ആലപ്പുഴ നഗരത്തില്‍ വെള്ളം കയറുന്നു; തോടുകളും കായലുകളും കരകവിഞ്ഞു!! അടിയൊഴുക്ക് ശക്തം

ആലപ്പുഴ: ജില്ലയിലെ കായലുകളും തോടുകളും കരകവിഞ്ഞ് നഗരത്തിലേക്ക് വെള്ളം ഒഴുകുന്നു. അപകടകരമായ തോതില്‍ ജലനിരപ്പ് വര്‍ധിച്ചിട്ടുണ്ട്. അടിയൊഴുക്ക് ശക്തമാണ്. പല വീടുകളിലും വെള്ളം കയറുകയാണ്. ജനങ്ങള്‍ ജാഗ്രത പാലിക്കണമെന്ന് നിര്‍ദേശമുണ്ട്. എഎസ് കനാല്‍ കവിഞ്ഞ് ആലപ്പുഴയിലേക്ക് വെള്ളം കയറുന്നുണ്ട്.

നഗരത്തിലെ ചില പ്രദേശങ്ങളില്‍ ഗതാഗതം നിരോധിച്ചിരിക്കുകയാണ്. വെള്ളിയാഴ്ച രാത്രി തുടങ്ങിയ മഴയ്ക്ക് അല്‍പ്പം ശമനം വന്നിരുന്നെങ്കിലും വീണ്ടും മഴ ശക്തിപ്പെട്ടത് ആശങ്ക ഇരട്ടിയാക്കിയിട്ടുണ്ട്. വേമ്പനാട്ട് കായലിലെ എല്ലാ ബോട്ടുകളും രക്ഷാ പ്രവര്‍ത്തനത്തിനായി പിടിച്ചെടുക്കാന്‍ മന്ത്രി ജി സുധാകരന്‍ നിര്‍ദേശം നല്‍കി.

വൈഎംസിഎ റോഡില്‍ വെള്ളം റോഡ് നിരപ്പിനൊപ്പമായി. മാതാ ജെട്ടിയില്‍ ബോട്ട് നില്‍ക്കുന്നത് റോഡ് നിരപ്പിന് മുകളിലാണ്. ആലപ്പുഴ ബീച്ചിന് സമീപം കനാലിനെയും കടലിനെയും ബന്ധിപ്പിക്കുന്ന പൊഴി മുറിക്കാന്‍ കളക്ടര്‍ നിര്‍ദേശം നല്‍കി. ചേര്‍ത്തല താലൂക്കിലടക്കം കായലോര മേഖലകൡ വെള്ളം കയറിയിട്ടുണ്ട്.

കുട്ടനാട്ടില്‍ ജലനിരപ്പ് ഉയരുന്നത് ആശങ്കക്കിടയാക്കി. മിത്രക്കരി, പുളിങ്കരി, രാമങ്കരി, ചമ്പക്കുളം എന്നിവിടങ്ങളില്‍ നിന്ന് 300ലധികം പേരെ തോണികളില്‍ രക്ഷപ്പെടുത്തി. ഇനിയും ഒട്ടേറെപേര്‍ ഇവിടെ കുടുങ്ങിക്കിടക്കുകയാണ്. ചങ്ങനാശേരി കേന്ദ്രീകരിച്ചാണ് രക്ഷാപ്രവര്‍ത്തനം.

രക്ഷപ്പെട്ടവര്‍ തീര്‍ത്തും അവശരാണ്. സ്‌കൂളുകളും പള്ളികളും അവരുടെ വാഹനങ്ങള്‍ രക്ഷാപ്രവര്‍ത്തനത്തിന് വിട്ടുകൊടുത്തിരിക്കുകയാണ്. ചെറുവള്ളങ്ങളില്‍ നാട്ടുകാര്‍ രക്ഷാപ്രവര്‍ത്തനത്തിന് മുന്നിട്ടിറങ്ങിയിട്ടുണ്ട്.

അടിയന്തര സഹായത്തിന് 1077 എന്ന ടോള്‍ഫ്രീ നമ്പറിലേക്ക് വിളിക്കാം. സ്ഥലത്തെ ടഠഉ രീറല ചേര്‍ത്ത് വേണം 1077ലേക്ക് വിളിക്കാന്‍

വിളിക്കേണ്ട മറ്റ് നമ്പറുകള്‍ ചുവടെ ചേര്‍ത്തിരിക്കുന്നു

തിരുവനന്തപുരം- 0471 2730045
കൊല്ലം- 0474 2794002
പത്തനംതിട്ട- 0468 2322515
ആലപ്പുഴ- 0477 2238630
കോട്ടയം 0481 2562201
ഇടുക്കി 0486 2233111
എറണാകുളം 0484 2423513
തൃശ്ശൂര്‍ 0487 2362424
പാലക്കാട് 0491 2505309
മലപ്പുറം 0483 2736320
കോഴിക്കോട് 0495 2371002
വയനാട് 9207985027
കണ്ണൂര്‍ 0468 2322515

ജില്ലാ കണ്‍ട്രോള്‍ റൂമുകളില്‍ വിളിച്ച് കിട്ടാത്തവര്‍ക്കായി

പത്തനംതിട്ട 8078808915(വാട്സാപ്പ്), 0468 2322515, 2222515
ഇടുക്കി 9383463036(വാട്സാപ്പ്) 0486 233111, 2233130
കൊല്ലം 9447677800(വാട്സാപ്പ്) 0474 2794002
ആലപ്പുഴ 9495003640(വാട്സാപ്പ്) 0477 2238630
കോട്ടയം 9446562236(വാട്സാപ്പ്), 0481 2304800
എറണാകുളം 7902200400(വാട്സാപ്പ്) 0484 2423513 2433481

കോഴഞ്ചേരി ആറന്മുള ഭാഗത്തുള്ളവര്‍ക്ക് ബന്ധപ്പെടാം

സോണി(ആറന്മുള) 9496370751
പ്രദീപ് സിഎസ് (കോഴഞ്ചേരി) 9496805541
സതീഷ് (അയിരൂര്‍) 8547611214
ഹരീന്ദ്രനാഥ് (തൊട്ടപ്പുഴശ്ശേരി) 8547611209
പ്രിന്‍സ്മാത്യു(കോയിപ്രം) 9447349101
അഭിലാഷ്(ചെറുകോല്‍) 9847080787

English summary

Kerala flood news: Alappuzha rain again, cities water level increased