരു ഉദ്യോഗസ്ഥന് കൗണ്ടിങ് സൂപ്പര്വൈസറായും ഒരു കൗണ്ടിങ് അസിസ്റ്റന്റ്, ഒരു മൈക്രോ ഒബ്സര്വര് എന്നിവരും ഉണ്ടാകും.
1:05 AM, 4 Jun
കേരളം
സംസ്ഥാനത്തെ 2019 ലെ ലോക്സഭാ തിരഞ്ഞെടുപ്പ് അനുസരിച്ചുള്ള കക്ഷിനില
1:06 AM, 4 Jun
എ ക്ലാസ് മണ്ഡലങ്ങള് ഇവ
വടകര, തൃശൂര്, തിരുവനന്തപുരം, കണ്ണൂര്, ആലത്തൂര് എന്നിവയാണ് സംസ്ഥാനത്ത് പ്രധാന പോരാട്ടം നടക്കുന്ന മണ്ഡലങ്ങള്. എക്സിറ്റ് പോളുകളിലും ഇവിടങ്ങളില് പ്രവചിച്ചിരിക്കുന്നത് വാശിയേറിയ മത്സരം
1:08 AM, 4 Jun
പോളിംഗ് കുറഞ്ഞത് ആരെ തുണക്കും?
ഏപ്രില് 26 ന് നടന്ന വോട്ടെടുപ്പില് രേഖപ്പെടുത്തിയത് 71.27 ശതമാനം പോളിംഗ്. 2019 നെ (77.67 ശതമാനം) അപേക്ഷിച്ച് കുറഞ്ഞത് 6.4 ശതമാനം.
5:14 AM, 4 Jun
വടകരയിലാര്?
എല്ലാവരും അതീവ പ്രാധാന്യത്തോടെ ഉറ്റുനോക്കുന്ന മണ്ഡലം വടകരയാണ്. വാശിയേറി പോരാട്ടം നടന്ന മണ്ഡലത്തില് ഇരുമുന്നണികളും വലിയ അവകാശവാദങ്ങളാണ് ഉന്നയിക്കുന്നത്
5:43 AM, 4 Jun
നിരോധനാജ്ഞ
ലോക്സഭാ തെരഞ്ഞെടുപ്പിലെ വോട്ടെണ്ണല് നടക്കുന്ന ഇന്ന് വിവിധ വോട്ടെണ്ണല് കേന്ദ്രങ്ങളുടെ പരിസരങ്ങളില് നിരോധനാജ്ഞ പ്രഖ്യാപിച്ചു
5:45 AM, 4 Jun
അനുമതി ആർക്കൊക്കെ
നിരോധനാജ്ഞ പ്രകാരം പൊതുയോഗമോ അഞ്ചുപേരില് കൂടുതല് ആളുകള് കൂട്ടം കൂടാനോ പാടില്ല. രാവിലെ 5 മണി മുതല് വൈകിട്ട് 5 മണി വരെയാണ് നിരോധനജ്ഞ. അടിയന്തര വൈദ്യ സഹായം, നിയമ പാലനം, അഗ്നി സുരക്ഷ, സര്ക്കാര് പ്രവര്ത്തികള് എന്നിവയ്ക്ക് അനുമതി ഉണ്ടാകും.
5:53 AM, 4 Jun
കൊല്ലം
കൊല്ലം ജില്ലയില് വോട്ടെണ്ണല് നടക്കുന്ന തങ്കശ്ശേരി സെന്റ് അലോഷ്യസ് സ്കൂള് പരിസരത്ത് നിരോധനാജ്ഞ പ്രഖ്യാപിച്ച് ജില്ലാ കളക്ടർ
6:05 AM, 4 Jun
സ്കൂള് അവധി
വോട്ടെണ്ണല് നടക്കുന്ന എല്ലാ വിദ്യാലയങ്ങള്ക്കും ഇന്ന് അവധി
6:17 AM, 4 Jun
കോഴിക്കോട് ജില്ലയുടെ വിവിധ മേഖലകളില് കനത്ത സുരക്ഷയാണ് പൊലീസ് ഏർപ്പെടുത്തിയിരിക്കുന്നത്. കോഴിക്കോട്, വടകര ലോക്സഭ മണ്ഡലങ്ങളുടെ വോട്ടെണ്ണല് നടക്കുന്ന വെള്ളിമാടുകുന്ന് ജെഡിടി ഗ്രൂപ്പ് ഓഫ് ഇന്സ്റ്റിറ്റിയൂഷന്സ് പരിധിയിയില് നിരോധനാജ്ഞ പ്രഖ്യാപിച്ചു
6:25 AM, 4 Jun
വയനാട്
വയനാട് ജില്ലയിലെ വോട്ടെണ്ണല് കേന്ദ്രമായ മുട്ടില് ഡബ്ല്യുഎംഎ ആര്ട്സ് ആന്ഡ് സയന്സ് കോളേജ് പരിസരത്തും നിരോധനാജ്ഞ പ്രഖ്യാപിച്ചിട്ടുണ്ട്.
6:26 AM, 4 Jun
വിവിധ മണ്ഡലങ്ങളിലെ സ്ട്രോങ്ങ് റൂമുകള് തുറന്നു
6:36 AM, 4 Jun
അവകാശവാദങ്ങള്
അവകാശവാദങ്ങളുമായി സ്ഥാനാർത്ഥികള്. പൂർണ്ണ ആത്മവിശ്വാസമെന്ന് ആലത്തൂരിലെ യുഡിഎഫ് സ്ഥാനാർത്ഥി രമ്യ ഹരിദാസ്
6:42 AM, 4 Jun
വെള്ളിമാടുകുന്ന് ജെഡിടിയിലെ തപാൽ വോട്ടിന്റെ സ്ട്രോങ്ങ് റൂം ജില്ലാ കലക്ടർ സ്നേഹിൽ കുമാർ സിംഗിന്റെ നേതൃത്വത്തിൽ തുറക്കുന്നു
6:45 AM, 4 Jun
പാലക്കാട് പിടിക്കും
2019ല് പാലക്കാട് അപ്രതീക്ഷിത തോല്വിയായിരുന്നുവെന്ന് എ വിജയരാഘവന്. ഇത്തവണ ജനങ്ങള് ഇടതുപക്ഷത്തിനൊപ്പം നില്ക്കുമെന്നും വിജയരാഘവന്.
6:58 AM, 4 Jun
എക്സിറ്റ് പോളുകളില് വിശ്വസിക്കുന്നില്ല
എക്സിറ്റ് പോളുകളില് വിശ്വസിക്കുന്നില്ല. ജനവിധിയില് പ്രതീക്ഷയുണ്ടെന്ന് വി ജോയ്
7:04 AM, 4 Jun
ജനങ്ങള് വിശ്വസിക്കുന്നത് എല്ഡിഎഫിനെ
ജനങ്ങള് വിശ്വസിക്കുന്നത് എല്ഡിഎഫിനെ എന്ന് സി രവീന്ദ്രനാഥ്. എല്ഡിഎഫ് മതേതരമാണ്. അതാണ് ഈ തിരഞ്ഞെടുപ്പിന്റെ രാഷ്ട്രീയമെന്നും സി രവീന്ദ്രനാഥ്
7:21 AM, 4 Jun
രാഹുല് ഗാന്ധിയുടെ പ്രതീക്ഷ തകരും
നരേന്ദ്രമോദിയ്ക്ക് ശക്തമായ ജനപിന്തുണ കേരളത്തില് ഉണ്ടായിട്ടുണ്ട്. രാഹുല് ഗാന്ധിയുടെ പ്രതീക്ഷ തകരും. കേരളത്തില് ബിജെപി അക്കൗണ്ട് തുറക്കുമെന്ന് കെ സുരേന്ദ്രന്
7:39 AM, 4 Jun
കേരളത്തിൽ 5-6 സീറ്റുകളിൽ വിജയം പ്രതീക്ഷിക്കുന്നുവെന്ന് കെ സുരേന്ദ്രൻ. രാജ്യത്ത് മോദി അനുകൂല തരംഗമെന്നും സുരേന്ദ്രൻ
7:46 AM, 4 Jun
എക്സിറ്റ് പോളുകളില് വിശ്വസിക്കുന്നില്ല. കഴിഞ്ഞ തവണയും എക്സിറ്റ് പോളുകള് പറഞ്ഞത് പരാജയപ്പെടുമെന്നായിരുന്നു എന്ന് എഎം ആരിഫ്
7:52 AM, 4 Jun
വിജയ പ്രതീക്ഷയെന്ന് ഷാഫി
പാലക്കാട് ഉപതിരഞ്ഞെടുപ്പ് നടക്കും. വടകരയില് വിജയ പ്രതീക്ഷയുണ്ടെന്ന് ഷാഫി പറമ്പില്
8:01 AM, 4 Jun
വോട്ടെണ്ണല് ആരംഭിച്ചു
കാത്തിരിപ്പുകള് അവസാനിക്കുന്നു. വോട്ടെണ്ണല് ആരംഭിച്ചു. ആദ്യം എണ്ണുന്നത് പോസ്റ്റല് വോട്ടുകള്. ആദ്യ ലീഡ് നിലകള് ഉടനെ പുറത്തു വരും.
8:06 AM, 4 Jun
രണ്ടിടത്ത് യുഡിഎഫ് മുന്നില്
രണ്ടിടത്ത് യുഡിഎഫ് മുന്നില്
തിരുവനന്തപുരത്ത് ശശി തരൂര് ലീഡ് ചെയ്യുന്നു. 19 വോട്ടിന്റെ ലീഡ്. ആറ്റിങ്ങലില് അടൂർ പ്രകാശിനും ലീഡ്
Click it and Unblock the Notifications
Sign in with Google