കേരളത്തില് 2011 ആവര്ത്തിക്കും..? യുഡിഎഫിന് കഷ്ടിച്ച് ഭൂരിപക്ഷം ലഭിക്കും
സംസ്ഥാനത്ത് എല് ഡി എഫും യു ഡി എഫും തമ്മില് ശക്തമായ മത്സരമെന്ന് പി-മാര്ക്യു സര്വേ. 2011 ലെ നിയമസഭാ തിരഞ്ഞെടുപ്പിന് സമാനമായി ശക്തമായ പോരാട്ടമാണ് ഇരുമുന്നണികളും തമ്മില് നടക്കുന്നത് എന്നാണ് സര്വേയുടെ പ്രവചനം. ആകെയുള്ള 140 നിയമസഭാ സീറ്റില് യു ഡി എഫിന് 72 മുതല് 79 സീറ്റ് വരെയാണ് പി-മാര്ക്യു പ്രവചിക്കുന്നത്. 71 സീറ്റാണ് സംസ്ഥാനത്ത് അധികാരത്തിലേറാന് വേണ്ട ഭൂരിപക്ഷം.
തുടര്ഭരണം ലക്ഷ്യം കണ്ട് വരുന്ന എല് ഡി എഫ് 62 മുതല് 69 സീറ്റ് വരെ നേടും. മറ്റുള്ളവര് മൂന്ന് സീറ്റ് വരെയും നേടും. ഈ പ്രവചനം യാഥാര്ത്ഥ്യമായാല് 2011 ലെ നിയമസഭാ തിരഞ്ഞെടുപ്പിലേതിന് പോലെയായിരിക്കും അടുത്ത കേരള നിയമസഭയിലെ കക്ഷി നില. അന്ന് 140 അംഗ നിയമസഭയില് യു ഡി എഫ് 72 സീറ്റ് നേടിയപ്പോള് എല് ഡി എഫ് 68 സീറ്റാണ് നേടിയത്. ഇതേ സാഹചര്യത്തിലേക്കാണ്് ഇത്തവണത്തെ തിരഞ്ഞെടുപ്പും വിരല് ചൂണ്ടുന്നത്.
ഇന്ന് പുറത്തുവന്ന എല്ലാ എക്സിറ്റ് പോളുകളും യു ഡി എഫിനാണ് സംസ്ഥാനത്ത് മേല്ക്കൈ പ്രവചിച്ചിരിക്കുന്നത്. അങ്ങനെ വന്നാല് 10 വര്ഷത്തിന് കോണ്ഗ്രസ് കേരളത്തില് അധികാരത്തിലെത്തും. 2016 ലും 2021 ലും 90 ലേറെ സീറ്റ് നേടിയാണ്് എല് ഡി എഫ് കേരളത്തില് അധികാരം നേടിയത്. ഈ പ്രവചനങ്ങള് നിലനില്ക്കുകയാണെങ്കില്, നിലവിലെ മുഖ്യമന്ത്രി പിണറായി വിജയന് ഇത് ഗണ്യമായ തിരിച്ചടിയാകുകയും പ്രതിപക്ഷത്തിന് പുതിയൊരു ഉത്തേജനം നല്കുകയും ചെയ്യും.
വോട്ടെടുപ്പ് അവസാനിച്ചതിന് ശേഷം പുറത്തുവന്ന ആദ്യ പ്രവചനങ്ങള് ഭരണകക്ഷിയായ ഇടതുപക്ഷ ജനാധിപത്യ മുന്നണിയെ ക്കാള് യുഡിഎഫ് വ്യക്തമായ മുന്തൂക്കം നേടിയിട്ടുണ്ടെന്നാണ് സൂചിപ്പിക്കുന്നത്. കൃത്യമായ സീറ്റ് നില ഏജന്സികള്ക്കിടയില് വ്യത്യാസപ്പെട്ടിരിക്കുമെങ്കിലും, 140 അംഗ നിയമസഭയില് കോണ്ഗ്രസ് നയിക്കുന്ന സഖ്യം ഭൂരിപക്ഷം മറികടക്കുമെന്ന് വ്യാപകമായ പ്രവണത സൂചിപ്പിക്കുന്നു.
എക്സിറ്റ് പോളുകള് ശരിയാണെങ്കില്, 2026 ലെ വിധി കേരളത്തിന്റെ പരിചിതമായ റൊട്ടേഷന് രാഷ്ട്രീയത്തിലേക്കുള്ള തിരിച്ചുവരവിനെ അടയാളപ്പെടുത്തും. പതിറ്റാണ്ടുകളായി, സംസ്ഥാനത്ത് എല്ഡിഎഫും യുഡിഎഫും ആണ് മാറി മാറി ഭരിക്കുന്നത്. 2021 ല് ആണ് ഇതിന് മാറ്റം വന്നത്. നിലവിലെ എക്സിറ്റ് പോളുകള് സൂചിപ്പിക്കുന്നത് ഭരണവിരുദ്ധ വികാരം യു ഡി എഫിന് തുണയാകും എന്നാണ്.
Click it and Unblock the Notifications
Sign in with Google